ଧାର (ମଧ୍ୟପ୍ରଦେଶ), 17 ସେପ୍ଟେମ୍ବର (ହି.ସ.)- ପ୍ରଧାନମନ୍ତ୍ରୀ
ନରେନ୍ଦ୍ର ମୋଦି ନାରୀ ଶକ୍ତିକୁ ଭାରତର ବିକାଶର ବାସ୍ତବ ମୁଳଦୁଆ ବୋଲି କହି ସାରା ଦେଶର
ମାଆ-ଭଉଣୀଙ୍କୁ ଅପିଲ୍ କରିଛନ୍ତି ଯେ ସେମାନେ ସଂକୋଚ ଛାଡ଼ି ନି:ଶୁଳ୍କ ସ୍ୱାସ୍ଥ୍ୟ
ଶିବିରଗୁଡ଼ିକୁ ଯାଇ ଚିକିତ୍ସା ଯାଞ୍ଚ କରାନ୍ତୁ। ସେ କହିଛନ୍ତି,
“ଆପଣଙ୍କର ଉତ୍ତମ ସ୍ୱାସ୍ଥ୍ୟରୁ ବଡ଼
କୌଣସି ସରକାରୀ ଟ୍ରେଜେରୀ ନାହିଁ।”
ପ୍ରଧାନମନ୍ତ୍ରୀ ବୁଧବାର
ମଧ୍ୟପ୍ରଦେଶର ଧାର ଜିଲ୍ଲାରେ ‘ସୁସ୍ଥ ନାରୀ, ସଶକ୍ତ
ପରିବାର’
ଅଭିଯାନ ଓ ‘ରାଷ୍ଟ୍ରୀୟ ପୋଷଣ ମାସ’ ର ଶୁଭାରମ୍ଭ କରି ବଡ଼ ଜନସଭାକୁ ସମ୍ବୋଧନ କରିଛନ୍ତି । ସେ କହିଛନ୍ତି ଯେ, “ଯଦି ମାଆ ସୁସ୍ଥ ରହିଛନ୍ତି, ତେବେ ସମ୍ପୂର୍ଣ୍ଣ ପରିବାର ସୁସ୍ଥ ରହିଥାଏ। କିନ୍ତୁ ଯଦି ମାଆ
ଅସୁସ୍ଥ ହୋଇଯାଆନ୍ତି, ତେବେ ଘରର ସମ୍ପୂର୍ଣ୍ଣ ବ୍ୟବସ୍ଥା ଅସ୍ଥିର ହୋଇଯାଏ।”ସେ ଏହା ମଧ୍ୟ କହିଛନ୍ତି ଯେ ଆଜି ଆରମ୍ଭ ହୋଇଥିବା ପଦକ୍ଷେପଗୁଡିକ
କେବଳ ବର୍ତ୍ତମାନ ପିଢି ପାଇଁ ନୁହେଁ, ବରଂ ସେମାନେ ସେହି ଶିଶୁ ଏବଂ ଭବିଷ୍ୟତର ନାଗରିକଙ୍କ ପାଇଁ ମଧ୍ୟ
ଅଟେ, ଯେଉଁମାନେ ଏବେ ଜନ୍ମ ହୋଇନାହାନ୍ତି ।
ପ୍ରଧାନମନ୍ତ୍ରୀ କହିଛନ୍ତି
ଯେ, ଏହା ନିଶ୍ଚିତ କରିବା ଯେ ଶିଶୁମାନେ ସୁସ୍ଥ ଭାବେ ଜନ୍ମ ହୁଅନ୍ତୁ, ସେମାନଙ୍କର ଭବିଷ୍ୟତର ମଂଗଳ ଓ ସମୃଦ୍ଧି ପାଇଁ ଭିତ୍ତି ରଖିଥାଏ ।
ଏହି କାମ କେବଳ ଗୋଟିଏ ପିଢି ପାଇଁ ନୁହେଁ, ବରଂ ଅନେକ ପିଢି ପାଇଁ ଆଶୀର୍ବାଦ ଅଟେ।”
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
17 Sep 2025