ନୂଆଦିଲ୍ଲୀ, 10 ନଭେମ୍ବର (ହି.ସ.)- କେନ୍ଦ୍ରୀୟ
ଗୃହ ଏବଂ ସହକାରିତା ମନ୍ତ୍ରୀ ଅମିତ ଶାହ ସୋମବାର କହିଛନ୍ତି ଯେ, ଦେଶର ସହରୀ ସହକାରୀ ବ୍ୟାଙ୍କ ବର୍ତ୍ତମାନ ଆକାଂକ୍ଷୀ ଯୁବ, ଛୋଟ ବ୍ୟବସାୟୀ ଓ ନିମ୍ନ ଶ୍ରେଣୀର ଲୋକମାନଙ୍କ ସଶକ୍ତିକରଣ ପାଇଁ
ଅଗ୍ରଣୀ ଭୂମିକା ନିଭାଇବା ଉଚିତ। ସେ କହିଛନ୍ତି ଯେ, ନାଫକବଏବଂ ଅନ୍ୟ ସହରୀୟ ସହକାରୀ ସଂଗଠନ ଏକ ନୈତିକ ଦିଗନିର୍ଦେଶ ଜାରି
କରନ୍ତୁ,
ଯାହା ଆଧାରରେ ପ୍ରତ୍ୟେକ ବ୍ୟାଙ୍କ ନିଜ ଆର୍ଥିକ ଗଠନକୁ ପୁନଃ
ଡିଜାଇନ୍ କରିପାରିବ।
ଶାହ ଏଠାରେ ଜାତୀୟ ସହରୀୟ
ସହକାରୀ ବ୍ୟାଙ୍କ ଏବଂ ଋଣ ସମିତି ମହାସଂଘ (ନାଫକବ) ଏବଂ ସହକାରିତା ମନ୍ତ୍ରାଳୟ ଦ୍ୱାରା
ସଂଯୁକ୍ତ ଭାବରେ ଆୟୋଜିତ ଆନ୍ତର୍ଜାତୀୟ ସମ୍ମିଳନ ‘କୋ-ଅପ୍ କୁମ୍ଭ 2025’ କୁ ସମ୍ବୋଧନ କରିଛନ୍ତି।
ସେ କହିଛନ୍ତି ଯେ, ସହରୀୟ ସହକାରୀ ବ୍ୟାଙ୍କ ଏବଂ ଋଣ ସମିତିମାନେ ଶେଷ
କିଛି ବର୍ଷରେ ନୂତନ ଉତ୍ସାହ ଏବଂ ଦୃଢ଼ ସଂକଳ୍ପ ସହ ଆଗକୁ ବଢ଼ିଛନ୍ତି। ସେ ଅମୂଲ ଏବଂ ଇଫ୍କୋକୁ
ଆନ୍ତର୍ଜାତୀୟ ସହକାରୀ ଗଠନ ଦ୍ୱାରା ବିଶ୍ୱ ରାଙ୍କିଂରେ କ୍ରମଶଃ ପ୍ରଥମ ଏବଂ ଦ୍ୱିତୀୟ ସ୍ଥାନ
ମିଳିଥିବା ପାଇଁ ଅଭିନନ୍ଦନ ଜଣାଇଛନ୍ତି।
ଶାହ କହିଛନ୍ତି ଯେ, ଏହା ପ୍ରମାଣ କରେ ଯେ ସହକାରୀତାର ଧାରଣା ଆଜି
ମଧ୍ୟ ସେହିପରି ପ୍ରାସଙ୍ଗିକ ଏବଂ ଜୀବନ୍ତ ଅଛି। ଅମୂଲ୍ ଦେଶରେ ଶ୍ୱେତ କ୍ରାନ୍ତିକୁ ଗତି ଦେଇଛି
ଏବଂ ଆଜି ପ୍ରତିଦିନ ପ୍ରାୟ ୩ କୋଟି ଲିଟର ଦୁଧ ସଂଗ୍ରହ କରୁଛି। ସେହିପରି ଇଫ୍କୋ ସବୁଜ
କ୍ରାନ୍ତିରେ ଗୁରୁତ୍ୱପୂର୍ଣ୍ଣ ଭୂମିକା ନେଇ ୯୩ ଲକ୍ଷ ଟନ୍ ୟୁରିଆ ଏବଂ ଡିଏପି ଉତ୍ପାଦନ କରିଛି,
ଯାହାର ନାନୋ ଉତ୍ପାଦଗୁଡ଼ିକ ଆଜି ୪୦ରୁ ଅଧିକ ଦେଶକୁ ରପ୍ତାନି ହେଉଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
10 Nov 2025