ମାଡ୍ରିଡ୍, ଜୁଲାଇ ୩୧(ହି.ସ)-ଉତ୍ତର ଆଫ୍ରିକାରେ ଅବସ୍ଥିତ ସ୍ପେନର ସ୍ଵାୟତ୍ତ ଅଞ୍ଚଳର ସ୍ୟୁଟାରେ ପ୍ରବାସୀମାନଙ୍କର ଏକ ବିଶାଳ ପ୍ରବେଶ ପରେ ପରିସ୍ଥିତି ଧୀରେ ଧୀରେ ନିୟନ୍ତ୍ରଣକୁ ଆସୁଛି। ସ୍ପେନିସ୍ ସରକାରଙ୍କ ଅନୁଯାୟୀ, ସୀମା ପାର କରିଥିବା ୬୦,୦୦୦ ପ୍ରବାସୀଙ୍କ ମଧ୍ୟରୁ ୪୮,୩୦୦ ରୁ ଅଧିକ ସ୍ୱେଚ୍ଛାକୃତ ଭାବରେ ମରକ୍କୋକୁ ଫେରି ଆସିଛନ୍ତି। ଫ୍ରାନ୍ସର ସରକାରୀ ଅନ୍ତର୍ଜାତୀୟ ନ୍ୟୁଜ୍ ଟେଲିଭିଜନ ନେଟୱାର୍କ ଫ୍ରାନ୍ସ ୨୪ ଅନୁଯାୟୀ, ସ୍ପେନିସ୍ ଗୃହ ମନ୍ତ୍ରଣାଳୟ ରିପୋର୍ଟ କରିଛି ଯେ ଗୁରୁବାର ସକାଳ ଠାରୁ ବହୁ ସଂଖ୍ୟକ ଲୋକ ସ୍ଥଳ ଏବଂ ସମୁଦ୍ର ପଥରେ ସ୍ୟୁଟା ପହଁଞ୍ଚିଥିଲେ,ଯାହା ବିଶୃଙ୍ଖଳା ଏବଂ ମାନବିକ ସଙ୍କଟ ସୃଷ୍ଟି କରିଛି। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ, ମରକ୍କୋ ସୁରକ୍ଷା ବାହିନୀ ସୀମାରେ ବାଡ଼ି ଏବଂ ଲୁହବୁହା ଗ୍ୟାସ ବ୍ୟବହାର କରି ନୂତନ ପ୍ରବାସୀଙ୍କୁ ପାର ହେବାରୁ ରୋକିବାକୁ ଚେଷ୍ଟା କରିଛନ୍ତି।ୟୁରୋପୀୟ କମିଶନ ସଭାପତି ଉର୍ସୁଲା ଭନ୍ ଡେର୍ ଲେଏନ୍ ପରିସ୍ଥିତିକୁ ଅଗ୍ରହଣୀୟ ବୋଲି କହିଛନ୍ତି, ନିୟମ ପାଳନ ନକରି କାହାକୁ ଇୟୁ ଭିତରକୁ ପ୍ରବେଶ କରିବାକୁ ଅନୁମତି ଦିଆଯାଇପାରିବ ନାହିଁ।ଏହି ସମୟରେ, ଇଟାଲୀ ସ୍ପେନକୁ ଶେଞ୍ଜେନ ମୁକ୍ତ-ଗମନାଗମନ ଅଞ୍ଚଳରୁ ନିଲମ୍ବନ କରିବାକୁ ଦାବି କରିଥିଲା। ପରେ ଫିନଲ୍ୟାଣ୍ଡ ଏବଂ ଡେନମାର୍କ ଏହି ଦାବିକୁ ସମର୍ଥନ କରିଥିଲେ। ଜର୍ମାନ ଚାନ୍ସେଲର ଫ୍ରେଡ୍ରିଚ୍ ମର୍ଜ ମରକ୍କୋକୁ ତୁରନ୍ତ ଅବୈଧ ପ୍ରବାସୀମାନଙ୍କୁ ଦେଶାନ୍ତର କରିବାକୁ ଅନୁରୋଧ କରିଥିଲେ।ଫ୍ରାନ୍ସ ଏବଂ ବ୍ରିଟେନ ସଙ୍କଟର ମୁକାବିଲା ପାଇଁ ସ୍ପେନକୁ ସହାୟତା ପ୍ରଦାନ କରିଛନ୍ତି, ଯେତେବେଳେ ଫ୍ରାନ୍ସ ସ୍ପେନ ସହିତ ଏହାର ସୀମାରେ ସୁରକ୍ଷା ଯାଞ୍ଚକୁ ମଧ୍ୟ କଡ଼ାକଡ଼ି କରିଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା