ନୂଆଦିଲ୍ଲୀ, ୨୯ ଅଗଷ୍ଟ (ହିସ) - କର୍ଣ୍ଣାଟକ ଉପ-ମୁଖ୍ୟମନ୍ତ୍ରୀ ଡି.କେ ଶିବକୁମାରଙ୍କ ଦୁର୍ନୀତି ମାମଲା ସହ ଜଡିତ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ଆବେଦନକୁ ଗୁରୁବାର କର୍ଣ୍ଣାଟକ ହାଇକୋର୍ଟ ପ୍ରତ୍ୟାଖ୍ୟାନ କରିଛନ୍ତି। ଏଥିରେ ଶିବକୁମାରଙ୍କ ବିରୋଧରେ ହୋଇଥିବା ଦୁର୍ନୀତି ଅଭିଯୋଗର ଯାଂଚ ପାଇଁ ସମ୍ମତି ପ୍ରତ୍ୟାହାର କରିବାକୁ ସିଦ୍ଧାରମେୟା ସରକାରଙ୍କ ନିଷ୍ପତିକୁ ଚ୍ୟାଲେଞ୍ଜ କରାଯାଇଥିଲା। ଏହି ଚ୍ୟାଲେଞ୍ଜ ସିବିଆଇ ଏବଂ ବିଜେପି ବିଧାୟକ ବସନଗୈଡା ପାଟିଲ ୟତନାଲ ଦ୍ୱାରା ଦିଆଯାଇଥିଲା । କର୍ଣ୍ଣାଟକ ହାଇକୋର୍ଟର ଏହି ନିଷ୍ପତିରୁ ଡି.କେ ଶିବକୁମାରଙ୍କୁ ଏକ ବଡ଼ ଆଶ୍ୱାସନା ମିଳିଛି।
ବର୍ତମାନ ଘଟଣାର ଅନୁସନ୍ଧାନ କରି ଲୋକାୟୁକ୍ତଙ୍କ ଦ୍ୱାରା ଏହି ଘଟଣାର ଅନୁସନ୍ଧାନ କରାଯିବ, ଯିଏକି ଏ ସମ୍ପର୍କରେ ଶିବକୁମାରଙ୍କୁ ନୋଟିସ୍ ଜାରି କରିଥିଲେ। ନିକଟରେ ଶିବକୁମାର ଲୋକାୟୁକ୍ତ ଅନୁସନ୍ଧାନରେ ମଧ୍ୟ ଭାଗ ନେଇଥିଲେ। ୨୦୧୯ ରେ ଯେତେବେଳେ ଡି.କେ ଶିବକୁମାରଙ୍କ ବିରୋଧରେ ଥିବା ଅନୁପଯୁକ୍ତ ସମ୍ପତି ମାମଲାର ତଦନ୍ତ କରିବାକୁ ସରକାର ସିବିଆଇକୁ ଅନୁମତି ଦେଇଥିଲେ ସେତେବେଳେ ଏହି ମାମଲା ସାମ୍ନାକୁ ଆସିଥିଲା। ଦୁର୍ନୀତି ନିବାରଣ ଆଇନ, ୧୯୮୮ ର ବିଭିନ୍ନ ବିଭାଗ ଅଧୀନରେ ସିବିଆଇ ୨୦୨୦ ରେ ଶିବକୁମାରଙ୍କ ବିରୋଧରେ ମାମଲା ରୁଜୁ କରିଥିଲା। ବେଆଇନ ଘୋଷଣା କରି ଏହି ସିବିଆଇ ଏଫଆଇଆର ବାତିଲ କରିବାକୁ ଶିବକୁମାର ହାଇକୋର୍ଟରେ ଆବେଦନ କରିଥିଲେ। ୨୦୨୩ ମସିହାରେ ହାଇକୋର୍ଟ ସିବିଆଇ ତଦନ୍ତରେ ମଧ୍ୟବର୍ତୀକାଳୀନ ରହଣି କରିଥିଲେ, ଏହା ପରେ ଶିବକୁମାର ରାଜ୍ୟ ସରକାରଙ୍କ ଆଦେଶକୁ ବାତିଲ କରିବାକୁ ଆଉ ଏକ ଆବେଦନ କରିଥିଲେ। ଏହି ସମୟରେ କଂଗ୍ରେସ କ୍ଷମତାକୁ ଫେରିବା ପରେ ସରକାର ସିବିଆଇ ତଦନ୍ତ ପାଇଁ ଅନୁମତି ପ୍ରତ୍ୟାହାର କରି ନେଇଥିଲେ। ଏହାକୁ ନେଇ ଏକ ବିବାଦ ଉପୁଜିଥିଲା।
----------------------
---------------
ହିନ୍ଦୁସ୍ଥାନ ସମାଚାର / ଗଗନ
