ସମ୍ବଲପୁର, ଏପ୍ରିଲ ୨୬(ହି.ସ)
ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ଵ ବିଦ୍ୟାଳୟର ଶୁଭାରମ୍ଭ ୧୯୩୬ ମସିହାରେ ସିନ୍ଧ ପ୍ରଦେଶରେ ହୋଇଥିଲା । ବହୁ ବାଧାବିଘ୍ନର ସମ୍ମୁଖୀନ ହୋଇ ଏହା ଏବେ ବିଶ୍ବର ୧୪୦ଟି ଦେଶରେ କାୟା ବିସ୍ତାର କରିପାରିଛି । ଏକ ମାତ୍ର ଏହି ଆଧ୍ୟାତ୍ମିକ ଅନୁଷ୍ଠାନର ପ୍ରଶାସନିକ ଦାୟିତ୍ଵ କେବଳ ନାରୀମାନଙ୍କ ହାତରେ ରହିଛି। ଏକ ଶାନ୍ତିପୂର୍ଣ୍ଣ ସୁସ୍ଥ ସମାଜ ଗଠନ ଦିଗରେ ଏହାର ଭୂମିକା ବହୁତ ଗୁରୁତ୍ଵପୂର୍ଣ୍ଣ । ଏହି ଅନୁଷ୍ଠାନର ପ୍ରତିଷ୍ଠାତା ପ୍ରଜାପିତା ବ୍ରହ୍ମା ଓ ତାଙ୍କର ଦିବ୍ୟ ଫରିସ୍ତା ମାନଙ୍କ ଜୀବନ କାହାଣୀ ତଥା ଜଟିଳ ପରିସ୍ଥିତିର ଦୃଶ୍ୟ ଉପରେ ଦି ଲାଇଟ୍ ନାମକ ଏକ ଆକର୍ଷଣୀୟ ଚଳଚ୍ଚିତ୍ର ନିର୍ମିତ ହୋଇଅଛି । ଏହି ଚଳଚ୍ଚିତ୍ର ଆଗାମୀ ଏପ୍ରିଲ ୨୮ ତାରିଖରୁ ମେଂ ମାସ ୪ ତାରିଖ ପର୍ଯ୍ଯନ୍ତ ପ୍ରତ୍ୟହ ଅପରାହ୍ନ ୩.୪୫ ରୁ ୫.୪୫ ପର୍ଯ୍ୟନ୍ତ ସମ୍ବଲପୁର ସିଟି ସେଣ୍ଟର ମଲ ସ୍ଥିତ ଆଇଲେକ୍ସ''ରେ ପ୍ରଦର୍ଶିତ ହେବ। ଏହାର ପ୍ରବେଶିକା ଟିକଟ କେବଳ ବ୍ରହ୍ମାକୁମାରୀଜ୍ ର ସମ୍ବଲପୁର ଉପକ୍ଷେତ୍ରୀୟ ମୁଖ୍ୟାଳୟ - ଶିବ ଦର୍ଶନ ଭବନ, ଦାନିବନ୍ଧଠାରୁ ମିଳିପାରିବ । ଆଧ୍ୟାତ୍ମିକ ଦିବ୍ୟଜ୍ଞାନ ଆହରଣର ଏହି ସୁବର୍ଣ୍ଣ ସୁଯୋଗ ପ୍ରାପ୍ତ କରିବା ପାଇଁ ସମସ୍ତଙ୍କୁ ବ୍ରହ୍ମା କୁମାରୀ ସଙ୍ଘ ପକ୍ଷରୁ ରାଜଯୋଗିନୀ ବ୍ରହ୍ମାକୁମାରୀ ପାର୍ବତୀ, ଉପକ୍ଷେତ୍ର ନିର୍ଦ୍ଦେଶିକା, ବ୍ରହ୍ମା କୁମାରୀଜ୍ ହାର୍ଦ୍ଦିକ ନିମନ୍ତ୍ରଣ କରିଛନ୍ତି ।
ହିନ୍ଦୁସ୍ଥାନ ସମାଚାର / ଶୈଳେଶ /ବନ୍ଦନା