ସମ୍ବଲପୁର, ୧୫ ଜୁଲାଇ(ହି.ସ.) – ସମ୍ବଲପୁର ଟାଉନ ଥାନା ପୋଲିସ ଏକ ଚୋରି ମାମଲାରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ବହୁ ଚୋରା ସାମଗ୍ରୀ ଜବତ କରିଛି। ସୂଚନା ଅନୁଯାୟୀ, ଟାଉନ ଥାନାରେ ଗତ ୧୨ ତାରିଖରେ ରୁଜୁ ହୋଇଥିବା ୪୦୬/୨୬ ନମ୍ବରରେ ଏକ ଚୋରି ମାମଲାକୁ ତଦନ୍ତ କରିବା ପାଇଁ ଏସ୍ଡିପିଓଙ୍କ ତତ୍ୱାବଧାନରେ ତଥା ଟାଉନ ଥାନା ଆଇଆଇସିଙ୍କ ନେତୃତ୍ୱରେ ଗଠିତ ପୋଲିସ ଟିମ୍ ଦୁଇ ଅଭିଯୁକ୍ତଙ୍କୁ ଗିରଫ କରିଥିଲେ । ଗିରଫ ଦୁଇ ଅଭିଯୁକ୍ତ ମାନଙ୍କ ମଧ୍ୟରେ ୩୦ ବର୍ଷିୟ ସୁନୀଲ ଗିଡ଼ି ଓ ୨୩ ବର୍ଷିୟ କିଶୋର କିସାନ। ଗିରଫ ବେଳେ ଉଭୟଙ୍କ ନିକଟରୁ ୩ଟି ସୁନା କାନଫୁଲ, ୧ଟି ରୂପା ପାଉଁଜି, ୪ଟି ରୂପା ପାଉଁଜି, ୨ଟି ରୂପା ଆଙ୍ଗୁଠି, ୪ଟି ରୂପା ବିଛା, ଏକ ହୋଣ୍ଡା ସାଇନ୍ ବାଇକ୍, ଏକ କଳା ରଙ୍ଗର ରେଡମି କେୱାଇ ମୋବାଇଲ ଫୋନ୍ ଓ କିଛି ପୋଷାକ ଜବତ କରିଛି। ତଦନ୍ତ ବେଳେ ଜଣାପଡ଼ିଛି ସୁନୀଲ ବିରୋଧରେ ଟାଉନ ଥାନାରେ ଏବଂ କିଶୋର ବିରୋଧରେ ବୁର୍ଲା ଥାନାରେ ମାମଲା ରହିଛି। ଉଭୟ ଅଭିଯୁକ୍ତଙ୍କୁ କୋର୍ଟ ଚାଲାଣ ପରେ ୧୫ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।
.......................................
ହିନ୍ଦୁସ୍ଥାନ ସମାଚାର / ଶୈଳେଶ
