ତିରୁପତି, 15 ସେପ୍ଟେମ୍ବର (ହି.ସ.)- ଲୋକସଭା ଅଧ୍ୟକ୍ଷ

ଓମ ବିର୍ଲା କହିଛନ୍ତି ଯେ, ମହିଳାଙ୍କର ଅଂଶଗ୍ରହଣ ବିନା ଗୋଟିଏ ବିକାଶଶୀଳ ଭାରତ

ଗଠନ ସମ୍ଭବ ନୁହେଁ। କିଛି ସ୍ଥାନରେ ବିଦ୍ୟାଳୟ ଦୂର ଥିବା କାରଣରୁ ଝିଅମାନେ ଶିକ୍ଷାରୁ ବଞ୍ଚିତ

ହେଉଛନ୍ତି। ଏହି ପରିସ୍ଥିତିରେ ସେ ଏହି ନିଶ୍ଚିତ କରିବାକୁ ଚାହୁଁଛନ୍ତି ଯେ, ଝିଅମାନେ ପ୍ରଯୁକ୍ତିର ସହଯୋଗରେ ଶିକ୍ଷିତ ହୁଅନ୍ତୁ। ଲୋକସଭା ଅଧ୍ୟକ୍ଷ ବିର୍ଲା ଗ୍ରାମୀଣ

ସ୍ତରରୁ ମହିଳା ନେତୃତ୍ୱକୁ ଉତ୍ସାହିତ କରିବା ପାଇଁ ମଧ୍ୟ ଅନୁରୋଧ କରିଛନ୍ତି।

ଲୋକସଭା ଅଧ୍ୟକ୍ଷ ଓମ ବିର୍ଲା

ସୋମବାର ଦିନ ଏଠାରେ ଅନୁଷ୍ଠିତ ଜାତୀୟ ମହିଳା ସଶକ୍ତିକରଣ ସମ୍ମିଳନୀକୁ ସମ୍ବୋଧନ କରୁଛନ୍ତି।

ଆଜି ଏହି ଜାତୀୟ ମହିଳା ସଶକ୍ତିକରଣ ସମ୍ମିଳନୀର ଦ୍ୱିତୀୟ ଦିନ। ଆଜିର ଅଧିବେଶନରେ ମୁଖ୍ୟ ଅତିଥି

ଭାବରେ ଆନ୍ଧ୍ର ପ୍ରଦେଶର ରାଜ୍ୟପାଳ ଓ ଅବସରପ୍ରାପ୍ତ ନ୍ୟାୟମୂର୍ତ୍ତି ଅବ୍ଦୁଲ୍ ନଜିର୍ ଉପସ୍ଥିତ

ଥିଲେ।

ଲୋକସଭା ଅଧ୍ୟକ୍ଷ ବିର୍ଲା

କହିଛନ୍ତି ଯେ, ମହିଳାମାନେ

ସାମାଜିକ, ଆର୍ଥିକ,

ରାଜନୈତିକ ଓ କ୍ରୀଡା କ୍ଷେତ୍ରରେ ଆଗକୁ ଆସିବା ପାଇଁ

ଦୁଇ ଦିନିଆ ବିଚାର-ବିମର୍ଶ କରାଯାଇଛି। ପ୍ରତ୍ୟେକ ମହିଳା ସୁରକ୍ଷିତ ଓ ଆତ୍ମନିର୍ଭର ହେବା

ଉଚିତ। ପଞ୍ଚାୟତ ସ୍ତରରେ ଗୋଟିଏ କମ୍ପ୍ୟୁଟର୍ କେନ୍ଦ୍ର ସୁନିଶ୍ଚିତ କରାଯିବା ଦରକାର।

ସେ କହିଛନ୍ତି ଯେ,

ମହିଳାମାନେ ସାରା ବିଶ୍ୱରେ ଆଇ.ଟି. ଓ ଆର୍ଥିକ

କ୍ଷେତ୍ରରେ ଉତ୍କୃଷ୍ଟ ପ୍ରଦର୍ଶନ କରୁଛନ୍ତି। ଯଦି ମହିଳାମାନେ ଆର୍ଥିକ ଭାବେ ଆତ୍ମନିର୍ଭର ହେବେ,

ତେବେ ଭାରତ ଆର୍ଥିକ ଭାବେ ବିକାଶଶୀଳ ହେବ। ରାଜ୍ୟ

ସରକାର ଓ ଏହି ସମିତିମାନେ ଗାଁର ପ୍ରତ୍ୟେକ ମହିଳାକୁ ରୋଜଗାର ଯୋଗାଇବା ଓ ସେମାନେ ଆର୍ଥିକ ଭାବେ

ସ୍ୱାଧୀନ ହେବା ପାଇଁ ଯୋଜନା କରିବା ଉଚିତ। ଏମିତି ଯୋଜନା ଥିବା ଦରକାର ଯାହାର ଲାଭ ଦେଶର

ଅନ୍ତିମ ମହିଳା ପର୍ଯ୍ୟନ୍ତ ବି ମିଳିପାରିବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା