ବଲାଙ୍ଗୀର, ୨୮ ଅଗଷ୍ଟ(ହି.ସ.) – ପ୍ରାକ୍ତନ ପାଟଣା ରାଜ୍ୟ ଅଧିଷ୍ଟାତ୍ରୀ ଦେବୀ ମା ପାଟଣେଶ୍ୱରୀ ଦେବୀଙ୍କ ପୀଠର ଗମ୍ଭିରା ଗୃହର ସ୍ଥିତି ପରଖିବା ପାଇଁ ଦେବାଳୟ ସୁରକ୍ଷା କମିଟିର ଅନୁରୋଧ କ୍ରମେ ସାଂସଦ ସଂଗୀତା କୁମାରୀ ସିଂଦେଓ ଆଜି ଅପରାହ୍ନରେ ପହଂଚି ମା’ଙ୍କ ଦର୍ଶନ କରିବା ପରେ ଦେବାଳୟ ସୁରକ୍ଷା କମିଟି ଏବଂ ବୁଦ୍ଧିଜିବୀଙ୍କ ସହ ଆଲୋଚନା କରିଛନ୍ତି। ଆଲୋଚନାରେ ମନ୍ଦିରର ଗମ୍ଭିରା ତଥା ଅନ୍ୟାନ୍ୟ ଅସୁବିଧା ସବୁର ତୁରନ୍ତ ସମାଧାନ ନିମନ୍ତେ ପଦକ୍ଷେପ ନେବା ପାଇଁ ପ୍ରତିଶ୍ରୁତି ଦେଇଥିଲେ। ଏହି ସମୟରେ ସଭାପତି ଜୟକୃଷ୍ଣ ମିଶ୍ର, ସଂପାଦକ ପ୍ରଶାନ୍ତ ମହାକୁର, କୋଷାଧ୍ୟକ୍ଷ ଭବାନୀ ଶଙ୍କର ଭୋଇ, ଉପଦେଷ୍ଟା ସୁରେନ୍ଦ୍ର ନେଗୀ, ରିଂଟୁ ସାହୁ, ସତ୍ୟବ୍ରତ ସାହୁ, ପୂଜକ ମଳୟ ଦିଶ୍ରୀ, ସାଂସଦ ପ୍ରତିନିଧି ଦିନେଶ ଶର୍ମା, ପୁରୁଷୋତମ ସାହୁ, ବିଶ୍ୱଜିତ ନାଥ, ଅପ୍ରମିତ ପରିଚ୍ଛା, ବାବୁଲି ପ୍ରମୁଖ ଉପସ୍ଥିତ ଥିଲେ।

.......................................

ହିନ୍ଦୁସ୍ଥାନ ସମାଚାର / ଗୋପବନ୍ଧୁ