ଭୁବନେଶ୍ୱର, 31 ଡିସେମ୍ବର (ହି.ସ.)- ପ୍ରାଣ-ପ୍ରତିଷ୍ଠାର ଦ୍ୱିତୀୟ ବାର୍ଷିକୀର ଶୁଭେଚ୍ଛା ଜଣାଇଛନ୍ତି
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏନେଇ ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ
କହିଛନ୍ତି ଯେ, ପ୍ରାଣ-ପ୍ରତିଷ୍ଠାର ଦ୍ୱିତୀୟ ବାର୍ଷିକୀର ଏହି ପବିତ୍ର ଅବସରରେ ସମସ୍ତ
ଦେଶବାସୀଙ୍କୁ ହୃଦୟପୂର୍ଣ୍ଣ ଶୁଭେଚ୍ଛା।
ଆଜିର ଦିନଟି ଭାରତର ସଭ୍ୟତାମୂଳକ ଚେତନାରେ ଅଙ୍କିତ ଏକ ଐତିହାସିକ କ୍ଷଣକୁ ସ୍ମରଣ କରାଏ। ବର୍ଷ
ବର୍ଷର ଆସ୍ଥା, ତପସ୍ୟା ଓ ସଂଘର୍ଷ ପରେ, ଦୁଇ ବର୍ଷ ପୂର୍ବେ
ଅୟୋଧ୍ୟାରେ ଶ୍ରୀରାମ ଜନ୍ମଭୂମି ମନ୍ଦିରରେ ରାମଲଲାଙ୍କ ପ୍ରାଣ-ପ୍ରତିଷ୍ଠା ପ୍ରଧାନମନ୍ତ୍ରୀ ମୋଦିଙ୍କ
ଦ୍ୱାରା ସମ୍ପନ୍ନ ହୋଇଥିଲା।
କେନ୍ଦ୍ରମନ୍ତ୍ରୀ କହିଛନ୍ତି ଯେ, ପ୍ରଭୁ ଶ୍ରୀରାମଙ୍କ ଜୀବନ ଆମକୁ ମର୍ଯ୍ୟାଦା,
କର୍ତ୍ତବ୍ୟ
ଓ ସତ୍ୟର ପଥରେ ରହିବାର ପ୍ରେରଣା ଦେଉଛି। ଶ୍ରୀରାମ ଜନ୍ମଭୂମି ମନ୍ଦିର ସାଂସ୍କୃତିକ ଗୌରବ,
ସନାତନ
ମୂଲ୍ୟବୋଧ ଓ ଜାତୀୟ ଏକତାର ଏକ ସ୍ଥାୟୀ ପ୍ରତୀକ ଭାବେ ଆସନ୍ତା ପିଢ଼ିକୁ ଦିଗଦର୍ଶନ ଦେଇ ଯିବ।
କେନ୍ଦ୍ରମନ୍ତ୍ରୀ କହିଛନ୍ତି ଯେ, ଏହି ଶୁଭ ଅବସରରେ ଶ୍ରୀରାମ ଜନ୍ମଭୂମି ଆନ୍ଦୋଳନ ପାଇଁ
ନିଜ ସମସ୍ତ କିଛି ଅର୍ପଣ କରିଥିବା ସମସ୍ତ ବଳିଦାନୀଙ୍କୁ ମୁଁ କୋଟି-କୋଟି ପ୍ରଣାମ ଜଣାଉଛି।
ତାଙ୍କର ତପସ୍ୟା ଓ ତ୍ୟାଗ ଭାରତର ଇତିହାସକୁ ଗୋଟିଏ ଗୌରବମୟ ଅଧ୍ୟାୟ ଦେଇଛି। ଜୟ ଶ୍ରୀରାମ!
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
