କୋରେଇ, ୨୦ ନଭେମ୍ବର (ହି.ସ.) - କୋରାଇ ବ୍ଲକ ମୁଳାପାଳ ପଂଚାୟତ ଅନ୍ତର୍ଗତ ଲିଙ୍ଗେଶ୍ୱର ଉନ୍ନୟନ କମିଟିର ସଭାପତି ତଥା ପାଣିକୋଇଲି ଦୁର୍ଗା ପୁଜା କମିଟିର ପୂର୍ବତନ ସମ୍ପାଦକ ଗୋବିନ୍ଦ ଚନ୍ଦ୍ର ସାହୁ (୮୮)ଙ୍କର ପରଲୋକ ଘଟିଛି। ଶ୍ରୀ ସାହୁଙ୍କର ଜନ୍ମସ୍ଥାନ ମୁଳାପାଳ ହୋଇଥିଲେ ମଧ୍ୟ ସେ ୩୦ ବର୍ଷ ହେବ ପାଣିକୋଇଲି ଦୁର୍ଗା ମାର୍କେଟରେ ରହି ଆସୁଥିଲେ। ତାଙ୍କ ମୃତ୍ୟୁ ଖବର ପାଇ କମିଟିର ଡ଼ା ନିର୍ମଳ ରଥ,ପ୍ରଦୀପ ମାଝୀ, ଅଜୟ କୁମାର ସାହୁ, ଆଲୋକ ପରିଡ଼ାଙ୍କ ସମେତ ଉନ୍ନୟନ କମିଟିର ଦୈତାରୀ ଧଳ, ଗୋଲକ ଚନ୍ଦ୍ର ମାଝୀଙ୍କ ସମେତ ବହୁ ବ୍ୟକ୍ତି ଶେଷ ଦର୍ଶନ କରିଥିଲେ। ତାଙ୍କର ମୃତ ଶରୀରକୁ ସ୍ୱର୍ଗରଥରେ ବଜାର ପରିକ୍ରମା କରାଇବା ପରେ ମୁଳାପାଳସ୍ଥିତ ଲିଙ୍ଗେଶ୍ୱର ମହାଶ୍ମଶାନରେ ସତ୍କାର କରାଯାଇଥିଲା।

ହିନ୍ଦୁସ୍ଥାନ ସମାଚାର/ଭାସ୍କର/ଭାନୁ

ହିନ୍ଦୁସ୍ଥାନ ସମାଚାର / ଭାନୁ ଚରଣ