ଭୁବନେଶ୍ୱର, 27 ଅଗଷ୍ଟ (ହି.ସ.)- ପବିତ୍ର ରାକ୍ଷୀ

ପୂର୍ଣ୍ଣିମାର ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ ଓ ଅନ୍ୟମାନେ । ଏହି

ଅବସରରେ ସୋସିଆଲ ମିଡିଆ ଏକ୍ସରେ ଏକ ବାର୍ତ୍ତା ଜାରି କରି ମୁଖ୍ୟମନ୍ତ୍ରୀ କହିଛନ୍ତି ଯେ, ପବିତ୍ର

ରାକ୍ଷୀ ପୂର୍ଣ୍ଣିମା ଅବସରରେ ସମଗ୍ର ରାଜ୍ୟବାସୀ ବିଶେଷ କରି ମୋର ସମସ୍ତ ସ୍ନେହମୟୀ

ଭଉଣୀମାନଙ୍କୁ ଆନ୍ତରିକ ଶୁଭେଚ୍ଛା ଓ ଅଭିନନ୍ଦନ।

ମୁଖ୍ୟମନ୍ତ୍ରୀ କହିଛନ୍ତି

ଯେ, ଆପଣମାନଙ୍କ ଗଭୀର ବିଶ୍ୱାସ ଓ ଅତୁଟ ଭଲପାଇବାକୁ ସମ୍ବଳ କରି ରାଜ୍ୟ ସେବାରେ ବ୍ରତୀ ଏହି

ଭାଇ ପାଇଁ ଆପଣଙ୍କ ସୁରକ୍ଷା, ସ୍ୱାଭିମାନ ଓ ସମ୍ମାନ ହିଁ ସର୍ବୋଚ୍ଚ ପ୍ରାଥମିକତା। 'ସୁଭଦ୍ରା' ମାଧ୍ୟମରେ

ଆଜି ଯେତେବେଳେ ମୋର ଭଉଣୀମାନେ ନିଜ ସ୍ୱପ୍ନ ସାକାର କରି ଆତ୍ମନିର୍ଭରଶୀଳ ହେଉଛନ୍ତି, ଜଣେ ଭାଇ

ଭାବରେ ମୋ ହୃଦୟ ଅପାର ଗର୍ବ ଓ ଆନନ୍ଦରେ ଭରିଉଠୁଛି। ଆପଣଙ୍କ ପ୍ରତ୍ୟେକଟି ସୁଖ-ଦୁଃଖରେ, ଆପଣଙ୍କ

ସ୍ୱପ୍ନକୁ ସାକାର କରିବା ପାଇଁ ଏହି ଭାଇ ସଦାସର୍ବଦା ଆପଣଙ୍କ ସାଥୀ ହୋଇ ଛିଡ଼ା ହୋଇ ରହିବ। ମହାପ୍ରଭୁ ଆପଣ ସମସ୍ତଙ୍କ ଜୀବନକୁ ଅପାର ସୁଖ, ଶାନ୍ତି

ଓ ସମୃଦ୍ଧିରେ ଭରିଦିଅନ୍ତୁ।

ଉପମୁଖ୍ୟମନ୍ତ୍ରୀ ପ୍ରଭାତି

ପରିଡା କହିଛନ୍ତି ଯେ,ପବିତ୍ର ରାକ୍ଷୀ ପୂର୍ଣ୍ଣିମା ବା ଗହ୍ମା ପୂର୍ଣ୍ଣିମା ଅବସରରେ

ଆପଣମାନଙ୍କୁ ସମସ୍ତଙ୍କୁ ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ । ଭାଇଭଉଣୀଙ୍କ ଅତୁଟ ସ୍ନେହ ଓ

ବିଶ୍ୱାସର ଏହି ପବିତ୍ର ପର୍ବ ସମସ୍ତଙ୍କ ଜୀବନରେ ସୁଖ, ଶାନ୍ତି ଓ ସମୃଦ୍ଧି ଆଣୁ, ଏହାହିଁ କାମନା

ଉପମୁଖ୍ୟମନ୍ତ୍ରୀ କନକ

ବର୍ଦ୍ଧନ ସିଂହଦେଓ କହିଛନ୍ତି ଯେ, ପବିତ୍ର ରାକ୍ଷୀ ପୂର୍ଣ୍ଣିମା ଅବସରରେ ସମସ୍ତ ଭଉଣୀ ଓ

ଭାଇଙ୍କୁ ମୋର ଆନ୍ତରିକ ଶୁଭେଚ୍ଛା ଓ ଶୁଭକାମନା। ଭାଇ-ଭଉଣୀଙ୍କ ସ୍ନେହ, ବିଶ୍ୱାସ

ଓ ଭଲପାଇବାର ଏହି ପବିତ୍ର ବନ୍ଧନ ସଦା ଅତୁଟ ରହୁ। ମହାପ୍ରଭୁ ଶ୍ରୀଜଗନ୍ନାଥ ସମସ୍ତଙ୍କ ଜୀବନ

ସୁଖ, ଶାନ୍ତି

ଓ ସମୃଦ୍ଧିରେ ଭରି ଦିଅନ୍ତୁ।

ସ୍ୱାସ୍ଥ୍ୟମନ୍ତ୍ରୀ ଡ.ମୁକେଶ

ମହାଲିଙ୍ଗ କହିଛନ୍ତି ଯେ, ପବିତ୍ର ରାକ୍ଷୀ ପୂର୍ଣ୍ଣିମା ଉପଲକ୍ଷେ ସଭିଙ୍କୁ ହାର୍ଦ୍ଦିକ

ଶୁଭେଚ୍ଛା ଓ ଶୁଭକାମନା।ଭାଇ ଭଉଣୀଙ୍କ ସ୍ନେହ,

ଆଦର, ଓ ବିଶ୍ୱାସର ଏହି ଅତୁଟ ବନ୍ଧନ ସମସ୍ତଙ୍କ ଜୀବନରେ ସଦାସର୍ବଦା ଖୁସି

ଓ ଆନନ୍ଦ ଭରିଦେଉ ଏହା ମହାପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ପ୍ରାର୍ଥନା।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା