ୱାଶିଂଟନ, 13 ମେ (ହି.ସ.)- ଆମେରିକାର କ୍ଲିଭଲ୍ୟାଣ୍ଡ ଷ୍ଟେଟ୍ ୟୁନିଭର୍ସିଟିର ଦୁଇଜଣ ଭାରତୀୟ ଛାତ୍ର ୧୦ ମେ
ସକାଳେ ପେନ୍ସିଲଭାନିଆ ଟର୍ନପାଇକ୍ରେ ଏକ କାର ଦୁର୍ଘଟଣାରେ ଜୀବନ ହାରାଇଛନ୍ତି । ନ୍ୟୁୟର୍କରେ
ଭାରତୀୟ ଦୂତାବାସ ଶୋକସନ୍ତପ୍ତ ପରିବାରଙ୍କୁ ସହଯୋଗ ପ୍ରଦାନ କରିବା ପାଇଁ ଆଶ୍ୱାସନା ଦେଇଛି। ଏହି
ଦୁର୍ଘଟଣାରେ ଆଉ ଜଣେ ବ୍ୟକ୍ତି ଆହତ ହୋଇଛନ୍ତି। ଗଲ୍ଫ୍ ନ୍ୟୁଜ୍ର ଖବର ଅନୁସାରେ,
ମୃତକଙ୍କ
ପରିଚୟ ୨୩ ବର୍ଷୀୟ ସୌରଭ ପ୍ରଭାକର ଓ ୨୦ ବର୍ଷୀୟ ମାନବ ପଟେଲ ବୋଲି ଜଣାପଡିଛି । ପୋଲିସ
ଅନୁସାରେ, କାରଟି ରାସ୍ତାରୁ ଖସିପଡିଛି । ପ୍ରଥମେ ଏହି ଗାଡ଼ି ଗୋଟିଏ ଗଛକୁ
ଧକ୍କା ଦେଇଥିଲା, ତାପରେ ଗୋଟିଏ ଖୁଂଟକୁ ଧକ୍କା ଦେଇଥିଲା । ଜରୁରୀକାଳୀନ ଟିମ୍
ଘଟଣାସ୍ଥଳରେ ପହଞ୍ଚି ଗାଡ଼ି ଚାଲାଉଥିବା ପ୍ରଭାକର ଓ ପଛ ସିଟରେ ବସିଥିବା ପଟେଲଙ୍କୁ ମୃତ
ଅବସ୍ଥାରେ ପାଇଥିଲେ । କାରର ଆଗର ସିଟରେ ବସିଥିବା ଆଉ ଜଣେ ବ୍ୟକ୍ତି ଆହତ ହୋଇଛନ୍ତି ବୋଲି
ଅଧିକାରୀମାନେ କହିଛନ୍ତି। ତାଙ୍କୁ ସ୍ଥାନୀୟ ରିଡିଂ ହସ୍ପିଟାଲରେ ପହଂଚାଯାଇଛି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା