ଶିମ୍‌ଲା, ୧୨ ଜୁଲାଇ(ହି.ସ.) – ହିମାଚଳ ପ୍ରଦେଶରେ ମୌସୁମୀ ସକ୍ରିୟତାରେ ବାଦଲ ଫଟା ବର୍ଷା ଜାରି ରହିଛି। ତେବେ ଗତ ରାତ୍ରିରେ ରାଜ୍ୟର କେତେକ ଅଂଚଳରେ ହୋଇଥିବା ଜୋର୍‌ଦାର ବର୍ଷା ପରେ ଶନିବାର ଦିନ ଅଧିକାଂଶ ଅଂଚଳରେ ବାଦଲ ଢାଙ୍କି ରହିଛି, ଯେଉଁଥିରେ ଲୋକଙ୍କୁ କିଛି ଆଶ୍ୱସ୍ତୀ ମିଳିଛି। କିନ୍ତୁ ପାଣିପାଗ ବିଭାଗ ଆଗାମୀ ଦିନରେ ପ୍ରବଳ ବର୍ଷାର ଚେତାବନୀ ଜାରି କରିଛି। ଆସନ୍ତା ଏକ ସପ୍ତାହ ପର୍ଯ୍ୟନ୍ତ ପାହାଡ଼ ପ୍ରଦେଶର ଅନେକ ଜିଲ୍ଲାରେ ପ୍ରବଳ ବର୍ଷାର ସମ୍ଭାବନା ରହିଛି।

ପାଣିପାଗ ବିଭାଗ ଅନୁଯାୟୀ ୧୩ ଜୁଲାଇ ପାଇଁ ମଂଡି, ଶିମଲା, ସୋଲନ ଏବଂ ସିରମୌର ଜିଲ୍ଲାରେ ପ୍ରବଳ ବର୍ଷାର ୟେଲୋ ଆଲର୍ଟ ଜାରି କରାଯାଇଛି। ୧୪ ଜୁଲାଇରେ ଉନା, ମଂଡି, ଶିମଲା, ସୋଲନ ଏବଂ ସିରମୌରରେ ବର୍ଷାର ୟେଲୋ ଆଲର୍ଟ ରହିବ। ୧୫ ଜୁଲାଇକୁ ଚମ୍ବା, କଂଗଡା, କୁଲ୍ଲୁ, ମଂଡି, ଶିମଲା, ସୋଲନ ଏବଂ ସିରମୌରରେ ପ୍ରବଳ ବର୍ଷାର ଚେତାବନୀ ରହିଥିବାବେଳେ ୧୬ ଜୁଲାଇକୁ ଲାହୋଲ- ସ୍ଥିତି ଏବଂ କିନ୍ନୌରକୁ ଛାଡ଼ି ବାକି ସମସ୍ତ ୧୦ ଜିଲ୍ଲାରେ ୟେଲୋ ଆଲର୍ଟ ଘୋଷିତ କରାଯାଇଛି। ପାଣିପାଗ ବିଭାଗ ୧୮ ଜୁଲାଇ ପର୍ଯ୍ୟନ୍ତ ରାଜ୍ୟସାରା ପାଗ ଖରାପ ରହିବାର ଆଶଙ୍କା କରାଯାଇଛି।

ପ୍ରବଳ ବର୍ଷା ଏବଂ ଭୂସ୍ଖଳନରେ ରାଜ୍ୟରେ ଯାତାୟାତ ପ୍ରଭାବିତ ହୋଇଛି। ରାଜ୍ୟ ଆପାତକାଳୀନ ପରିଚାଳନା କେନ୍ଦ୍ର ଅନୁଯାୟୀ ଶନିବାର ସନ୍ଧ୍ୟା ପର୍ଯ୍ୟନ୍ତ ଭୂସ୍ଖଳନରେ ଦୁଇ ନେସନାଲ୍ ହାଇୱେ(ଏନ୍‌ଏଚ୍ ୦୩ ଏବଂ ଏନ୍‌ଏଚ୍ ୨୧) ସମେତ ମୋଟ ୨୫୦ ସଡ଼କ ବନ୍ଦ ହୋଇଯାଇଛି। ମଂଡି ଜିଲ୍ଲା ସବୁଠାରୁ ଅଧିକ ପ୍ରଭାବିତ ହୋଇଛି, ଯେଉଁଠାରେ ଦୁଇ ନେସନାଲ ହାଇୱେ ବ୍ୟତୀତ ୨୦୩ ସଡ଼କ ବନ୍ଦ ରହିଛି। ମଂଡିର ଚଣ୍ଡିଗଡ଼-ମନାଲି ନେସନାଲ ହାଇୱେରେ ମଧ୍ୟ ଆଜି ଚାରି ମିଲ୍ ପାଖରେ ଭୂସ୍ଖଳନରେ ଯିବାଆସିବା ଅବରୋଧ ହୋଇଯାଇଛି।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି