ନୂଆଦିଲ୍ଲୀ, ୦୩ ଅଗଷ୍ଟ (ହି.ସ.)- ଝାରଖଣ୍ଡର ରାଜ୍ୟପାଳ ସନ୍ତୋଷ ଗଙ୍ଗୱାର ସୋମବାର ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ସାକ୍ଷାତ କରିଥିଲେ। ଏହି ସମୟରେ ସେ ପ୍ରଧାନମନ୍ତ୍ରୀଙ୍କୁ ଝାରଖଣ୍ଡର ବର୍ତମାନ ସ୍ଥିତି ସମ୍ପର୍କରେ ଅବଗତ କରାଇଥିଲେ ଏବଂ ରାଜ୍ୟର ବିକାଶ, ସୁଶାସନ ଓ ଜନକଲ୍ୟାଣ ସହ ଜଡ଼ିତ ବିଭିନ୍ନ ଗୁରୁତ୍ୱପୂର୍ଣ୍ଣ ବିଷୟ ଉପରେ ବିସ୍ତୃତ ଆଲୋଚନା କରିଥିଲେ।

ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମଓ) ସୋସିଆଲ ମିଡିଆ ମଂଚ ‘ଏକ୍ସ’ରେ ଉଭୟ ନେତାଙ୍କ ସାକ୍ଷାତର ଛବି ସେୟାର କରି ସୂଚନା ଦେଇଥିଲା ଯେ ଝାରଖଣ୍ଡର ରାଜ୍ୟପାଳ ସନ୍ତୋଷ ଗଙ୍ଗୱାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଶିଷ୍ଟାଚାର ସାକ୍ଷାତ କରିଛନ୍ତି।

ସେହିପରି, ରାଜ୍ୟପାଳ ସନ୍ତୋଷ ଗଙ୍ଗୱାର ମଧ୍ୟ ‘ଏକ୍ସ’ରେ ଜାରି କରିଥିବା ନିଜ ବାର୍ତାରେ କହିଛନ୍ତି ଯେ ନୂଆଦିଲ୍ଲୀରେ ପ୍ରଧାନମନ୍ତ୍ରୀଙ୍କ ସହ ହୋଇଥିବା ସାକ୍ଷାତ ସମୟରେ ସେ ଝାରଖଣ୍ଡର ବର୍ତମାନ ସ୍ଥିତି ସମ୍ପର୍କରେ ସୂଚନା ଦେଇଥିଲେ। ଏହା ସହିତ ରାଜ୍ୟର ସାମଗ୍ରିକ ବିକାଶ, ସୁଶାସନ ଓ ଜନକଲ୍ୟାଣ ସହ ଜଡ଼ିତ ବିଭିନ୍ନ ବିଷୟ ଉପରେ ସାର୍ଥକ ଏବଂ ବିସ୍ତୃତ ଆଲୋଚନା ହୋଇଥିଲା।

ରାଜ୍ୟପାଳ ବୈଠକକୁ ସକାରାତ୍ମକ ବୋଲି କହି ରାଜ୍ୟର ବିକାଶ ଓ ଜନହିତ ସହ ଜଡ଼ିତ ପ୍ରସଙ୍ଗଗୁଡ଼ିକ ଉପରେ ପ୍ରଧାନମନ୍ତ୍ରୀଙ୍କ ସହ ଉପଯୋଗୀ ମତବିନିମୟ ହୋଇଥିବା କହିଛନ୍ତି। ତେବେ, ସାକ୍ଷାତ ସମୟରେ କୌଣସି ବିଶେଷ ପ୍ରକଳ୍ପ କିମ୍ବା ନିଷ୍ପତିର ବିସ୍ତୃତ ବିବରଣୀ ସାର୍ବଜନୀନ କରାଯାଇନଥିଲା।

----------------------

---------------

ହିନ୍ଦୁସ୍ଥାନ ସମାଚାର / ଗଗନ