ବଳରାମପୁର, 29 ଡିସେମ୍ବର (ହି.ସ.)
- ଛତିଶଗଡ଼ର ଥାନା ବସନ୍ତପୁର ପୁଲିସ ଉତ୍ତର ପ୍ରଦେଶ
ସୀମାରେ ଡ୍ରଗ୍ସ ତସ୍କରୀର ଏକ ବଡ଼ ମାମଲାର ପର୍ଦ୍ଦାଫାଶ କରିଛି। ପୁଲିସ ଏକ ଟ୍ରକ୍ରୁ ତିନିଜଣ
ଆନ୍ତର୍ରାଜ୍ୟୀୟ ତସ୍କରଙ୍କୁ ଗିରଫ କରି ପ୍ରାୟ ୬ କୋଟି ଟଙ୍କା ମୂଲ୍ୟର ଗଞ୍ଜା ଜବତ କରିଛି।
ଛତିଶଗଡ଼ର ବଲରାମପୁର–ରାମାନୁଜଗଞ୍ଜ ଜିଲ୍ଲାରେ ନିଶାର ବେଆଇନ
ବ୍ୟବସାୟ ବିରୋଧରେ ପୁଲିସକୁ ବଡ଼ ସଫଳତା ମିଳିଛି। ଥାନା ବସନ୍ତପୁର ପୁଲିସ ଛତିଶଗଡ଼–ଉତ୍ତର
ପ୍ରଦେଶ ସୀମାରେ ଏକ ଟାଟା ଟ୍ରକ୍ରୁ ନଡିଆ ସଢେଇ ଭିତରେ ଲୁଚାଇ ନେଇଯାଉଥିବା ୧୧୯୮.୪୬୦
କିଲୋଗ୍ରାମ ବେଆଇନ ମାଦକ ପଦାର୍ଥ ଗଞ୍ଜେଇ ଉଦ୍ଧାର କରିଛି। ଏହାର ଆନ୍ତର୍ଜାତୀୟ ବଜାରରେ
ଆନୁମାନିକ ମୂଲ୍ୟ ପ୍ରାୟ ୬ କୋଟି ଟଙ୍କା ହେବା ଆକଳନ କରାଯାଇଛି। ଏହି କାର୍ଯ୍ୟାନୁଷ୍ଠାନରେ
ତିନିଜଣ ଆନ୍ତର୍ରାଜ୍ୟୀୟ ତସ୍କରଙ୍କୁ ଗିରଫ କରାଯାଇଛି ଏବଂ ତସ୍କରୀରେ ବ୍ୟବହୃତ ଯାନବାହନକୁ
ମଧ୍ୟ ଜବତ କରାଯାଇଛି।
ବଲରାମପୁର ପୁଲିସ ସୋମବାର ଜାରି କରାଯାଇଥିବା ଏକ ବିଜ୍ଞପ୍ତିରେ
କହିଛି ଯେ ୨୮ ଡିସେମ୍ବର ରାତିରେ ଥାନା ବସନ୍ତପୁରର ପ୍ରଭାରୀ ନିରୀକ୍ଷକ ଜିତେନ୍ଦ୍ର ସୋନୀଙ୍କୁ
ମୁଖବିର ମାଧ୍ୟମରେ ସୂଚନା ମିଳିଥିଲା ଯେ ଓଡ଼ିଶାରୁ ରାଜସ୍ଥାନ ଦିଗକୁ ଯାଉଥିବା ଏକ ଟାଟା ଟ୍ରକ୍
(ନମ୍ବର ଆରଓ ୩୨ ଜିଇ ୦୯୬୦)ରେ ନଡ଼ିଆ ସଢେଇ ଲୋଡ୍ ରହିଛି, ଯାହା ଭିତରୁ ଭିତରେ ବିପୁଳ ପରିମାଣରେ ଗଞ୍ଜେଇ ଲୁଚାଇ
ନିଆଯାଉଥିଲା ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
29 Dec 2025
