ପାଟଣା, 20 ନଭେମ୍ବର (ହି.ସ.)- ପ୍ରଧାନମନ୍ତ୍ରୀ
ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ
ଶାହ ସହିତ ବିଜେପି ଶାସିତ କିଛି ରାଜ୍ୟର ମୁଖ୍ୟମନ୍ତ୍ରୀମାନଙ୍କ ଉପସ୍ଥିତିରେ ନୀତିଶ କୁମାର ଗୁରୁବାର
ପାଟନାର ଐତିହାସିକ ଗାନ୍ଧୀ ମୈଦାନରେ 10ମ ଥର ପାଇଁ ମୁଖ୍ୟମନ୍ତ୍ରୀ ପଦର ଶପଥ ନେଇଛନ୍ତି।
ରାଜ୍ୟପାଳ ଆରିଫ ମହମ୍ମଦ ଖାନ ତାଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇଛନ୍ତି । ନୀତିଶ କୁମାରଙ୍କ ସହିତ ଭାରତୀୟ
ଜନତା ପାର୍ଟି (ବିଜେପି) କୋଟାରୁ ସମ୍ରାଟ୍ ଚୌଧୁରୀ ଏବଂ ବିଜୟ କୁମାର ସିହ୍ନା ମଧ୍ୟ ପଦ ଏବଂ
ଗୋପନୀୟତାର ଶପଥ ନେଇଛନ୍ତି।
ଆଜି ନୀତିଶ କ୍ୟାବିନେଟ୍ରେ
ଯେଉଁ ମନ୍ତ୍ରୀମାନେ ଶପଥ ନେଇଛନ୍ତି, ସେମାନଙ୍କ ମଧ୍ୟରୁ ଜମୁଇ ବିଧାନସଭା ଆସନରୁ ଜିତିଥିବା ଶ୍ରେୟସୀ ସିଂହ ବିଜେପି ପକ୍ଷରୁ ଯୁବ
ଚେହେରା ସାମିଲ। ଏହା ବ୍ୟତୀତ ରମା ନିଷାଦଙ୍କୁ ମଧ୍ୟ କ୍ୟାବିନେଟ୍ରେ ସ୍ଥାନ ଦିଆଯାଇଛି,
ଯିଏ ଏଥର ଅରଇ ବିଧାନସଭା ଆସନରୁ ନିର୍ବାଚିତ
ହୋଇଆସିଛନ୍ତି। ଏହି ଦୁଇଜଣ ପ୍ରଥମ ଥର ପାଇଁ ମନ୍ତ୍ରୀ ପଦର ଶପଥ ନେଇଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା