ଗୁୱାହାଟୀ, ୦୩ ଅଗଷ୍ଟ (ହି.ସ.)- ଅସମ ସରକାର ବନ୍ୟା ପ୍ରଭାବିତ ପରିବାରମାନଙ୍କ ପାଇଁ ଅନ୍ତର୍ବର୍ତୀକାଳୀନ ସହାୟତା ଅଧୀନରେ ୭୫ ହଜାରରୁ ଅଧିକ ପରିବାରଙ୍କ ବ୍ୟାଙ୍କ ଖାତାକୁ ୧୫-୧୫ ହଜାର ଟଙ୍କାର ପ୍ରଥମ କିସ୍ତି ସିଧାସଳଖ ହସ୍ତାନ୍ତର କରିଛନ୍ତି। ଏହା ସହିତ ପ୍ରଧାନମନ୍ତ୍ରୀ ସୂର୍ଯ୍ୟ ଘର ଯୋଜନାର ଯୋଗ୍ୟ ହିତାଧିକାରୀମାନଙ୍କ ପାଇଁ ରାଜ୍ୟ ସରକାରଙ୍କ ଆର୍ôଥକ ସହାୟତା ମଧ୍ୟ ଜାରି କରାଯାଇଛି। ମୋଟ ମିଶାଇ ୧୬୦ କୋଟି ଟଙ୍କାରୁ ଅଧିକ ରାଶି ସିଧାସଳଖ ହିତାଧିକାରୀମାନଙ୍କ ବ୍ୟାଙ୍କ ଖାତାକୁ ପଠାଯାଇଛି।
ମୁଖ୍ୟମନ୍ତ୍ରୀ ଡ଼. ହିମନ୍ତ ବିଶ୍ୱ ଶର୍ମା କହିଛନ୍ତି ଯେ ଏହି ତତ୍କାଳ ସହାୟତାର ଉଦ୍ଦେଶ୍ୟ ହେଉଛି ବନ୍ୟା ପ୍ରଭାବିତ ପରିବାରମାନଙ୍କୁ ଶୀଘ୍ର ସାଧାରଣ ଜୀବନକୁ ଫେରିବା ଏବଂ ନିଜ ଘର-ପରିବାରକୁ ପୁଣିଥରେ ବସାଇବାରେ ସହଯୋଗ କରିବା। ସେ କହିଛନ୍ତି ଯେ ବିସ୍ତୃତ କ୍ଷତି ଆକଳନ ଆଧାରରେ ଅନ୍ତିମ କ୍ଷତିପୂରଣ ନିର୍ଦ୍ଧାରଣ କରାଯିବ।
ମୁଖ୍ୟମନ୍ତ୍ରୀ ଏହା ମଧ୍ୟ ଘୋଷଣା କରିଛନ୍ତି ଯେ ଶିବସାଗର ଏବଂ ଚରାଇଦେଓ ଜିଲ୍ଲାର ଗୁରୁତର ଭାବେ ପ୍ରଭାବିତ ପରିବାରମାନଙ୍କୁ ଆସନ୍ତା କିଛି ଦିନ ମଧ୍ୟରେ ଅତିରିକ୍ତ ୧୦-୧୦ ହଜାର ଟଙ୍କା ସହାୟତା ଦିଆଯିବ।
ଶିବସାଗର ଏବଂ ଚରାଇଦେଓର ବନ୍ୟା ପ୍ରଭାବିତ ଅଂଚଳଗୁଡ଼ିକୁ ଟ୍ରାକ୍ଟରରେ ପରିଦର୍ଶନ କରିବା ପରେ ମୁଖ୍ୟମନ୍ତ୍ରୀ କହିଛନ୍ତି ଯେ ଏହି ଜିଲ୍ଲାଗୁଡ଼ିକରେ ହୋଇଥିବା କ୍ଷୟକ୍ଷତି ଟେଲିଭିଜନରେ ଦେଖାଯାଉଥିବା ଚିତ୍ରଠାରୁ କେତେକ ଗୁଣ ଅଧିକ ଗୁରୁତର। ସେ କହିଛନ୍ତି ଯେ କେବଳ ବନ୍ୟା ରିଲିଫ୍ ପର୍ଯ୍ୟାପ୍ତ ହେବ ନାହିଁ, ବରଂ ବିହୁବର, ନେପାଳୀଖୁଟି, ବେତବାରୀ ଏବଂ ନିମାଇଜାନ ପରି ଗୁରୁତର ଭାବେ ପ୍ରଭାବିତ ଗାଁଗୁଡ଼ିକର ପୁନର୍ନିର୍ମାଣ ମଧ୍ୟ କରିବାକୁ ପଡ଼ିବ।
----------------------
---------------
ହିନ୍ଦୁସ୍ଥାନ ସମାଚାର / ଗଗନ
03 Aug 2026