ଜୟପୁର, ୭ ଡିସେମ୍ବର (ହି.ସ.) - ଶହେ ଦିନ ବ୍ୟାପି ସଘନ ଯଷ୍ମା ନିରାକରଣ କାଯ୍ୟକ୍ରମର ଆଜି ଶୁଭାରମ୍ଭ ହୋଇଛି । ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରାବଣାଗୁଡା ଠାରେ ଏକ ସଚେତନତା ରଥର ଶୁଭାରମ୍ଭ ହୋଇଛି। ଏହି କାଯ୍ୟକ୍ରମ ମାଧ୍ୟମରେ ବିଶେଷ ଭାବରେ ଯେଉଁମାନଙ୍କର ଯଷ୍ମା ହେବାର ଅଧିକ ଆଶଙ୍କା ଥାଏ ସେ ମାନଙ୍କର ରୋଗ ଚିହ୍ନଟ ଓ ଚିକିତ୍ସା ଏକ ସଘନ ଅଭିଯାନ ମାଧ୍ୟମ କାଯ୍ୟ କାରି ହେବ । ଏହି ସଚେତନତା ରଥକୁ ରାବଣାଗୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ମେଡିକାଲ ଅଫିସର ଡାକ୍ତର ସ୍ୱାସ୍ତିକ ମହଲା ସବୁଜ ପତକା ଦେଖାଇ ଶୁଭାରମ୍ଭ କରିଥିଲେ । ପିଏଚଇଓ ଧରିତ୍ରି ମୁଦୁଲି, ବିପିଏମ ଦିପାନ୍ୱିତା ପଟ୍ଟନାୟକ, ସୁପରଭାଇଜର ସୁଶାନ୍ତ ନାୟକ, ଚିତରଞ୍ଜନ ମହାପାତ୍ର ପ୍ରମୁଖ ଉପସ୍ଥିତ ଥିଲେ । ଶହେ ଦିନ ବ୍ୟାପି ସଘନ ଯଷ୍ମା ନିରାକରଣ ଉପରେ ବ୍ଲକ ପ୍ରତ୍ୟେକ ପଂଚାୟତ ରେ ବୁଲି ସଚେତନ କରିବ । ସବୁ ଗ୍ରାମ ପଂଚାୟତରେ ଅଶା କର୍ମି ମାନେ ଘର ଘର ବୁଲି ଯଷ୍ମା ଉପରେ ପରୀକ୍ଷା, ସର୍ଭେ କରିବା ସହ ଚିହ୍ନଟ ହେଲେ ଔଷଧ ବିତରଣ କରାଯିବ । ଏହି ରଥ ବୋରିଗୁମ୍ମା, କୋଟପାଡ ଓ କୁନ୍ଦୁରା ବ୍ଲକର ସମସ୍ତ ପଂଚାୟତ ଗ୍ରାମ ବୁଲି ସଚେତନ କରିବ । ରଥ ଶୁଭାରମ୍ଭ ପରେ ସଚେତନତା ବୈଠକ ଅନୁଷ୍ଠିତ ହୋଇଥିଲା । ବୈଠକରେ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରର ସମସ୍ତ କର୍ମଚାରି ଉପସ୍ଥିତ ଥିଲେ ।
ହିନ୍ଦୁସ୍ଥାନ ସମାଚାର/ପବନ/ଭାନୁ
ହିନ୍ଦୁସ୍ଥାନ ସମାଚାର / ପବନ
