ନୂଆଦିଲ୍ଲୀ, 17 ସେପ୍ଟେମ୍ବର (ହି.ସ.)- କେନ୍ଦ୍ରୀୟ

ସଡ଼କ ପରିବହନ ଓ ରାଜମାର୍ଗ ମନ୍ତ୍ରୀ ନିତିନ ଗଡକରୀ ବୁଧବାର କହିଛନ୍ତି ଯେ ଦିଲ୍ଲୀ-ଏନସିଆରର

ଟ୍ରାଫିକ୍ ଜାମ୍ ସମସ୍ୟାକୁ ଦୂର କରିବା ପାଇଁ 30-40 ହଜାର କୋଟି ଟଙ୍କା ବଜେଟ୍‌ରେ ଦିଲ୍ଲୀର

ତାଲକଟୋରା ଷ୍ଟାଡିୟମ୍‌ରୁ ହରିୟାଣାର ଗୁରୁଗ୍ରାମ୍ ପର୍ଯ୍ୟନ୍ତ ଗୋଟିଏ ଭୂଗତ ମାର୍ଗ (ଟନେଲ୍

ରୋଡ୍) ତିଆରି ହେବ, ଯାହା ଦ୍ୱାରା 1 ଘଣ୍ଟିଆ ଯାତ୍ରା କେବଳ 15 ମିନିଟ୍‌ରେ କରିହେବ। ଏହା ଫଳରେ 45

ମିନିଟ୍ ସମୟର ସଞ୍ଚୟ ହେବ।

ଗଡକରୀ ପ୍ରଧାନମନ୍ତ୍ରୀ

ନରେନ୍ଦ୍ର ମୋଦିଙ୍କ 75ତମ ଜନ୍ମଦିନ ଅବସରରେ ଏକ ହିନ୍ଦୀ ସମ୍ବାଦପତ୍ରରେ ପ୍ରକାଶିତ ଲେଖାରେ କହିଛନ୍ତି

ଯେ 26 ମଇ 2014 ରେ ନରେନ୍ଦ୍ର ମୋଦି ପ୍ରଥମଥର ପ୍ରଧାନମନ୍ତ୍ରୀ ଭାବେ ଶପଥ ନେଇଥିଲେ। ସେତେବେଳଠାରୁ

ସରକାର ଭିତ୍ତିଭୂମି ବିକାଶକୁ ସର୍ବୋଚ୍ଚ ପ୍ରାଥମିକତା ଦେଇଛି। ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ

ଓ ନିଷ୍ପତ୍ତି ନେବା କ୍ଷମତା ଦ୍ୱାରା ଯାନବାହନ ଶିଳ୍ପ, ରାଜମାର୍ଗ ଓ ପରିବେଶ-ବାନ୍ଧବ ପ୍ରଯୁକ୍ତିରେ ଉଲ୍ଳେଖନୀୟ ଉନ୍ନତି

ହୋଇଛି।

ସେ କହିଛନ୍ତି ଯେ ସଡ଼କ

ପରିବହନ ମନ୍ତ୍ରଣାଳୟ 25ଟି ନୂଆ ଗ୍ରୀନଫିଲ୍ଡ ଏକ୍ସପ୍ରେସୱେ ଓ 3,000 କି.ମି. ସଡ଼କ ନେଟୱର୍କ୍

ତିଆରି କରୁଛି, ଯାହା

ବନ୍ଦର ଓ ଧାର୍ମିକ ପର୍ଯ୍ୟଟନ କେନ୍ଦ୍ରଗୁଡ଼ିକୁ ସଂଯୋଗ କରିବ। ଏହା ଦ୍ୱାରା କୃଷି, ସେବା ଓ ଶିଳ୍ପ ଖାତରେ ଲୋଜିଷ୍ଟିକ୍ ଖର୍ଚ୍ଚ ତ୍ୱରିତ ଭାବେ କମି

ଆସୁଛି। ମନ୍ତ୍ରଣାଳୟର ଲକ୍ଷ୍ୟ 2026 ପର୍ଯ୍ୟନ୍ତ ଏହାକୁ 9% ପର୍ଯ୍ୟନ୍ତ ନେଇଯିବା, ଯାହା ଏକ ଐତିହାସିକ ଉପଲବ୍ଧି ହେବ।

ପ୍ରାୟ 12 ଲକ୍ଷ କୋଟି

ଟଙ୍କାର ସଡ଼କ ପ୍ରକଳ୍ପ ଆରମ୍ଭ କରାଯାଇଛି, ଯାହା ବିକାଶଶୀଳ ଭାରତ ପାଇଁ ଗୁରୁତ୍ୱପୂର୍ଣ୍ଣ ପଦକ୍ଷେପ। ଟ୍ରାଫିକ୍

ଜାମ୍ ଦିଲ୍ଲୀ, ଜାତୀୟ

ରାଜଧାନୀ ଅଞ୍ଚଳ ଓ ଅନ୍ୟାନ୍ୟ ସହରଗୁଡ଼ିକୁ ଗୁରୁତର ସମସ୍ୟା ଭାବେ ପ୍ରଭାବିତ କରୁଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା