ମାଲକାନଗିରି, ୧୫ ଜାନୁଆରୀ (ହି.ସ.)- କାଲିମେଲା ଉଚ୍ଚ ବିଦ୍ୟାଳୟରେ ମାଲକାନଗିରି ଜିଲ୍ଲାସ୍ତରୀୟ ତିନିଦିନିଆ ଜୁନିୟର ରେଡକ୍ରସ (ଜେଆରସି) ଶିବିର ଆଜି ଉଦଘାଟିତ ହୋଇଯାଇଛି। ଯାହାର ଉଦ୍ଦେଶ୍ୟ ଛାତ୍ରଛାତ୍ରୀମାନଙ୍କ ମଧ୍ୟରେ ନେତୃତ୍ୱ ଗୁଣ, ସମନ୍ୱୟ ଏବଂ ସାମାଜିକ ଦାୟିତ୍ଵବୋଧ ସୃଷ୍ଟି କରିବା। ଜିଲ୍ଲା ଶିକ୍ଷା ଅଧିକାରୀ ଚିତ୍ତରଞ୍ଜନ ପାଣିଗ୍ରାହୀଙ୍କ ସଭାପତିତ୍ବରେ ଆୟୋଜିତ ଏହି ଉଦଘାଟନୀ ପର୍ବରେ ମୁଖ୍ୟ ଅତିଥି ଭାବେ ମାଲକାନଗିରି ବିଧାୟକ ନରସିଂହ ମାଡ଼କାମୀ ଯୋଗ ଦେଇଥିଲା ବେଳେ ବ୍ଲକ ଅଧ୍ୟକ୍ଷା ସୁଭାଷିନୀ ସୋଡ଼ି, ପୂର୍ବତନ ବିଧାୟକ ମୁକୁନ୍ଦ ସୋଡ଼ି, ଗୋଷ୍ଠୀ ଉନ୍ନୟନ ଅଧିକାରୀ କାଲିମେଳା ପ୍ରଦୀପ କୁମାର କର, ପୂର୍ବତନ ୱାଇ ଆର୍ ସି ଓ ଡ ରଞ୍ଜନ କୁମାର ସ୍ବାଇଁ, ଗୋଷ୍ଠୀ ଶିକ୍ଷା ଅଧିକାରୀ ରମେଶ ବାରୋଇ ଅତିଥି ଭାବେ ମଞ୍ଚାସୀନ ଥିଲେ।
ଏହି ଶିବିରରେ ପ୍ରାୟ ୪୦୦ ଛାତ୍ରଛାତ୍ରୀ ୧୧୧ ଗ୍ରାମ ପଞ୍ଚାୟତର ଅବସ୍ଥିତ ବିଭିନ୍ନ ବିଦ୍ୟାଳୟରୁ ଯୋଗ ଦେଇଥିଲେ ଯାହାକୁ ଆୟୋଜନ କରିବାରେ ସହଯୋଗ କରିଥିଲେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଭାଗୀରଥି ବେହେରା, ଭାରପ୍ରାପ୍ତ ଶାରିରୀକ ଶିକ୍ଷାଧିକାରୀ କାର୍ତ୍ତିକ ଚନ୍ଦ୍ର ବେହେରା, ନିରଞ୍ଜନ ମହାରଣା ଜେ ଆର୍ ସି ଓ ମାଲକାନଗିରି, ପ୍ରମୋଦ ବାରୋଇ ପ୍ରଧାନ ଶିକ୍ଷକ ସହ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ।
ତିନି ଦିନିଆ ଶିବିରରେ ସାହାଯ୍ୟ ପ୍ରଶିକ୍ଷଣ, ରକ୍ତଦାନ ସଚେତନତା, ବିପର୍ଯୟ ପରିଚାଳନା, ପରିବେଶ ସଂରକ୍ଷଣ, ଶ୍ରମଦାନ, ସ୍ବାସ୍ଥ୍ୟ, ସ୍ବଚ୍ଛତା ଆଦି ସନ୍ଦର୍ଭରେ ତାଲିମ ଦିଆଯିବ।
ହିନ୍ଦୁସ୍ଥାନ ସମାଚାର / ଶିବବ୍ରତ
