ଭୁବନେଶ୍ୱର, 02 ଜୁଲାଇ (ହି.ସ.)- କ୍ୟାବିନେଟରେ କେଜିରୁ
ପିଜି ମାଗଣା ଶିକ୍ଷା ଓ ମଧ୍ୟାହ୍ନ ଭୋଜନର ସମ୍ପ୍ରସାରଣ ଅନୁମୋଦନକୁ ପ୍ରଶଂସା କରିଛନ୍ତି
ବ୍ରହ୍ମପୁର ସାଂସଦ ପ୍ରଦୀପ ପାଣିଗ୍ରାହୀ । ଏନେଇ ସେ କହିଛନ୍ତି ଯେ, ମୁଖ୍ୟମନ୍ତ୍ରୀ ଶ୍ରୀ ମୋହନ
ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍ ବୈଠକର ଐତିହାସିକ ନିଷ୍ପତ୍ତିକୁ ସ୍ୱାଗତ
ଜଣାଉଛି। 'ଜ୍ଞାନୋଦୟ-ଶିକ୍ଷାରୁ
ସମୃଦ୍ଧି' ଯୋଜନାରେ
କେଜି ରୁ ପିଜି ମାଗଣା ଶିକ୍ଷା ଓ ମଧ୍ୟାହ୍ନ ଭୋଜନର ସମ୍ପ୍ରସାରଣ ରାଜ୍ୟର ଶିକ୍ଷା କ୍ଷେତ୍ରରେ
ଏକ ଯୁଗାନ୍ତକାରୀ ପଦକ୍ଷେପ।
ସେ କହିଛନ୍ତି ଯେ, ଏହା ସହିତ
ଗଭୀର ସମୁଦ୍ର ମାଛ ଧରିବା ପାଇଁ ୧୦ ବର୍ଷିଆ ମିଶନ ଓ ନୀଳ ଅର୍ଥନୀତିର ବିକାଶ ଓଡ଼ିଶାର
ଉପକୂଳବର୍ତ୍ତୀ ଅଞ୍ଚଳ ଓ ମତ୍ସ୍ୟଜୀବୀ ଭାଇଭଉଣୀମାନଙ୍କ ଆର୍ଥିକ ଉନ୍ନତିରେ ମାଇଲଖୁଣ୍ଟ
ସାବ୍ୟସ୍ତ ହେବ। ଏହି ଦୂରଦୃଷ୍ଟିସମ୍ପନ୍ନ ନିଷ୍ପତ୍ତି ପାଇଁ ସରକାରଙ୍କୁ ଅଶେଷ ଧନ୍ୟବାଦ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
