ଭୁବନେଶ୍ୱର, 12 ମାର୍ଚ୍ଚ (ହି.ସ.)ଗୌହାଟୀରେ ଭାରତୀୟ ମଜଦୁର ସଂଘ ର କେନ୍ଦ୍ରୀୟ କାର୍ଯ୍ୟ ସମିତି ବୈଠକ ଦ୍ବାରା ଦିଆଯାଇଥିବା ଡାକରାରେ, ସାରା ଭାରତରେ ସମସ୍ତ ବିଏମଏସ ଜିଲ୍ଲା ଶାଖା ଦ୍ବାରା ୧୮ ମାର୍ଚ୍ଚରେ ଜିଲ୍ଲା ମୁଖ୍ୟାଳୟରେ ପ୍ରତିବାଦ ପ୍ରଦର୍ଶନ ସହିତ ଜିଲ୍ଲାପାଳଙ୍କ ମାଧ୍ୟମରେ ମାନ୍ୟବର କେନ୍ଦ୍ର ଅର୍ଥମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯିବ । ଅନୁରୂପ ଭାବେ ଓଡ଼ିଶାରେ, ବିଏମଏସ ପ୍ରଦେଶ ତରଫରୁ ସାରା ରାଜ୍ୟରେ ଜିଲ୍ଲା କଲେକ୍ଟର ଏବଂ ପ୍ରମୁଖ ଶିଳ୍ପ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହିତ ଦାବୀପତ୍ର ପ୍ରଦାନ କରାଯିବ ବୋଲି ରାଜ୍ୟ ସାଧାରଣ ସମ୍ପାଦକ ଶ୍ରୀ ପୃଥ୍ୱୀରାଜ ପଣ୍ଡା ଜଣେଇଛନ୍ତି |
ପ୍ରକାଶ ଥାଉକି ବର୍ତ୍ତମାନ, ପ୍ରାୟ ୭୬ ଲକ୍ଷ ଇପିଏସ-95 ପେନସନଭୋଗୀ ସର୍ବନିମ୍ନ ୧,୦୦୦ ପେନସନ ପାଆନ୍ତି। ଏହି ପେନସନଭୋଗୀମାନଙ୍କ ମଧ୍ୟରୁ ଅଧିକାଂଶ ପୂର୍ବତନ ବେସରକାରୀ କ୍ଷେତ୍ରର କର୍ମଚାରୀ ଏବଂ ଅନ୍ୟାନ୍ୟ କର୍ମଚାରୀ। ଗତ ତିନି ବର୍ଷ ଧରି, ବିଏମଏସ ଇପିଏସ-95 ଅନ୍ତର୍ଗତ ସର୍ବନିମ୍ନ ପେନସନକୁ ୧,୦୦୦ ରୁ ୫,୦୦୦ କୁ ବୃଦ୍ଧି କରିବା ଏବଂ ଏହାକୁ ପରିବର୍ତ୍ତନ ଶୀଳ ମହଙ୍ଗା ଭତ୍ତା ସହିତ ଯୋଡ଼ିବା ପାଇଁ ଦାବି କରିଆସୁଛି । ଏହା ସହିତ, ବିଏମଏସ ଏହି ପେନସନଭୋଗୀଙ୍କ ପାଇଁ ଆୟୁଷ୍ମାନ ଭାରତ ସ୍ବାସ୍ଥ୍ୟ ଯୋଜନା ଅନ୍ତର୍ଭୁକ୍ତ କରିବାକୁ ଚାହୁଁଛି। ଅର୍ଥମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରାକ୍-ବଜେଟ୍ ବୈଠକ ସମେତ ବିଭିନ୍ନ ଫୋରମରେ ଏହି ପ୍ରସଙ୍ଗ ଉଠାଇବା ସଙ୍ଗେ, ସରକାର ଏପର୍ଯ୍ୟନ୍ତ ଏକ ନିର୍ଣ୍ଣାୟକ ପଦକ୍ଷେପ ନେଇନାହାଁନ୍ତି।
ରାଜ୍ୟରେ କାର୍ଯ୍ୟରତ ସ୍କିମ ୱାର୍କରସ (ଅଙ୍ଗନୱାଡି,ଆଶା ଓ ଏମଡିଏମ କର୍ମଚାରୀ ) ଏବଂ ଠିକା କର୍ମଚାରୀଙ୍କ ପାଇଁ ଦାବି
ବିଏମଏସ ପେନସନ ସମ୍ବନ୍ଧୀୟ ଚିନ୍ତା ବ୍ୟତୀତ, ବିଭିନ୍ନ କ୍ଷେତ୍ରରେ ସ୍କିମ ୱାର୍କରସ ଏବଂ ଠିକା କର୍ମଚାରୀଙ୍କ ଦୀର୍ଘକାଳୀନ ଦାବିକୁ ମଧ୍ୟ ଉପସ୍ଥାପନ କରି ଆସୁଅଛି :
1. ସ୍କିମ ୱାର୍କରସଙ୍କ ସ୍ଥିତି ପୁନଃପରିଭାଷିତ କରିବା: ଯଥା 1973 ମସିହାରୁ, ଅଙ୍ଗନୱାଡି କର୍ମୀମାନଙ୍କୁ ସ୍କିମ ୱାର୍କରସ ଭାବରେ ବର୍ଗୀକୃତ କରାଯାଇଛି। ବିଏମଏସ ଦାବି କରୁଛି ଯେ ସରକାର ସେମାନଙ୍କୁ ସରକାରୀ କର୍ମଚାରୀ ଭାବରେ ମାନ୍ୟତା ଦିଅନ୍ତୁ ଏବଂ ସରକାରୀ କର୍ମଚାରୀଙ୍କ ଇଁ ପ୍ରଯୁଜ୍ୟ ସମସ୍ତ ସୁବିଧା ପ୍ରଦାନ କରନ୍ତୁ।
ଠିକା କର୍ମଚାରୀଙ୍କ ଉପରେ ଚିନ୍ତା: ଅନେକ ଶିଳ୍ପ ଏବଂ ପ୍ରତିଷ୍ଠାନ ଦଶନ୍ଧି ଧରି ଅସ୍ଥାୟୀ ନିଯୁକ୍ତିରେ ରଖ୍ ଚୁକ୍ତିଭିଭିକ କର୍ମଚାରୀମାନଙ୍କୁ ଷଣ କରିଆସୁଛନ୍ତି। ଏହି କର୍ମଚାରୀମାନଙ୍କର ଚାକିରି ସୁରକ୍ଷା, ନ୍ୟାୟପୂର୍ଣ୍ଣ ମଜୁରୀ ଏବଂ ଉପଯୁକ୍ତ ସୁବିଧା ନାହିଁ । ବିଏମଏସ ପର୍ଯ୍ୟାୟକ୍ରମେ ମାନଙ୍କର ନିୟମିତକରଣ , ନ୍ୟାୟପୂର୍ଣ୍ଣ ମଜୁରୀ ଏବଂ ସାମାଜିକ ସୁରକ୍ଷା ସୁନିଶ୍ଚିତ କରିବା ପାଇଁ ଦାବୀ କରୁଛି ।
ଆଜିର ଏହି ସାମ୍ବାଦିକ ସମ୍ମିଳନୀରେ ଭାରତୀୟ ମଜଦୂର ସଂଘର ଅଞ୍ଜଳ ଭାରତୀୟ ସଂଗଠନ ସମ୍ପାଦକ ଶ୍ରୀ ବି ସୁରେନ୍ଦ୍ରନଜୀ. ଭାରତୀୟ ସମ୍ପାଦିକା ସୁଶ୍ରୀ ଅଞ୍ଜଳି ପଟେଲ ପ୍ରମୁଖ ଉପସ୍ଥିତ ଥିଲେ |
ହିନ୍ଦୁସ୍ଥାନ ସମାଚାର / ସମନ୍ୱୟ
