ଜୟପୁର, ୦୭ ଡିସେମ୍ବର (ହି.ସ.) - ଜୟପୁରସ୍ଥିତ ବିକ୍ରମ ଦେବ ବିଶ୍ୱ ବିଦ୍ୟାଳୟ ପଡିଆରେ ଆଜି ଅପରାହ୍ନ ୫ଟା ୩୦ ମିନିଟ ସମୟରେ ଅନ୍ତଃ ମହାବିଦ୍ୟାଳୟସ୍ତରୀୟ ଫୁଟବଲ ଟୁର୍ଣ୍ଣାମେଂଟ ଉଦଯାପିତ ହୋଇଛି । ଏହି ଉଦଯାପନ କାଯ୍ୟକ୍ରମରେ ମୁଖ୍ୟ ଅତିଥି ଭାବେ ପୌର ଅଧ୍ୟକ୍ଷ ନରେନ୍ଦ୍ର କୁମାର ମହାନ୍ତି ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବିଶ୍ୱ ବିଦ୍ୟାଳୟ ସ୍ନତେକୋତର ପରିଷଦର ଅଧ୍ୟକ୍ଷ ପ୍ରଶାନ୍ତ କୁମାର ପାତ୍ର ଯୋଗ ଦେଇଥିଲେ । କାର୍ଯ୍ୟକ୍ରମକୁ ସଚିନ କୁମାର ନାୟକ ସଂଚାଳୟ କରିଥିଲେ । କ୍ରୀଡା ଶିକ୍ଷକ ଭାଗବତ ପ୍ରସାଦ ସିଂ ପ୍ରମୁଖ ଉପସ୍ଥିତ ଥିଲେ । ଗତ ୪ ତାରିଖ ଆରମ୍ଭ ହୋଇଥିବା ବେଳେ ଆଜି ଉଦଯାପିତ ହୋଇଛି । ଏହି ଟୁର୍ଣ୍ଣାମେଂଟରେ ୧୩ ଟି କଲେଜ ସାମିଲ ହୋଇଥିଲେ । ଆଜି ଲମତାପୁଟ ଡିଗ୍ରୀ କଲେଜ ସହ ପେଣ୍ଡ୍ରାଣି ମହାବିଦ୍ୟାଳୟ ଉମରକୋଟ ମଧ୍ୟରେ ଖେଳ ଅନୁଷ୍ଟିତ ହୋଇଥିଲା । ୪ -୨ ଗୋଲରେ ପେନାଲଟି ସଟ ଆଉଟରେ ଲମତାପୁଟ କଲେଜ ବିଜୟ ହୋଇଥିଲା । ଏଠାରେ ବିଜୟ ଓ ବିଜୟ ଦଳକୁ ପୁରସ୍କୁତ ସହ ମାନପତ୍ର ପ୍ରଦାନ କରାଯାଇଥିଲା । ଉପଖଣ୍ଡ କ୍ରିଡା ସମ୍ପାଦକ ରବି ନାୟକ, ଜି କୋଟି, ସଞ୍ଜୟ ଜେନା, ସପନ ନାୟକ, ଜନ କୁଳଦିପ, ପ୍ରଶନ୍ନ ପାଣିଗ୍ରାହୀ, ଶ୍ରୀକାନ୍ତ ଚୈଧୁରି ସହଯୋଗ କରିଥିଲେ ।
ହିନ୍ଦୁସ୍ଥାନ ସମାଚାର/ପବନ/ଭାନୁ
ହିନ୍ଦୁସ୍ଥାନ ସମାଚାର / ପବନ
