ନୂଆଦିଲ୍ଲୀ, ୨୫ ସେପ୍ଟେମ୍ବର (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ସେବା ସଂକଳ୍ପ ଅଭିଯାନ' ର ସେବା ଯାତ୍ରୀମାନଙ୍କୁ କହିଛନ୍ତି ଯେ, ଏହି ଯାତ୍ରା ସମୟରେ ଲୋକଙ୍କ ସହ ଯୋଡ଼ି ହେବା ଏବଂ ବିଭିନ୍ନ ରାଜ୍ୟର ଗ୍ରାମରେ ସେବା କାର୍ଯ୍ୟ କରିବାର ଅଭିଜ୍ଞତା ସେମାନଙ୍କ ଜୀବନରେ ଏକ ଅମୂଲ୍ୟ ସମ୍ପଦରେ ପରିଣତ ହେବ । ସେ ଯୁବକମାନଙ୍କୁ କହିଥିଲେ ଯେ, ଭାରତର ବିବିଧତା, ଗାଁର ସଂସ୍କୃତି ଏବଂ ସମାଜ ସେବାର ଭାବନାକୁ ପୁସ୍ତକ ଦ୍ୱାରା ସମ୍ପୂର୍ଣ୍ଣ ଭାବେ ବୁଝିହେବ ନାହିଁ, ଏଥିପାଇଁ ଗ୍ରାମରୁ ଗ୍ରାମକୁ ଯାଇ ଲୋକଙ୍କ ମଧ୍ୟରେ ରହିବା ଆବଶ୍ୟକ । ପ୍ରଧାନମନ୍ତ୍ରୀ ମଧ୍ୟ ଯାତ୍ରୀମାନଙ୍କୁ ଅନୁରୋଧ କରିଥିଲେ ଯେ, ସେମାନେ ନିଜ ଭ୍ରମଣ ଅଭିଜ୍ଞତାକୁ ଲେଖିବା ଏବଂ ରେକର୍ଡିଂ ଜାରି ରଖନ୍ତୁ ।
ଭିଡିଓ କନଫରେନ୍ସିଂ ଜରିଆରେ ସେବା ସଂକଳ୍ପ ଅଭିଯାନ' ଅଧୀନରେ ବଡ଼ନଗରରୁ ବାରାଣସୀ ଯିବାକୁ ଥିବା ଦଳ ସହିତ କଥାବାର୍ତା କରି ପ୍ରଧାନମନ୍ତ୍ରୀ କହିଥିଲେ ଯେ, ଗତ ୧୦-୧୨ ବର୍ଷ ମଧ୍ୟରେ ଗ୍ରାମାଚଂଳରେ ଭିତିଭୂମି ଏବଂ ସୁବିଧାଗୁଡ଼ିକରେ ଏକ ବଡ଼ ପରିବର୍ତନ ଆସିଛି ତଥା ସହର ଏବଂ ଗ୍ରାମ ମଧ୍ୟରେ ବ୍ୟବଧାନ ଯଥେଷ୍ଟ ହ୍ରାସ ପାଇଛି । ନମୋ ଡ୍ରୋନ୍ ଦିଦି ଏବଂ ଲକ୍ଷପତି ଦିଦି ଭଳି ପଦକ୍ଷେପ ବିଷୟରେ ଉଲ୍ଲେଖ କରି ସେ ଯାତ୍ରୀମାନଙ୍କୁ ପଚାରିଥିଲେ ଯେ, ସେମାନେ ଗ୍ରାମରେ କୌଣସି ପରିବର୍ତନ ଅନୁଭବ କରୁଛନ୍ତି କି ଏବଂ ଗ୍ରାମବାସୀମାନେ ମଧ୍ୟ ଏହି ପରିବର୍ତନ ବିଷୟରେ କଥା ହେଉଛନ୍ତି କି । ଭ୍ରମଣ ଯୁବକମାନଙ୍କୁ ଏହି ପରିବର୍ତନଗୁଡ଼ିକୁ ପ୍ରତ୍ୟେକ୍ଷ ଭାବେ ଦେଖିବାର ଏବଂ ଲୋକଙ୍କ ସହ ସିଧାସଳଖ ଯୋଗାଯୋଗ କରିବାର ସୁଯୋଗ ଦେଉଛି ।
ସେବାରେ ଥିବା ଯାତ୍ରୀମାନଙ୍କୁ ସୁରକ୍ଷା ପ୍ରତି ଧ୍ୟାନ ଦେବାକୁ ମଧ୍ୟ ମୋଦି ପରାମର୍ଶ ଦେଇଛନ୍ତି । କଥାବାର୍ତା ସମୟରେ ଯାତ୍ରୀମାନଙ୍କ ଗେରୁଆ ସଫା ବିଷୟରେ ଉଲ୍ଲେଖ କରି ସେ ହାଲୁକା ସ୍ୱରରେ କହିଲେ, ବାଇକ୍ ଚଳାଇବା ସମୟରେ ଆପଣ ଏହି ପଗଡ଼ି ପିନ୍ଧିକରି ତ ବାଇକ୍ ଚଲାଉନଥିବେ? ଆପଣ ହେଲମେଟ ପିନ୍ଧିଥିବେ ନା । ପଗଡ଼ିକୁ ହେଲମେଟ୍ ବୋଲି ଭାବିବେ ନାହିଁ । ସେ ମଧ୍ୟ ଯାତ୍ରୀମାନଙ୍କୁ ପରାମର୍ଶ ଦେଇଛନ୍ତି ଯେ ସେମାନେ ପରିବାର ସହିତ ଯୋଗାଯୋଗରେ ରୁହନ୍ତୁ, ଯେଉଁ ଅଂଚଳ ଦେଇ ଯାଆନ୍ତି ସେହି ଅଂଚଳର ଲୋକଙ୍କ ସହ ଯୋଗାଯୋଗ କରନ୍ତୁ ଏବଂ ସେମାନଙ୍କ ଯୋଗାଯୋଗ ନମ୍ବର ନିଅନ୍ତୁ ଏବଂ ହ୍ୱାଟ୍ସଆପ୍ ଗ୍ରୁପ୍ ସୃଷ୍ଟି କରନ୍ତୁ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
