ନୂଆଦିଲ୍ଲୀ, ୨୫ ସେପ୍ଟେମ୍ବର(ହି.ସ.) – ରାଷ୍ଟ୍ରନିର୍ମାଣରେ ସାମୁହିକ ପ୍ରୟାସକୁ ପ୍ରେରିତ କରିବା ପାଇଁ ଯୁବା ଏବଂ ଖେଳ ମାମଲା ମନ୍ତ୍ରାଳୟ ବିଦେଶ ମନ୍ତ୍ରାଳୟର ସହଯୋଗରେ ସେବା ପଖୱାଡ଼ା ସମୟରେ ବିକଶିତ ଭାରତ ରନ୍‌-୨୦୨୫ର ଆୟୋଜନ କରିବ। ଏହି ଦୌଡ଼ ୯୧ ଦେଶରେ ୧୫୦ରୁ ଅଧିକ ସ୍ଥାନରେ ପ୍ରଥମ ଥର ଆୟୋଜିତ ହେବ।

ମନ୍ତ୍ରାଳୟ ମୁତାବକ ଅଧିକାଂଶ ଦୌଡ଼ ୨୮ ସେପ୍ଟେମ୍ବରକୁ ଆୟୋଜିତ କରାଯିବ। ରନ୍ ଟୁ ସର୍ବ ଦ ନେଶନ ଟ୍ୟାଗ୍‌ଲାଇନ୍ ସହିତ ଆୟୋଜିତ ଏହି ସାମୁଦାୟିକ ଦୌଡ଼ ୩ରୁ ୫ କିଲୋମିଟରର ଦୂରତାରେ ହେବ। ଆୟୋଜନ ପାଇଁ ବିଶ୍ୱସାରାର ପ୍ରତିଷ୍ଠିତ ଏବଂ ପ୍ରତୀକାତ୍ମକ ସ୍ଥାନ ବଛାଯାଇଛି, ଯେଉଁଥିରେ ମେକ୍ସିକୋ ସିଟିର ଏଂଜେଲ ଅଫ୍ ଇଣ୍ଡିପେଣ୍ଡେନ୍ସ, ସୁରିନାମର ପାରାମାରିବୋର ୟୁନେସ୍କୋ ବିଶ୍ୱ ଐତିହ୍ୟ ସ୍ଥଳ ଏବଂ ସୈନ ଫ୍ରନ୍‌ସିସ୍କୋର ଗୋଲ୍‌ଡେନ୍ ଗେଟ୍ ବ୍ରିଜ୍ ସାମିଲ ଅଛି।

ଏହି ଦୌଡ଼ରେ ପ୍ରବାସୀ ଭାରତୀୟ ଯୁବକ, ସ୍ଥାନୀୟ ଜନସାଧାରଣ, ଛାତ୍ର, ଭାଗ ନେବେ। ପ୍ରତିଭାଗୀ ଆତ୍ମନିର୍ଭର ଭାରତର ପ୍ରତିଜ୍ଞା ନେବେ ଏକ ପେଡ଼୍ ମା’ କେ ନାମ ବୃକ୍ଷରୋପଣ ଅଭିଯାନରେ ଭାଗନେବେ ଏବଂ ମାଇ ଭାରତ ପୋର୍ଟାଲ ସହିତ ଯୋଡ଼ିହେବେ। ଏହି କାର୍ଯ୍ୟକ୍ରମ ଜରିଆରେ ପ୍ରବାସୀ ଭାରତୀୟ, ଭାରତୀୟ ମୂଳ ବ୍ୟକ୍ତିମାନେ ଏବଂ ସ୍ଥାନୀୟ ଜନସାଧାରଣଙ୍କୁ ଯୋଡ଼ିବା ଉପରେ ମଧ୍ୟ ବଳ ଦିଆଯାଇଛି। ଭାରତୀୟ ମିଶନ ସାଂସ୍କୃତିକ ସଂଗଠନ ଏବଂ ସାମୁଦାୟିକ ସମୁଦାୟ ସହିତ ମିଶି ଯୁବକମାନେଙ୍କୁ ସଂଗଠିତ କରିବାକୁ କାର୍ଯ୍ୟ କରିବେ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି