ଲସ ଏଞ୍ଜେଲେସ, ୧୩ ଜାନୁଆରୀ (ହି.ସ.)- ଲସ ଏଞ୍ଜେଲେସରେ ବନାଗ୍ନିରେ ଏପର୍ଯ୍ୟନ୍ତ ୨୪ ଲୋକଙ୍କ ମୃତ୍ୟୁ ଘଟିଲାଣି । ଗରମ ସାଙ୍ଗକୁ ପବନ ତେଜ୍ ହେଉଛି । ଅଧିକାରୀ ମାନେ ରବିବାର ଏନେଇ ସୂଚନା ଦେଇ କହିଛନ୍ତି ଯେ, ଲସ ଏଞ୍ଜେଲେସରେ ଲାଗିଥିବା ନିଆଁରେ ପ୍ରାୟ ୨୪ ଜଣଙ୍କ ମୃତ୍ୟୁ ଘଟିଛି । ସୋମବାର ବିଳମ୍ବିତ ରାତିରୁ ବୁଧବାର ପର୍ଯ୍ୟନ୍ତ ଅଂଚଳରେ ପବନର ଗତି ତୀବ୍ର ରହିବାର ଆଶଙ୍କା ଥିବାରୁ ଲୋକ ଭୟଭିତ ହୋଇପଡିଛନ୍ତିି ।

ଦ ନ୍ୟୁୟର୍କ ଟାଇମ୍ସ ଅନୁସାରେ, ଦମକଳ ବିଭାଗ କର୍ମଚାରୀ ନିଆଁ ଲିଭାଇବାରେ ଲାଗିଛନ୍ତି । ଲସ୍ ଏଞ୍ଜେଲେସ କାଉଂଟି ର ଶେରିଫ ରବର୍ଟ ଲୁନା କହିଛନ୍ତି ଯେ, ନିଖୋଜ ଲୋକଙ୍କ ସଂଖ୍ୟା ଲଗାତାର ଭାବେ ବୃଦ୍ଧି ପାଇବାରେ ଲାଗିଛି । ନିବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏନେଇ ଚିନ୍ତା ବ୍ୟକ୍ତ କରିବା ସହ ସୋସିଆଲ ସାଇଟ୍ ଟ୍ରୁଥ ରେ ରାଜ୍ୟର ଅଧିକାରୀ ମାନଙ୍କୁ ‘ଅକ୍ଷମ’ କହିଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ