ଧନବାଦ, ଅଗଷ୍ଟ ୨୮ (ହି.ସ)- ବର୍ତମାନ ୱାସେପୁରର ପଳାତକ ଅପରାଧୀ ପ୍ରିନ୍ସ ଖାନଙ୍କ ବିରୋଧରେ ଧନବାଦ ପୋଲିସର କାର୍ଯ୍ୟାନୁଷ୍ଠାନ ମଧ୍ୟରେ ଜାତୀୟ ଅନୁସନ୍ଧାନ ଏଜେନ୍ସି (ଏନ୍. ଆଇ. ଏ.) ମଧ୍ୟ ସକ୍ରିୟ ହୋଇଛି। ପ୍ରିନ୍ସ ଖାନଙ୍କ ଅପରାଧିକ ନେଟୱାର୍କ, ସ୍ଥାନୀୟ ସହଯୋଗୀ, ଅର୍ଥନୈତିକ କାର୍ଯ୍ୟକଳାପ ଏବଂ କଥିତ ଆନ୍ତର୍ଜାତୀୟ ସଂଯୋଗର ତଦନ୍ତ ସମ୍ପର୍କରେ ଏନ୍. ଆଇ. ଏ. ଦଳ ଧନବାଦରେ ପହଂଚିଛନ୍ତି।ପ୍ରିନ୍ସ ଖାନଙ୍କ ଅପରାଧିକ ଇତିହାସ, ତାଙ୍କ ନେଟୱାର୍କ ଏବଂ ତାଙ୍କ ସହ ଜଡିତ ଲୋକଙ୍କ ବିଷୟରେ ଧନବାଦର ବରିଷ୍ଠ ପୋଲିସ ଅଧୀକ୍ଷକ (ଏସ୍. ଏସ୍. ପି.) ପ୍ରଭାତ କୁମାରଙ୍କଠାରୁ ଏନ୍. ଆଇ. ଏ. ଦଳ ଗୁରୁତ୍ୱପୂର୍ଣ୍ଣ ସୂଚନା ସଂଗ୍ରହ କରିଛି। ତଦନ୍ତ ଏଜେନ୍ସି ସ୍ଥାନୀୟ ସ୍ତରରେ ତାଙ୍କ ନେଟୱାର୍କର କାର୍ଯ୍ୟକଳାପ ଏବଂ ଯୋଗାଯୋଗ ଉପରେ ମଧ୍ୟ ନଜର ରଖିଛି।
ଧନବାଦ ଗ୍ରାମାଂଚଳ ପୁଲିସ ଅଧୀକ୍ଷକ ଏସ୍. ମହମ୍ମଦ ୟାକୁବ ଶୁକ୍ରବାର ଦିନ କହିଛନ୍ତି ଯେ ଏନ୍. ଆଇ. ଏ. ଦଳ ୱାସେପୁର ଏବଂ ଅନ୍ୟାନ୍ୟ ଅଂଚଳରେ ପ୍ରିନ୍ସ ଖାନଙ୍କ ସହ ଜଡିତ ଅଭିଯୁକ୍ତ କାର୍ଯ୍ୟକର୍ତା, ସହଯୋଗୀ, ପୁରୁଣା ସମ୍ପର୍କ ଏବଂ ଆôର୍ଥକ ନେଟୱାର୍କ ପାଇଁ ଅନୁସନ୍ଧାନ କରୁଛି। ଅନୁସନ୍ଧାନ ସମୟରେ, ତାଙ୍କ ନେଟୱାର୍କର କାର୍ଯ୍ୟକଳାପ ତଥା ସମ୍ଭାବ୍ୟ ଅର୍ଥନୈତିକ ଉତ୍ସ ଏବଂ ଆôର୍ଥକ କାରବାର ସମ୍ବନ୍ଧୀୟ ଦିଗ ମଧ୍ୟ ଅନୁସନ୍ଧାନ କରାଯାଉଛି।
ସେ ସୂଚନା ଦେଇଛନ୍ତି ଯେ ଧାନବାଦ ପୋଲିସ ଏହାର ତଦନ୍ତରେ ଏନ୍. ଆଇ. ଏ. କୁ ଆବଶ୍ୟକ ସହାୟତା ପ୍ରଦାନ କରୁଛି। ଏହି ମାମଲା ସହ ଜଡ଼ିତ ତଥ୍ୟ ସଂଗ୍ରହ କରିବା ଏବଂ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଏଜେନ୍ସି ଏବଂ ସ୍ଥାନୀୟ ପୋଲିସ ମଧ୍ୟରେ ସମନ୍ୱୟ କରାଯାଉଛି।
ଗ୍ରାମାଂଚଳ ଏସପି କହିଛନ୍ତି ଯେ ପ୍ରିନ୍ସ ଖାନଙ୍କ ବିରୋଧରେ ଧନବାଦ ପୋଲିସର କାର୍ଯ୍ୟାନୁଷ୍ଠାନ ନିରବଚ୍ଛିନ୍ନ ଭାବରେ ଜାରି ରହିଛି। ତାଙ୍କ ନେଟୱାର୍କ ସହିତ ଜଡିତ ଲୋକ ଏବଂ ସେମାନଙ୍କ କାର୍ଯ୍ୟକଳାପ ବିଷୟରେ ସୂଚନା ସଂଗ୍ରହ କରି ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯାଉଛି। ଏହି ମାମଲାରେ ଏନ୍. ଆଇ. ଏ. ଦଳ ମଧ୍ୟ ଧାନବାଦରେ ପହଂଚିଥିଲା ଏବଂ ପୋଲିସ ତଦନ୍ତରେ ଏଜେନ୍ସିକୁ ସମ୍ପୂର୍ଣ୍ଣ ସହଯୋଗ କରୁଛି।
ହିନ୍ଦୁସ୍ଥାନ ସମାଚାର / ଭାନୁ ଚରଣ
28 Aug 2026