ପୁରୀ/ଭୁବନେଶ୍ୱର, ୧୭ ଜୁଲାଇ (ହି.ସ)- ମହାପ୍ରଭୁ ଜଗନ୍ନାଥଙ୍କ ବିଶ୍ୱ ପ୍ରସିଦ୍ଧ ରଥଯାତ୍ରା ଅବସରରେ ଲକ୍ଷ ଲକ୍ଷ ଭକ୍ତଙ୍କ ଯାତ୍ରାକୁ ସୁରକ୍ଷିତ, ସୁଗମ ଏବଂ ଅଧିକ ସୁବିଧାଜନକ କରିବା ପାଇଁ ରିଲାଏନ୍ସ ଫାଉଣ୍ଡେସନର ବ୍ୟାପକ ସେବା ଅଭିଯାନ ଜାରି ରହିଛି। ଜୁଲାଇ ୧୫ ରୁ ଜୁଲାଇ ୨୭ ପର୍ଯ୍ୟନ୍ତ ଚାଲିଥିବା ଏହି ଅଭିଯାନରେ ଭକ୍ତମାନଙ୍କ ପାଇଁ ମାଗଣା ସାତ୍ୱିକ ଭୋଜନ ଏବଂ ସୁରକ୍ଷିତ ପାନୀୟ ଜଳ, ପୋଲିସ ସହାୟତା ବୁଥ୍ ସ୍ଥାପନା ସହାୟତା ଏବଂ ସ୍ୱଚ୍ଛତା ଅଭିଯାନ ଭଳି ବିଭିନ୍ନ ପଦକ୍ଷେପ ଅନ୍ତର୍ଭୁକ୍ତ ରହିଛି। ରଥଯାତ୍ରାରେ ସେବା କରୁଥିବା ପୋଲିସ ତଥା ଅନ୍ୟ କର୍ମଚାରୀ, ବିଭିନ୍ନ ସଂଗଠନ ଏବଂ ସ୍ୱେଚ୍ଛାସେବୀମାନଙ୍କୁ ମଧ୍ୟ ବିଶେଷ ସହାୟତା ଉପଲବ୍ଧ କରାଯାଉଛି।
ପୁରୀ ରଥଯାତ୍ରା ସମୟରେ ରିଲାଏନ୍ସ ଫାଉଣ୍ଡେସନ ପୂର୍ବରୁ ମଧ୍ୟ ସେବା କାର୍ଯ୍ୟରେ ସହାୟତା କରିଆସିଛି ଏବଂ ଏହି ବର୍ଷ ସେବା ଅଭିଯାନର ପରିସରକୁ ବିସ୍ତାର କରାଯାଇଛି। ରିଲାଏନ୍ସ ଇଣ୍ଡଷ୍ଟ୍ରିଜର କାର୍ଯ୍ୟନିର୍ବାହୀ ନିର୍ଦ୍ଦେଶକ ଅନନ୍ତ ଅମ୍ବାନୀ କହିଛନ୍ତି ଯେ ଭକ୍ତ ଏବଂ ସେମାନଙ୍କ ସେବାରେ ସମର୍ପିତ ଲୋକଙ୍କ ସେବା କରିବା ଏକ ପ୍ରକାର ସ୍ୱୟଂ ମହାପ୍ରଭୁ ଜଗନ୍ନାଥଙ୍କ ସେବା କରିବା ଭଳି।
ରିଲାଏନ୍ସ ଫାଉଣ୍ଡେସନ ଅନୁଯାୟୀ, ଏହି ଅଭିଯାନରେ ଭକ୍ତମାନଙ୍କ ପାଇଁ ମାଗଣା ସାତ୍ୱିକ ଭଜନ ଏବଂ ସୁରକ୍ଷିତ ପାନୀୟ ଜଳ ବ୍ୟବସ୍ଥା କରାଯାଇଛି। ୧୫ ଜୁଲାଇରୁ ୨୭ ଜୁଲାଇ ପର୍ଯ୍ୟନ୍ତ ଏକ କେନ୍ଦ୍ରୀୟ ରୋଷେଇ ଘର ମାଧ୍ୟମରେ କରାଯାଉଥିବା ଏହି ଅନ୍ନ ସେବାରେ ପୁରୀର ବଡଦାଣ୍ଡ ସ୍ଥିତ ଭୋଳାନାଥ ହାଇସ୍କୁଲରେ ଉତ୍ସର୍ଗୀକୃତ ଭୋଜନ ପରିବେଷଣ ସେବା ସୁବିଧା ଅନ୍ତର୍ଭୁକ୍ତ ରହିଛି। ମନ୍ଦିର ପ୍ରବେଶ କ୍ଷେତ୍ର, ପରିବହନ ସ୍ଥାନ, ମେଡିକାଲ ଜୋନ୍, ପ୍ରମୁଖ ଛକ ଏବଂ ସମୁଦ୍ରକୂଳ ସ୍ଥାନ ସମେତ ୫୦ କିଲୋମିଟରରୁ ଅଧିକ ପ୍ରମୁଖ ତୀର୍ଥଯାତ୍ରୀ ମାର୍ଗରେ ପ୍ରାୟ ୯୦ ଟି ପୋଲିସ ସହାୟତା ପୋଷ୍ଟ ପ୍ରତିଷ୍ଠାରେ ସହାୟତା କରାଯାଇଛି। ସେବା ଏବଂ ମାନବତାର ଭାବନା ସହିତ ପୋଲିସ କର୍ମଚାରୀ, ଅଗ୍ନିଶମ ସେବା ଦଳ, ଗୃହରକ୍ଷୀ, ସିଭିଲ୍ ଡିଫେନ୍ସ କର୍ମଚାରୀ, ସଫେଇ କର୍ମୀ, ମନ୍ଦିର ସଫେଇ ଦଳ, ସ୍ୱେଚ୍ଛାସେବୀ ଏବଂ ଅନ୍ୟ ଆଗଧାଡିର ସେବା ପ୍ରଦାନକାରୀମାନଙ୍କୁ ବର୍ଦ୍ଧିତ ଡ୍ୟୁଟି ସମୟ ମଧ୍ୟରେ ସୁରକ୍ଷିତ ପାଣି, ଓଆରଏସ, ହାଲୁକା ଖାଦ୍ୟସାମଗ୍ରୀ ଏବଂ ଅନ୍ୟାନ୍ୟ ଆବଶ୍ୟକୀୟ ସହାୟତା ପ୍ରଦାନ କରାଯାଉଛି। ଏହା ସହିତ ସ୍ୱେଚ୍ଛାସେବୀମାନେ ଯାତ୍ରୀମାନଙ୍କୁ ଯାତ୍ରା ମାର୍ଗ ସୂଚନା ଓ ମାର୍ଗଦର୍ଶନ, ସୁରକ୍ଷା ସହାୟତା ଏବଂ ଆବଶ୍ୟକୀୟ ସୂଚନା ପ୍ରଦାନ କରିବାରେ ସହାୟତା କରୁଛନ୍ତି। ପୁରୀ ପୌରପାଳିକା ମାଧ୍ୟମରେ ଅଧିକ ଜନଗହଳିପୂର୍ଣ୍ଣ ସ୍ଥାନଗୁଡ଼ିକରେ ପରିମଳ ଦଳ, ସ୍ୱେଚ୍ଛାସେବୀ ଏବଂ ତୀର୍ଥଯାତ୍ରୀ ସେବା ସଂଗଠନଗୁଡ଼ିକୁ ଆବର୍ଜନା ସଂଗ୍ରହ ବ୍ୟାଗ ଏବଂ ସୁରକ୍ଷା ଗ୍ଲୋଭସ୍ ପ୍ରଦାନ କରାଯାଉଛି। ସମଗ୍ର ସେବା କାର୍ଯ୍ୟକୁ ଜିଆଇଏସ-ଆଧାରିତ ଡିଜିଟାଲ୍ ପ୍ଲାଟଫର୍ମ ମାଧ୍ୟମରେ ପ୍ରଭାବଶାଳୀ ଭାବରେ ସମନ୍ୱିତ କରାଯାଉଛି।
ଅନନ୍ତ ଅମ୍ବାନୀ କହିଛନ୍ତି, ପୁରୀ ରଥଯାତ୍ରା କୋଟି କୋଟି ଲୋକଙ୍କ ପାଇଁ ଆସ୍ଥା ଓ ବିଶ୍ୱାସର ପର୍ବ। ଭକ୍ତ, ପୋଲିସ କର୍ମଚାରୀ ଏବଂ ସେବାରେ ସାମିଲ ଥିବା ପ୍ରତ୍ୟେକଙ୍କ ସେବା କରିବା ଆମ ପାଇଁ ଏକ ପରମ ସୌଭାଗ୍ୟ। ମହାପ୍ରଭୁ ଜଗନ୍ନାଥଙ୍କ ସେବା ଲୋକଙ୍କ ସେବା ମାଧ୍ୟମରେ ହିଁ ହୋଇଥାଏ।
ରିଲାଏନ୍ସ ଫାଉଣ୍ଡେସନ ଅନୁଯାୟୀ ଏହି ବିବିଧ ସେବା ପଦକ୍ଷେପଗୁଡ଼ିକର ଉଦ୍ଦେଶ୍ୟ ହେଉଛି ପ୍ରଶାସନ ଏବଂ ସ୍ଥାନୀୟ ସଂଗଠନଗୁଡ଼ିକୁ ସହଯୋଗ କରି ରଥଯାତ୍ରାକୁ ପ୍ରାୟ ୨୦ ଲକ୍ଷରୁ ଅଧିକ ଭକ୍ତଙ୍କ ପାଇଁ ସୁରକ୍ଷିତ, ସ୍ୱଚ୍ଛ ଏବଂ ଅଧିକ ସଂଗଠିତ କରିବାରେ ସହାୟତା କରିବା। ପୁରୀ ରଥଯାତ୍ରା ସେବା ୨୦୨୬ ଅଭିଯାନ ମାଧ୍ୟମରେ, ରିଲାଏନ୍ସ ପୁରୀ ପ୍ରଶାସନ, ଆଗଧାଡ଼ିରେ କାର୍ଯ୍ୟ କରୁଥିବା ବିଭାଗ ଓ ସଂସ୍ଥା, ସ୍ଥାନୀୟ ସମୁଦାୟ ଏବଂ ପ୍ରତିଷ୍ଠାନଗୁଡିକ ସହିତ ସାର୍ବଜନୀନ ସହାୟତା ଭିତ୍ତିଭୂମିକୁ ସୁଦୃଢ଼ କରିବା ଏବଂ ଲକ୍ଷ ଲକ୍ଷ ଭକ୍ତଙ୍କ ପାଇଁ ଏକ ସୁରକ୍ଷିତ, ସ୍ୱଚ୍ଛ, ଅଧିକ ସମାବେଶୀ ଏବଂ ସୁପରିଚାଳିତ ତୀର୍ଥଯାତ୍ରା ଅନୁଭୂତି ସୃଷ୍ଟି କରିବାରେ ସାହାଯ୍ୟ କରିବା ପାଇଁ କାର୍ଯ୍ୟ ଜାରି ରଖିଛି।
---------------
ହିନ୍ଦୁସ୍ଥାନ ସମାଚାର / ବନ୍ଦନା
