ଶ୍ରୀନଗର, ୧୬ ନଭେମ୍ବର (ହି.ସ.)- ଫରେନସିକ୍ ସାଇନ୍ସ ଲାବୋରେଟୋରୀ (ଏଫଏସଏଲ ) ଟିମ୍ ଏବଂ ସୁରକ୍ଷା ବାହିନୀ ଶ୍ରୀନଗରର ନୌଗାମ ପୋଲିସ ଷ୍ଟେସନ ଚାରିପାଖ ଅଂଚଳକୁ ସିଲ୍ କରିଛନ୍ତି । ଦୁର୍ଘଟଣାଜନିତ ବିସ୍ଫୋରଣରେ ନଅ ଜଣଙ୍କ ମୃତ୍ୟୁ ଏବଂ ୩୨ ଜଣ ଆହତ ହୋଇଥିବା ଘଟଣାର ତଦନ୍ତ ଚାଲିଛି । ସୁରକ୍ଷା କର୍ମୀ ଏବଂ ଫରେନସିକ୍ ବିଶେଷଜ୍ଞ ପ୍ରମାଣ ସଂଗ୍ରହ କରିବା ପାଇଁ ଘଟଣାସ୍ଥଳରେ ପହଂଚିଛନ୍ତି । ଶୁକ୍ରବାର ବିଳମ୍ବିତ ରାତିରେ ନୌଗାମ ପୋଲିସ ଷ୍ଟେସନ ଭିତରେ ଏକ ଦୁର୍ଘଟଣାଜନିତ ବିସ୍ଫୋରଣରେ ନଅ ଜଣ ପୋଲିସ କର୍ମଚାରୀଙ୍କ ମୃତ୍ୟୁ ହୋଇଛି ଏବଂ ଅନ୍ୟ ୩୨ ଜଣ ଆହତ ହୋଇଛନ୍ତି, ଯାହା ଦ୍ୱାରା ନିକଟବର୍ତୀ ଏକ କୋଠାକୁ ବ୍ୟାପକ କ୍ଷତି ହୋଇଛି । ଆହତମାନଙ୍କୁ ଶ୍ରୀନଗରର ଶ୍ରୀ ମହାରାଜା ହରି ସିଂହ ହସ୍ପିଟାଲ (ଏସଏମଏଚଏସ)ରେ ଭର୍ତି କରାଯାଇଛି । ଜମ୍ମୁ ଓ କାଶ୍ମୀର ପୋଲିସ ମହାନିର୍ଦ୍ଦେଶକ (ଡିଜିପି) ନଳିନ ପ୍ରଭାତ ଶନିବାର ଜୋର୍ ଦେଇ କହିଛନ୍ତି ଯେ, ଘଟଣା ବିଷୟରେ କୌଣସି ଅନୁମାନ ଅନାବଶ୍ୟକ, କାରଣ ପ୍ରାଥମିକ ଫଳାଫଳ ସୂଚାଇଥାଏ ଯେ ବାଧ୍ୟତାମୂଳକ ଫରେନସିକ୍ ପ୍ରକ୍ରିୟା ସମୟରେ ଏକ ଅନିଚ୍ଛାକୃତ ବିସ୍ଫୋରଣ ଘଟିଥିଲା ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ