ଚଣ୍ଡୀଗଡ଼, ୨୮ ଅଗଷ୍ଟ(ହି.ସ.) – କେନ୍ଦ୍ର କୃଷି ଏବଂ କୃଷକ କଲ୍ୟାଣ ମନ୍ତ୍ରୀ ଶିବରାଜ ସିଂ ଚୌହାନ ରକ୍ଷା ବନ୍ଧନ ଅବସରରେ ପଞ୍ଜାବ ଗସ୍ତରେ ଶୁକ୍ରବାର ଦିନ ଅମୃତସରରେ ପହଂଚିଥିଲେ। ସେ ସଚ୍ଚଖଣ୍ଡ ଶ୍ରୀ ହରମନ୍ଦିର ସାହିବରେ ପ୍ରଣାମ କରିଥିଲେ ଏବଂ ଗୁରୁ ଘରଙ୍କ ଆଶୀର୍ବାଦ ଲୋଡ଼ିଥିଲେ।

ଦରବାର ସାହିବରେ ପ୍ରଣାମ କରିବା ପରେ କେନ୍ଦ୍ରମନ୍ତ୍ରୀ ଗୁରୁଘରେ କିଛି ସମୟ ବିତାଇଥିଲେ ଏବଂ ଲଙ୍ଗର ସେବାରେ ଅଂଶଗ୍ରହଣ କରିଥିଲେ। ସେ ଲଙ୍ଗର ହଲରେ ବାସନ ସଫା କରି ସେବା କରୁଥିଲେ। ଏହି ଅବସରରେ ଭକ୍ତ ଏବଂ ଦଳର କର୍ମୀମାନେ ଉଚ୍ଚ ଉତ୍ସାହରେ ଥିବା ଦେଖିବାକୁ ମିଳିଥିଲା। ଶିବରାଜ ସିଂହ ଚୌହାନ ରକ୍ଷା ବନ୍ଧନ ଏବଂ ରଖାଦ ପୁନିଆ ମେଳା ଅବସରରେ ପଞ୍ଜାବ ଗସ୍ତରେ ଅଛନ୍ତି। ସାମ୍ବାଦିକମାନଙ୍କ ସହ କଥାବାର୍ତା କରି ସେ କହିଛନ୍ତି ଯେ ଏଠାକୁ ଆସି ଏକ ନୂତନ ଆଲୋକ ଏବଂ ଶକ୍ତି ସଂଚାରିତ ହୋଇଛି। ଗୁରୁଙ୍କ ଘରେ ସମସ୍ତେ ସମାନ। ଆଜି ତାଙ୍କୁ ଏଠାକୁ ଆସିବାର ସୌଭାଗ୍ୟ ମିଳିଛି। କେନ୍ଦ୍ରମନ୍ତ୍ରୀଙ୍କ କାର୍ଯ୍ୟସୂଚୀରେ ମୁଖ୍ୟତଃ କୃଷକମାନଙ୍କ ସହିତ ବୈଠକ ଏବଂ ବାର୍ତାଳାପ ଅନ୍ତର୍ଭୁକ୍ତ। ଏହାପରେ କେନ୍ଦ୍ରମନ୍ତ୍ରୀ ଉମରାନଙ୍ଗଲ ଗ୍ରାମରେ କିଷାନ ଚୌପାଲ'ରେ କୃଷକମାନଙ୍କ ସହ ଭାବ ବିନିମୟ କରିବେ। ଏଥିସହିତ ସେ ବାବା ବକାଲା ସାହିବରେ ରଖାଦ ପୁଣ୍ୟମେଳା ସମ୍ବନ୍ଧୀୟ କାର୍ଯ୍ୟକ୍ରମରେ ମଧ୍ୟ ଯୋଗ ଦେବାର କାର୍ଯ୍ୟକ୍ରମ ରହିଛି।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି