ନୂଆଦିଲ୍ଲୀ, ୦୩ ଅଗଷ୍ଟ(ହି.ସ.) – ରାଷ୍ଟ୍ରପତି ଦ୍ରୌପଦୀ ମୁର୍ମୁ ସୋମବାର ଦିନ ଲାଜପତ ନଗରର ଲାଜପତ ଭବନରେ ମହାନ ସ୍ୱାଧୀନତା ସଂଗ୍ରାମୀ, ବିଶିଷ୍ଟ ସାମାଜିକ କର୍ମୀ, ଶିକ୍ଷାବିତ୍ ଏବଂ ସାମ୍ବାଦିକ ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତିକୁ ଉନ୍ମୋଚନ କରିଛନ୍ତି।

ଏହି ଅବସରରେ ରାଷ୍ଟ୍ରପତି ପ୍ରଥମେ ଲୋକସେବକ ମଣ୍ଡଳର ପ୍ରତିଷ୍ଠାତା ତଥା ଜଣେ ମହାନ୍ ସ୍ୱାଧୀନତା ସଂଗ୍ରାମୀ ଲାଲା ଲାଜପତ ରାୟଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହାପରେ ସେ ରିମୋଟ୍ ବଟନ୍ ଦବାଇବା ଦ୍ୱାରା ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତିକୁ ଉନ୍ମୋଚନ କରିଥିଲେ। ଦିଲ୍ଲୀରେ ସ୍ଥାପିତ ଗୋପବନ୍ଧୁ ଦାସଙ୍କ ଏହା ହେଉଛି ପ୍ରଥମ ପ୍ରତିମୂର୍ତି।

ଗୋପବନ୍ଧୁ ଦାସ ତାଙ୍କର ସମଗ୍ର ଜୀବନ ଗରିବ, ଅବହେଳିତ, ଅନାଥ ଏବଂ ପୀଡ଼ିତ ମାନବତାର ସେବା, ଶିକ୍ଷାର ପ୍ରସାର ଏବଂ ଦେଶକୁ ଜାଗ୍ରତ କରିବା ପାଇଁ ଉତ୍ସର୍ଗ କରିଥିଲେ। ତାଙ୍କର ଅତୁଳନୀୟ ସେବା ପାଇଁ ତାଙ୍କୁ ‘ଉତ୍କଳମଣି’(ଓଡ଼ିଶାର ରତ୍ନ) ଉପାଧିରେ ସମ୍ମାନିତ କରାଯାଇଥିଲା।

ଏହି କାର୍ଯ୍ୟକ୍ରମରେ ରାଷ୍ଟ୍ରପତିଙ୍କୁ ଜାତୀୟ ସଭାପତି ରାଜକୁମାର ଚୋପ୍ରା ଏବଂ ଲୋକସେବକ ମଣ୍ଡଳର ଜାତୀୟ ସଚିବ ରାମନାଥ ଝା ପୁଷ୍ପଗୁଚ୍ଛ ପ୍ରଦାନ କରି ସ୍ୱାଗତ କରିଥିଲେ।

ଏହି କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଜୁଏଲ ଓରାମ, ପୂର୍ବତନ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, ଡ. ସଂତୃପ୍ତ ମିଶ୍ର ଏବଂ ଅନ୍ୟ ଜନ ପ୍ରତିନିଧିମାନେ ଉପସ୍ଥିତ ଥିଲେ ବୋଲି ଲୋକସେବକ ମଣ୍ଡଳର ମିଡିଆ ପ୍ରଭାରୀ ରବି ଶଙ୍କର ମିଶ୍ର କହିଛନ୍ତି। ଦୀପକ ମାଲବ୍ୟ ଏବଂ ରାଜେନ୍ଦ୍ର କୁମାର ଜେନା ଅତିଥିମାନଙ୍କୁ ସ୍ୱାଗତ କରିଥିଲେ ଏବଂ ସମସ୍ତେ ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତି ନିକଟରେ ପୁଷ୍ପମାଲ୍ୟ ଅର୍ପଣ କରିଥିଲେ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି