ଭୁବନେଶ୍ୱର, 17 ସେପ୍ଟେମ୍ବର (ହି.ସ.)- ଆଜି ହେଉଛି ଦେବଶିଳ୍ପୀ
ବିଶ୍ୱକର୍ମା ପୂଜା । ଏହି ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଜ୍ୟପାଳ
ଡ.ହରିବାବୁ କମ୍ଭମପତି । ଏନେଇ ସୋସିଆଲ ମିଡିଆ ଏକ୍ସରେ ରାଜ୍ୟପାଳ ଡ.ହରିବାବୁ କମ୍ଭମପତି
କହିଛନ୍ତି ଯେ, ପବିତ୍ର ବିଶ୍ୱକର୍ମା ପୂଜାର ଶୁଭ ଅବସରରେ ସମସ୍ତଙ୍କୁ ହାର୍ଦ୍ଦିକ ଶୁଭେଚ୍ଛା। ଭଗବାନ
ବିଶ୍ୱକର୍ମା ସମସ୍ତଙ୍କ ଜୀବନରେ ସୁଖ, ସମୃଦ୍ଧି ଓ ସଫଳତା ପ୍ରଦାନ କରନ୍ତୁ ଏବଂ ଶ୍ରମ ଓ କୌଶଳକୁ ନୂତନ
ଶକ୍ତି ଓ ଦିଗ ପ୍ରଦାନ କରନ୍ତୁ।
ମୁଖ୍ୟମନ୍ତ୍ରୀ ମୋହନ ଚରଣ
ମାଝୀ କହିଛନ୍ତି ଯେ, ପବିତ୍ର ବିଶ୍ୱକର୍ମା ପୂଜା ଅବସରରେ ସମସ୍ତଙ୍କୁ ହାର୍ଦ୍ଦିକ ଶୁଭେଚ୍ଛା ଓ
ଅଭିନନ୍ଦନ। ସୃଜନ, ନିର୍ମାଣ ଓ କୌଶଳର ଦେବତା ପ୍ରଭୁ ବିଶ୍ୱକର୍ମାଙ୍କ ଅପାର କୃପାରୁ
ସମସ୍ତଙ୍କ ଜୀବନରେ ସୁଖ, ସମୃଦ୍ଧି ଓ ପ୍ରଗତି ଭରିଯାଉ। ଆମର ସମସ୍ତ ଶ୍ରମିକ, କାରିଗର, ନିର୍ମାତା
ଓ ଶିଳ୍ପଦ୍ୟୋଗୀ ଭାଇଭଉଣୀଙ୍କ ନିଷ୍ଠା ଓ ପରିଶ୍ରମ ଦ୍ୱାରା ରାଜ୍ୟର ବିକାଶ ଧାରା ଆହୁରି
ତ୍ୱରାନ୍ୱିତ ହେଉ, ଏହାହିଁ ପ୍ରଭୁ ବିଶ୍ଵକର୍ମାଙ୍କ ନିକଟରେ ପ୍ରାର୍ଥନା।
ଉପମୁଖ୍ୟମନ୍ତ୍ରୀ କନକ
ବର୍ଦ୍ଧନ ସିଂହଦେଓ କହିଛନ୍ତି ଯେ,ପବିତ୍ର ବିଶ୍ୱକର୍ମା ପୂଜା ଅବସରରେ ସମସ୍ତ ଓଡ଼ିଶାବାସୀଙ୍କୁ
ହାର୍ଦ୍ଦିକ ଶୁଭେଚ୍ଛା ଓ ଶୁଭକାମନା ଜଣାଉଛି। ଦେବଶିଳ୍ପୀ ବିଶ୍ୱକର୍ମାଙ୍କ ଅପାର କୃପାରୁ
ସମସ୍ତଙ୍କ ଜୀବନ ସୁଖ, ସମୃଦ୍ଧି
ଓ ସଫଳତାରେ ଭରିଯାଉ।
ଉପମୁଖ୍ୟମନ୍ତ୍ରୀ ପ୍ରଭାତି
ପରିଡା କହିଛନ୍ତି ଯେ, ଭଗବାନ ବିଶ୍ୱକର୍ମାଙ୍କର ଜୟ । ପବିତ୍ର ବିଶ୍ୱକର୍ମା ପୂଜା ଅବସରରେ ସମସ୍ତଙ୍କୁ ହାର୍ଦ୍ଦିକ
ଶୁଭେଚ୍ଛା ଓ ଶୁଭକାମନା । ଦେବଶିଳ୍ପୀ ଭଗବାନ ବିଶ୍ୱକର୍ମାଙ୍କ କୃପାରୁ ସମସ୍ତଙ୍କ ଜୀବନ ସୁଖ, ଶାନ୍ତି
ଓ ସମୃଦ୍ଧିରେ ଭରିଯାଉ। କର୍ମଜୀବୀ, ଶ୍ରମିକ, କାରିଗର ଓ ଶିଳ୍ପୀ ସମାଜର ପରିଶ୍ରମ ଓ ସୃଜନଶୀଳତା ଆମ ରାଜ୍ୟର
ବିକାଶକୁ ଆହୁରି ଗତିଶୀଳ କରୁ ।
ସ୍ୱାସ୍ଥ୍ୟମନ୍ତ୍ରୀ ଡ.ମୁକେଶ
ମହାଲିଙ୍ଗ କହିଛନ୍ତି ଯେ, ପବିତ୍ର ବିଶ୍ଵକର୍ମା ପୂଜା ଅବସରରେ ସମସ୍ତଙ୍କୁ ହାର୍ଦ୍ଦିକ
ଅଭିନନ୍ଦନ ଓ ଶୁଭେଚ୍ଛା ଜଣାଉଛି। ଏହି ପବିତ୍ର ଅବସର ସମସ୍ତଙ୍କ ଜୀବନରେ ସୁଖ, ସମୃଦ୍ଧି ଆଣିଦେଉ ଏତିକି କାମନା।
ଉଚ୍ଚଶିକ୍ଷା ମନ୍ତ୍ରୀ
ସୂର୍ଯ୍ୟବଂଶୀ ସୂରଜ କହିଛନ୍ତି ଯେ,ସମସ୍ତ ଦେଶବାସୀ ତଥା ଓଡ଼ିଶାର ଭାଇ-ଭଉଣୀମାନଙ୍କୁ ପବିତ୍ର
ବିଶ୍ୱକର୍ମା ପୂଜାର ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ! ଦେବଶିଳ୍ପୀ ଭଗବାନ ବିଶ୍ୱକର୍ମା
ହେଉଛନ୍ତି ସୃଷ୍ଟି, କଳା, କୌଶଳ ଏବଂ ନିର୍ମାଣର ଅଧିଷ୍ଠାତା। ଆଜିର ଏହି ଶୁଭ ଦିନରେ, ମୁଁ ଆମ
ରାଜ୍ୟର ସମସ୍ତ କାରିଗର, ଶ୍ରମିକ, ଯନ୍ତ୍ରୀ ଏବଂ ସୃଜନଶୀଳ ବ୍ୟକ୍ତିବିଶେଷଙ୍କ ଅବଦାନକୁ ସମ୍ମାନ
ଜଣାଉଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
