ନୂଆଦିଲ୍ଲୀ, ଅଗଷ୍ଟ ୦୧ (ହି.ସ.) - ରେଳ ବୋର୍ଡର ସମୀକ୍ଷା କମିଟି ଜନସ୍ୱାର୍ଥରେ ଭାରତୀୟ ରେଳବାଇର ପାଂଚ ଜଣ ଗ୍ରୁପ୍-ଏ ଅଧିକାରୀଙ୍କୁ ସମୟ ପୂର୍ବରୁ ଅବସର ନେବାକୁ ସୁପାରିଶ କରିଛନ୍ତି। ଭାରତୀୟ ରେଳବାଇ ପ୍ରତିଷ୍ଠାନ ସଂହିତାର ଧାରା-୨ର ନିୟମ ୧୮୦୨ (ଏ) ଅନୁଯାୟୀ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି, ଯାହା ମୌଳିକ ନିୟମର ନିୟମ ୫୬ (ଜେ) ସହିତ ସମାନ।

ରେଳ ମନ୍ତ୍ରଣାଳୟ ଅନୁଯାୟୀ, ଯେଉଁ ଅଧିକାରୀମାନଙ୍କୁ ସମୟ ପୂର୍ବରୁ ଅବସର ପାଇଁ ସୁପାରିଶ କରାଯାଇଛି ସେମାନଙ୍କ ମଧ୍ୟରେ ଭାରତୀୟ ରେଳ ସ୍ୱାସ୍ଥ୍ୟ ସେବା (ଆଇଆରଏଚଏସ) ର ବରିଷ୍ଠ ପ୍ରଶାସନିକ ଗ୍ରେଡ୍ (ଏସଏଜି) ର ଦୁଇ ଜଣ ଅଧିକାରୀ, ଉତର ରେଳବାଇର ଭାରତୀୟ ରେଳବାଇ ସିଭିଲ ଇଞ୍ଜିନିୟରିଂ ସେବା (ଆଇଆରଏସଇ) ର କନିଷ୍ଠ ପ୍ରଶାସନିକ ଗ୍ରେଡ୍ (ଜେଏଜି) ର ଜଣେ ଅଧିକାରୀ, ଉତର ରେଳବାଇର ଭାରତୀୟ ରେଳବାଇ ବୈଦ୍ୟୁତିକ ଇଞ୍ଜିନିୟରିଂ ସେବା (ଆଇଆରଏସଇଇ) ର ଜଣେ ଅଧିକାରୀ ଏବଂ ପଶ୍ଚିମ ରେଳବାଇର ଭାରତୀୟ ରେଳବାଇ ଟ୍ରାଫିକ୍ ସେବା (ଆଇଆରଟିଏସ) ର ଜେଏଜି ସ୍ତରର ଜଣେ ଅଧିକାରୀ ଅଛନ୍ତି।

ମନ୍ତ୍ରଣାଳୟ କହିଛି ଯେ ସମୀକ୍ଷା କମିଟି ନିର୍ଦ୍ଧାରିତ ପ୍ରକ୍ରିୟା ଅନୁଯାୟୀ ସମ୍ପୃକ୍ତ ଅଧିକାରୀଙ୍କ ସେବା ରେକର୍ଡର ବିସ୍ତୃତ ମୂଲ୍ୟାଙ୍କନ କରିଥିଲା। ଏହା ବାର୍ଷିକ ପ୍ରଦର୍ଶନ ମୂଲ୍ୟାଙ୍କନ ରିପୋର୍ଟ (ଏପିଏଆର), ଅଖଣ୍ଡତା ରେକର୍ଡ, ସତର୍କତା ରିପୋର୍ଟ, ଶୃଙ୍ଖଳାଗତ ମାମଲା ଇତିହାସ ଏବଂ ଅନ୍ୟାନ୍ୟ ସେବା ରେକର୍ଡ ଯାଂଚ କରିଥିଲା। ସମସ୍ତ ଦିଗ ଉପରେ ବିଚାର କରିବା ପରେ, କମିଟିଗୁଡ଼ିକ ସର୍ବସମ୍ମତିକ୍ରମେ ଜନସ୍ୱାର୍ଥ ଦୃଷ୍ଟିରୁ ଏହି ଅଧିକାରୀମାନଙ୍କୁ ଅକାଳ ଅବସର ଦେବାକୁ ସୁପାରିଶ କରିଥିଲେ।

ହିନ୍ଦୁସ୍ଥାନ ସମାଚାର / ଭାନୁ ଚରଣ