ସମ୍ବଲପୁର, ୧୫ ଜାନୁଆରୀ (ହି.ସ.)

ସମ୍ବଲପୁରର ଅଗ୍ରଣୀ ସ୍ବେଛାସେବୀ ସଂଗଠନ 'ସ୍ୱଇଚ୍ଛା' ସହାୟତାରେ ବୁର୍ଲା ଠାରେ ବେସରକାରୀ ଦନ୍ତ ବିଶେଷଜ୍ଞ ଦ୍ୱାରା ନିକି ଦୀପଙ୍କ କୁତ୍ରିମ ଦାନ୍ତ ରୋପଣ କରାଯାଇଛି l ନିକି ଦୀପ ଜଣେ ଦଶମ ଶ୍ରେଣୀର ମେଧାବୀ ଛାତ୍ରୀ l କୌଣସି କାରଣବଶତଃ ତାଙ୍କ ଆଗ ଦାନ୍ତ ଦୁଇଟି ଭାଙ୍ଗି ଯାଇଥିଲା l ସେଥିପାଇଁ ପାଇଁ ସେ ନିଜକୁ ଲୋକଙ୍କୁ ସାମ୍ନା କରିବାରେ ସଂକୋଚ ମନେ କରୁଥିଲେ l ତାଙ୍କ ପିତା ଗୌରବ ଦୀପ ଜଣେ ଦିନ ମଜୁରିଆ ହୋଇଥିବାରୁ ଝିଅର କୁତ୍ରିମ ଦନ୍ତ ରୋପଣ କରିପାରୁନଥିଲେ l ଖବର ପାଇ ସ୍ୱଇଚ୍ଛାର ସ୍ବେଛାସେବୀ ନିକିକୁ ଆଣି ବେସରରକାରୀ ଦନ୍ତ ବିଶେଷଜ୍ଞକୁ ଦେଖାଇଥିଲା l ତାଙ୍କ ପରାମର୍ଶକ୍ରମେ ପାଟିର ଉପରିଭାଗରେ ଭାଙ୍ଗି ଯାଇଥିବା ଦାନ୍ତ ଯାଗାରେ ଦୁଇଟି କୁତ୍ରିମ ଦାନ୍ତ ପ୍ରତିରୋପଣ କରାଯାଇଥିଲା l ଯାହା ନିକିଙ୍କ ମୁହଁରେ ପୁଣି ଥରେ ହସ ଫେରାଇଆଣିଛି l ଉକ୍ତ ମହତ କାମରେ ଅଭିଷେକ ଲିମା, ଆର୍ତ୍ତତ୍ରାଣ ଶତପଥୀ, ଅଭିଳାଷ ହୋତା, ଆତିଶ ଶତପଥୀ, ଶ୍ରୀଧର ପଟ୍ଟନାୟକ ସମେତ ତ୍ରିଲୋଚନ ବିଶି ସମସ୍ତ ସହଯୋଗ କରିଥିଲେ l

---------------

ହିନ୍ଦୁସ୍ଥାନ ସମାଚାର / ଶୈଳେଶ