ଅମୃତସର, ୦୧ ଅଗଷ୍ଟ (ହି.ସ.)- କାଉଂଟର ଇେଂଟଲିଜେନ୍ସ (ସିଆଇ) ଅମୃତସର ସୀମାପାରରୁ ପରିଚାଳିତ ମାଦକଦ୍ରବ୍ୟ ତସ୍କରି ଏବଂ ସଂଗଠିତ ଅପରାଧ ନେଟୱର୍କ ସହ ଜଡିତ ଜଣେ ଅଭିଯୁକ୍ତଙ୍କୁ ୨୦ କିଲୋଗ୍ରାମ ହେରୋଇନ ସହ ଗିରଫ କରିଛି। ପଞ୍ଜାବର ପୁଲିସ ମହାନିର୍ଦ୍ଦେଶକ (ଡିଜିପି) ଗୌରବ ଯାଦବ ଶନିବାର ଏହି ସୂଚନା ଦେଇଛନ୍ତି।

ଡିଜିପି କହିଛନ୍ତି ଯେ ଗିରଫ ଅଭିଯୁକ୍ତଙ୍କ ପରିଚୟ ତରନତାରନ ଜିଲ୍ଲାର ଝବାଲ ସ୍ଥିତ ଅମୃତସର ରୋଡ଼ର ବାସିନ୍ଦା ଓମ ଶର୍ମା ଭାବେ ହୋଇଛି। ପୁଲିସ ତାଙ୍କ କବଜାରୁ ୨୦ କିଲୋଗ୍ରାମ ହେରୋଇନ ଜବତ କରିବା ସହ ତସ୍କରିରେ ବ୍ୟବହୃତ ହେଉଥିବା ହୋଣ୍ଡା ସିଟି କାର (ପଞ୍ଜୀକରଣ ସଂଖ୍ୟା ପିବି-୪୬-ଏଜେ-୬୦୨୧) ମଧ୍ୟ ଜବତ କରିଛି।

ପୁଲିସର ପ୍ରାରମ୍ଭିକ ତଦନ୍ତ ଆଧାରରେ ଡିଜିପି କହିଛନ୍ତି ଯେ ଅଭିଯୁକ୍ତ ସୀମାପାରରେ ଥିବା ତସ୍କରମାନଙ୍କ ସହ ଜଡିତ ଜଣେ ବିଦେଶୀ ହ୍ୟାଣ୍ଡଲରଙ୍କ ନିର୍ଦ୍ଦେଶରେ କାମ କରୁଥିଲେ। ସୀମାନ୍ତ ଅଂଚଳରେ ଡ୍ରୋନ ମାଧ୍ୟମରେ ପହଂଚାଯାଇଥିବା ହେରୋଇନ ଖେପକୁ ଗ୍ରହଣ କରି ପଞ୍ଜାବର ବିଭିନ୍ନ ଅଂଚଳକୁ ଆଗକୁ ଯୋଗାଣ କରିବା ତାଙ୍କ ଦାୟିତ୍ୱ ଥିଲା।

---------------------------

---------------

ହିନ୍ଦୁସ୍ଥାନ ସମାଚାର / ଗଗନ