ଶ୍ରୀନଗର, ଅଗଷ୍ଟ 1 (ହି.ସ)। ଜାମ୍ମୁ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଶନିବାର ଦିନ କୁଲଗାମ ଆତଙ୍କବାଦୀ ଆକ୍ରମଣରେ ଦୁଇ ଜଣ ପ୍ରବାସୀ ଶ୍ରମିକଙ୍କ ହତ୍ୟାକୁ ଦୃଢ଼ ନିନ୍ଦା କରିଛନ୍ତି ଏବଂ ମୃତକଙ୍କ ପରିବାରକୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୧୦ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି।

ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ ଏକ୍ସରେ କରାଯାଇଥିବା ଏକ ପୋଷ୍ଟ ଅନୁଯାୟୀ, ମୁଖ୍ୟମନ୍ତ୍ରୀ ଏହି ଆକ୍ରମଣକୁ କାପୁରୁଷୋଚିତ କାର୍ଯ୍ୟ ବୋଲି ବର୍ଣ୍ଣନା କରିବା ସହ ନିରୀହ ଲୋକଙ୍କ ପ୍ରାଣହାନିରେ ଗଭୀର ଶୋକ ପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ଯେ, ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ପ୍ରତ୍ୟେକ ପୀଡ଼ିତ ପରିବାରକୁ ୧୦ ଲକ୍ଷ ଟଙ୍କା ଲେଖାଏଁ ଅନୁକମ୍ପା ରାଶି ପ୍ରଦାନ କରାଯିବ। ଜିଲ୍ଲା ପ୍ରଶାସନ ପକ୍ଷରୁ ପୂର୍ବରୁ ପ୍ରଦାନ କରାଯାଉଥିବା ୬ ଲକ୍ଷ ଟଙ୍କାର ତତ୍କାଳ ସହାୟତା ରାଶି ବ୍ୟତୀତ ଏହି ଅତିରିକ୍ତ ଅନୁଦାନ ଦିଆଯିବ।

ସେ ମଧ୍ୟ ପୀଡିତଙ୍କ ପରିବାର ପ୍ରତି ଗଭୀର ସମବେଦନା ଜଣାଇଥିଲେ ଏବଂ ଦୋହରାଇଥିଲେ ଯେ ଏହି କଠିନ ସମୟରେ ଜାମ୍ମୁ-କାଶ୍ମୀର ସରକାର ସେମାନଙ୍କ ସହିତ ଦୃଢ ଭାବେ ଠିଆ ହୋଇଛନ୍ତି।

ସୂଚନାଯୋଗ୍ୟ ଯେ ଶୁକ୍ରବାର ଦିନ କୁଲଗାମରେ ଆତଙ୍କବାଦୀଙ୍କ ଆକ୍ରମଣରେ ଦୁଇ ଜଣ ନିହତ ହୋଇଛନ୍ତି। ମୃତକମାନେ ହେଲେ ଉମା ଶଙ୍କରଙ୍କ ପୁଅ ଦୀପକ ରାତ୍ରେ (24) ଏବଂ ଦଶରଦଙ୍କ ପୁଅ ବୋପିନ୍ଦର (28)। ଉଭୟ ଛତିଶଗଡ଼ର ବାସିନ୍ଦା ଏବଂ କାଶ୍ମୀରରେ ପ୍ରବାସୀ ଶ୍ରମିକ ଭାବେ କାମ କରୁଥିଲେ।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା