ଜୟପୁର, ୩୧ ଅଗଷ୍ଟ (ହି.ସ.)- ଚେକ୍ ଅନାଦର ମାମଲାର ସ୍ୱତନ୍ତ୍ର ଅଦାଲତ କ୍ରମ-୧୨ ପ୍ଲଟ୍ ବିକ୍ରି ପାଇଁ ନିଆଯାଇଥିବା ଟଙ୍କା ଫେରାଇବା ପାଇଁ ଦିଆଯାଇଥିବା ଚେକ୍ ବାଉନ୍ସ ହେବା ମାମଲାରେ ବିକ୍ରେତା କୋୟଲ ସୋଲଙ୍କୀଙ୍କୁ ଏକ ବର୍ଷର ଦଣ୍ଡ ଶୁଣାଇଛନ୍ତି। ଏହା ସହିତ ଅଦାଲତ ଅଭିଯୁକ୍ତାଙ୍କ ଉପରେ ଚାଳିଶ ଲକ୍ଷ ଟଙ୍କାର ଜରିମାନା ମଧ୍ୟ ଲଗାଇଛନ୍ତି। ପୀଠାସୀନ ଅଧିକାରୀ ସିମରନ ସିଂହ ବର୍ମା ନିଜ ଆଦେଶରେ କହିଛନ୍ତି ଯେ ଅପରାଧ ଆର୍ôଥକ କ୍ଷେତ୍ର ସହ ସମ୍ପର୍କିତ ଏବଂ ଏହି ଅପରାଧ ପାଇଁ ଅଭିଯୁକ୍ତାଙ୍କୁ ପରିବୀକ୍ଷାର ଲାଭ ଦେବା ଉଚିତ ନୁହେଁ।
ପରିବାଦୀ ରାମଲାଲ ଯାଦବଙ୍କ ପକ୍ଷରୁ ଅଧିବକ୍ତା ମହାବୀର ସୁରେନ୍ଦ୍ର ଜୈନ ଅଦାଲତଙ୍କୁ କହିଛନ୍ତି ଯେ ପରିବାଦୀଙ୍କ ସହ ଅଭିଯୁକ୍ତା ଏବଂ ତାଙ୍କ ସ୍ୱାମୀ ଅଶୋକ ସୌଲଙ୍କୀ ପ୍ଲଟ୍ ବିକ୍ରି ପାଇଁ ଏଗ୍ରିମେଂଟ କରି ଚବିଶ ଲକ୍ଷ ଟଙ୍କା ନେଇଥିଲେ। ଯେତେବେଳେ ଅଭିଯୁକ୍ତ ଏବଂ ତାଙ୍କ ସ୍ୱାମୀ ପ୍ଲଟ୍ ଦେବାରେ ଅସମର୍ଥ ହେଲେ ସେତେବେଳେ ଅଭିଯୁକ୍ତା କୋୟଲ ପରିବାଦୀଙ୍କୁ ୨୪ ଲକ୍ଷ ଟଙ୍କାର ଚେକ୍ ଦେଇଥିଲେ। ଯେତେବେଳେ ପରିବାଦୀ ଚେକ୍ ପାଇଁ ବ୍ୟାଙ୍କରେ ଦାଖଲ କଲେ ସେତେବେଳେ ଖାତାରେ ପର୍ଯ୍ୟାପ୍ତ ଟଙ୍କା ନଥିବା କାରଣରୁ ଚେକ୍ ବାଉନ୍ସ ହୋଇଗଲା। ପରିବାଦରେ କୁହାଯାଇଥିଲା ଯେ ଅଭିଯୁକ୍ତା ଚେକ୍ ଜାରି କରି ଦେୟ ପ୍ରଦାନ କରିନାହାନ୍ତି। ଯାହା ଉପରେ ଶୁଣାଣି କରି ଅଦାଲତ ଅଭିଯୁକ୍ତଙ୍କୁ ଦଣ୍ଡ ଏବଂ ଜରିମାନାରେ ଦଣ୍ଡିତ କରିଛନ୍ତି।
---------------
---------------
ହିନ୍ଦୁସ୍ଥାନ ସମାଚାର / ଗଗନ