କୋଲକାତା, 13 ଡିସେମ୍ବର (ହି.ସ.)- ପଶ୍ଚିମବଙ୍ଗର
ରାଜ୍ୟପାଳ ଡ. ସି.ଭି. ଆନନ୍ଦ ବୋଷ କୋଲକାତାର ଯୁବଭାରତୀ କ୍ରୀଡ଼ାଙ୍ଗଣରେ ଲିଓନେଲ୍ ମେସିଙ୍କ
କାର୍ଯ୍ୟକ୍ରମ ସମୟରେ ଘଟିଥିବା ଭିଡ ଓ ଅବ୍ୟବସ୍ଥାକୁ ନେଇ ଗଭୀର ଶୋକ ଓ ଚିନ୍ତା ପ୍ରକାଶ
କରିଛନ୍ତି। ଘଟଣା ପରେ ଶନିବାର ଦ୍ୱିପ୍ରହରରେ ଜାରି କରାଯାଇଥିବା ନିଜ ବିବୃତ୍ତିରେ ରାଜ୍ୟପାଳ
ଏହାକୁ କ୍ରୀଡ଼ାପ୍ରେମୀମାନଙ୍କ ପାଇଁ ଏକ ଦୁଃଖଦ ଦିନ ବୋଲି କହି, କାର୍ଯ୍ୟକ୍ରମର ଅପର୍ଯ୍ୟାପ୍ତ ଯୋଜନା ଓ ପ୍ରବନ୍ଧନର ଅଭାବ କାରଣରୁ
ଦର୍ଶକମାନଙ୍କ ସହିତ ସହ ମୁଖ୍ୟମନ୍ତ୍ରୀ ଓ ସାଧାରଣ ଜନତାଙ୍କ ଆଶାକୁ ମଧ୍ୟ ଆଘାତ ଲାଗିଛି ବୋଲି
କହିଛନ୍ତି।
ରାଜ୍ୟପାଳ ସ୍ପଷ୍ଟ କରିଛନ୍ତି
ଯେ ସମଗ୍ର ଘଟଣାକ୍ରମରେ ସର୍ବାଧିକ ଦାୟିତ୍ୱ ଆୟୋଜକ ଓ ପ୍ରାୟୋଜକମାନଙ୍କର, କିନ୍ତୁ ପୁଲିସ୍ ମଧ୍ୟ ସରକାର, ସାଧାରଣ ଜନତା ଓ ମୁଖ୍ୟମନ୍ତ୍ରୀଙ୍କ ପ୍ରତି ନିଜ ଦାୟିତ୍ୱ ପାଳନରେ ବିଫଳ ହୋଇଛି। ତାଙ୍କ
କହିବା ଅନୁସାରେ,
ଏହି ପରିସ୍ଥିତି କୋଲକାତାର କ୍ରୀଡ଼ାପ୍ରେମୀମାନଙ୍କ ପାଇଁ ଅତ୍ୟନ୍ତ
ଦୁଃଖଦ ଏବଂ ଅସ୍ୱୀକାରଯୋଗ୍ୟ।
ଡ. ସି.ଭି. ଆନନ୍ଦ ବୋଷ
ରାଜ୍ୟ ସରକାରକୁ ଅନେକ ନିର୍ଦ୍ଦେଶ ଜାରି କରିଛନ୍ତି। ଏଥିରେ ଆୟୋଜକ ଓ ପ୍ରାୟୋଜକମାନଙ୍କ ଗିରଫ, ଟିକେଟ୍ କିଣିଥିବା ଲୋକମାନଙ୍କୁ ଟଙ୍କା ଫେରସ୍ତ, ଷ୍ଟେଡିୟମ୍ ଏବଂ ସାର୍ବଜନୀନ ସମ୍ପତ୍ତିକୁ ହୋଇଥିବା କ୍ଷତି
ପାଇଁ ଆୟୋଜକମାନଙ୍କ ଉପରେ ଜରିମାନା , ସମଗ୍ର ଘଟଣାର ନ୍ୟାୟିକ ତଦନ୍ତ, ଅବହେଳା କରିଥିବା ପୁଲିସ୍ ଅଧିକାରୀମାନଙ୍କୁ ନିଲମ୍ବନ ଏବଂ ଭବିଷ୍ୟତରେ ବଡ଼
କାର୍ଯ୍ୟକ୍ରମଗୁଡ଼ିକ ପାଇଁ ମାନକ କାର୍ଯ୍ୟପ୍ରଣାଳୀ (ଏସ୍ଓପି) ଲାଗୁ କରିବା ଭଳି ବିଷୟଗୁଡ଼ିକ
ସମ୍ମିଳିତ ଅଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
13 Dec 2025
