ଜୟପୁର, ୨୪ ସେପ୍େଟମ୍ବର (ହି.ସ.) ଜୟପୁର ସଦର ଥାନା ଅନ୍ତର୍ଗତ ହାଡିଆ ପଂଟାୟତରେ ବେଆଇନ ମଦ ବିକ୍ରି ସହ ମଦ ବନ୍ଦ କରିବାକୁ ଶତାଧିକ ମହିଳା ସଦର ଥାନା ସହ ଅବକାରି ଥାନା ଘେରାଉ କରିଥିଲେ । ମହିଳା ଙ୍କ ଅଭିଯୋଗକୁ ଗୁରୁତର ସହ ନେଇ ଜୟପୁର ଅବକାରି ଥାନା ଆଜି ହାଡିଆ ରେ ଚଡାଉ କରିଛି । ହାଡିଆ ପଂଚାୟତର ବିଭିନ୍ନ ଗ୍ରାମରେ ଚଢାଉ କରାଯାଇଛି । ଚଢାଉ ପରି ପୁଟ୍ରା ଗ୍ରାମର ଅଭିଯୁକ୍ତ ନିଳ ମାଧବ ପଟ୍ଟନାୟକକୁ ଗିରଫ କରିଛି । ଗିରଫ ଅଭିଯୁକ୍ତ ଠାରୁ ପାଖା ପାଖି ୧୬ ଲିଟର ବିଦେଶି ମଦ ଜବତ କରିଛି । ଗିରଫ ଅଭିଯୁକ୍ତ କୁ କୋର୍ଟ ଚାଲାଣ କରାଯାଇଥିବା ବିଷୟ ଜୟପୁର ଅବକାରି ଥାନା ଓଆଇସି ସୁବ୍ରତ କେଶୋରି ହିରନ ସୁଚନା ଦେଇଛନ୍ତି । ଗତ ୨୨ ତାରିଖରେ ଜୟପୁର ସଦର ଥାନା ଓ ଅବକାରି ଥାନା କୁ ଘେରାଉ କରି ସଦର ଥାନା ଅଧିକାରି ଓ ଅବକାରି ଥାନା ଅଧିକାରି ଙ୍କୁ ଦାବି ପତ୍ର ପ୍ରଦାନ କରିଥିଲେ । ଉକ୍ତ ଦାବି ପତ୍ର ରେ ଉଲ୍ଲେଖ କରାଯାଇଥିଲା ଯେ ହାଡିଆରେ ବହୁତ ଦିନ ହେବ ବେଆଇନ ଭାବେ ଚୋରା ମଦ କାରବାର ବହୁଳ ମାତ୍ରାରେ ବଢି ଚାଲିଛି । ଏହି ବେଆଇନ ମଦ ବିକ୍ରି ଯୋଗୁଁ ଅଂଚଳରେ ସବୁ ବେଳେ ମଦ୍ୟପ ମାନଙ୍କ ଆଡ୍ଡା ଜମୁଛି । ପ୍ରତ୍ୟେକ ଦିନ ମଦ୍ୟପାନ କରି କାସ୍ତା ଘାଟରେ ଗାଳି ଗୁଲଜ କରିବା ସହ ଝଗଡା ସୃଷ୍ଟି କରୁଛନ୍ତି । ଏହା ଦ୍ୱାରା ମହିଳା ସ୍ଲୁଲ ଓ କେଲଜ ପଢୁଥିବା ଛାତ୍ର ଛାତ୍ରୀ ଏବଂ ସାଧାରଣ ଲୋକ ଯାତାୟତ କରିବା ସମୟରେ ଅସୁରକ୍ଷିତ ମଣୁଛନ୍ତି । ଶାନ୍ତିପୁଣ୍ଣ ସମାଜିକ ପରିବେଶ ସମ୍ପୁ୍ଣ୍ଣ ରୁପେ ନଷ୍ଟ ହେଉଛି । ଘରେ ଥିବା ଚାଉଳ କାର୍ଡ, ଭତା କାର୍ଡ, ହଣ୍ଡା ହାଣ୍ଡିକୁ ମଧ୍ୟ ଘରର ପୁରୁଷ ମାନେ ବନ୍ଦକ ରଖି ବଦ୍ୟପାନ କରୁଛନ୍ତି । ଅପରାଧିକ ମାମଲା ବଢିବା ଆଶଙ୍କା ଦେଖା ଦେଇଛି । ତେଣୁ ପୋଲିସ ଓ ଅବକାରି ବିଭାଗ ତରଫରୁ ଚଢାଉ କରି ବେଆଇନ ମଦ କାରବାର ବନ୍ଦ କରିବା ସହ ଦୋଷୀଙ୍କ ବିରୁଦ୍ଧରେ ଦୃଡ କାଯ୍ୟନୁଷ୍ଟାନ ଗ୍ରହଣ କରିବାକୁ ଦାବି କରାଯାଇଥିଲା ।
---------------
ହିନ୍ଦୁସ୍ଥାନ ସମାଚାର / ପିକେପି
