ବଲାଙ୍ଗିର, 29 ଜାନୁଆରି (ହି.ସ.)**
ଆଜି ସ୍ଥାନୀୟ ସାମ୍ବାଦିକ ଭବନଠାରେ ଜାତୀୟ ପାରା ତୀରନ୍ଦାଜ ପ୍ରତିଯୋଗିତାରେ ଦୁଇଟି ସ୍ଵର୍ଣ ପଦକ ହାସଲକରିଥିବା ବାଲାଙ୍ଗୀରର ଝିଅ ପାୟଲ ନାଗ ପାଇଁ ରୋଟାରି ଏଲିଟ ତରଫରୁ ଏକ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା | ଏହି ସଭାରେ ପ୍ରଫେସର ମଧୁସୂଦନ ପତି ମୁଖ୍ୟ ଅତିଥିରୂପେ ଯୋଗଦେଇ ସରଳତା ଓ ଶିଷ୍ଟାଚାର ପାଇଁ ଆଜି ନିଜର ପ୍ରଚେଷ୍ଟାରେ ପାୟଲ ନାଗ ଏହି ଗୌରବର ହକଦାର ହୋଇଛି ବୋଲି କହିଥିଲେ | ଏହା ପାୟଲର ସମ୍ବର୍ଦ୍ଧନା ଅପେକ୍ଷା ଆମେ ନିଜକୁ ସଂସ୍କାରିତ ଓ ସମ୍ବର୍ଦ୍ଧିତ କରିବାର ସୁଯୋଗ ପାଇଛୁ ବୋଲି ମୁଖ୍ୟ ଅତିଥି ମତବ୍ୟକ୍ତ କରିଥିଲେ | ଏହି ସଭାରେ ବାଲାଙ୍ଗୀରର ଅନେକ ପ୍ରତିଷ୍ଠିତ ସଂଗଠନ ଓ ସଂସ୍ଥା ତରଫରୁ ପାୟଲକୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା | ରୋଟାରି କ୍ଲବ ଅଫ ଏଲିଟ ସହିତ, ଭୂମିକା, ଇଣ୍ଟାକ ବଲାଙ୍ଗୀର ଶାଖା, ଜିଲ୍ଲା ଶିକ୍ଷା ବିକାଶ ଫୋରମ, ରୋଟାରି ସେଣ୍ଟ୍ରାଲ, ବଲାଙ୍ଗୀର ମାରାଥନ କମିଟି, ବିଙ୍ଗ ଷ୍ଟ୍ରଙ୍ଗ, ଦମୟନ୍ତୀ ଜୱେଲେରୀ, ରାଧିକା ଅଳଙ୍କାର, ଯେ ଏସ ଏମ କଲେଜ, କୁଚିନା ଓ ଏକୱାଗାର୍ଡ ପରିବାର, ଏକାଡେ଼ମିକ ହାଇଟ୍ସ ପବ୍ଲିକ ସ୍କୁଲ, ସିଏନସି କଲେଜ, ହୋଟେଲ ମାଲିକ ସଂଘ, ମାହେଶ୍ୱରୀ ଯୁବକ ସଂଘ, ନାରୀ ଶକ୍ତି ଫାଉଣ୍ଡେସନ, ବେସରକାରୀ ବସ୍ ମାଲିକ ସଂଘ, ନାଗରିକ କମିଟି ବଲାଙ୍ଗୀର, ସରକାରୀ ବାଳିକା ଉଚ୍ଚ ବିଦ୍ୟାଳୟ, ଇନଫିନିଟି ଇନ୍ଫ୍ରା ଡେଭଲପର୍ସ, ଜିଲ୍ଲା ବଣିକ ସଂଘ, ଉଡାନ, ସହଯୋଗ ଫାଉଣ୍ଡାସନ ଆଦି ସଂଗଠନ ତରଫରୁ ସୁନା ଝିଅ ପାୟଲ ନାଗଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା | ଏହି ସଭାରେ ରୋଟାରି ଏଲିଟର ସଭାପତି ଅର୍ଚନା ଶତପଥୀ ସଭାପତିତ୍ୱ କରିଥିଲେ ଓ ବରିଷ୍ଠ ସଭ୍ୟ ଧର୍ମେନ୍ଦ୍ର ନନ୍ଦ ସଭା ପରିଚାଳନା ଓ ଏଲିଟର ସଭ୍ୟା ନୂତନ ନାୟକ ମାନପତ୍ର ପଠନ କରିଥିଲେ | ଶେଷରେ ସଭାପତି ଧନ୍ୟବାଦ ଅର୍ପଣ କରିଥିଲେ | ଏଥିରେ ରୋଟାରି ଏଲିଟର ସମସ୍ତ ସଦସ୍ୟ ସହଯୋଗ କରିଥିଲେ |
---------------
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
