କ୍ବେଟା, ୨ ଅକ୍ଟୋବର (ହି.ସ.)- ବେଲୁଚିସ୍ତାନର କାଛି ଏବଂ କେଚ୍ ଜିଲ୍ଲାରେ ପାକିସ୍ତାନୀ ସାମରିକ କାର୍ଯ୍ୟକଳାପ ବୃଦ୍ଧି ପାଇଥିବାର ଖବର ଆସିଛି । ସ୍ଥାନୀୟ ସୂତ୍ର ଅନୁଯାୟୀ, କ୍ରମାଗତ ଦ୍ୱିତୀୟ ଦିନ ପାଇଁ କଚ୍ଛି ଜିଲ୍ଲାରେ ସାମରିକ କାର୍ଯ୍ୟାନୁଷ୍ଠାନ ଜାରି ରହିଥିବା ବେଳେ କେଚ ଜିଲ୍ଲାର ଟୁମ୍ପ ଅଂଚଳର ପାହାଡ଼ିଆ ଅଂଚଳରେ ସୈନ୍ୟ ଗତିବିଧି ବୃଦ୍ଧି ପାଇଛି ।

ବେଲୁଚିସ୍ତାନର ଅନ୍ଲାଇନ୍ ନ୍ୟୁଜ୍ ନେଟୱାର୍କ ଦ ବେଲୁଚିସ୍ତାନ ପୋଷ୍ଟ' ସ୍ଥାନୀୟ ସୂତ୍ରକୁ ଉଦ୍ଧୃତ କରି ରିପୋର୍ଟ କରିଛି ଯେ ପାକିସ୍ତାନ ସେନା କଚ୍ଛି, ଧାଦର ଏବଂ ଆଖପାଖ ଅଂଚଳରେ ଅପରେସନ କରୁଛି । ଏହି ସମୟରେ ଗନ୍ସିପ୍ ହେଲିକପ୍ଟର ଏବଂ ଡ୍ରୋନ୍ ବ୍ୟବହାର କରାଯାଇଥିଲା ଏବଂ କିଛି ଅଂଚଳରେ ଗୁଳି ଶବ୍ଦ ଶୁଣାଯାଇଥିବା ଦାବି କରାଯାଇଥିଲା । ତେବେ ଅପରେସନର କୌଣସି ମୃତାହତ ବିଷୟରେ କର୍ତୃପକ୍ଷଙ୍କ ତରଫରୁ କୌଣସି ସରକାରୀ ସୂଚନା ମିଳିନାହିଁ ।

ସୂତ୍ରରୁ ପ୍ରକାଶ ଯେ, ଏହାର ଗୋଟିଏ ଦିନ ପୂର୍ବରୁ, କଚ୍ଛି ଜିଲ୍ଲାର କିଛି ଅଂଶରେ ପାକିସ୍ତାନୀ ସେନା ଏବଂ ସଶସ୍ତ୍ର ବ୍ୟକ୍ତିଙ୍କ ମଧ୍ୟରେ ସଂଘର୍ଷ ହୋଇଥିଲା । ତେବେ ଏହି ଦାବି ସ୍ୱାଧୀନ ଭାବେ ପ୍ରମାଣିତ ହୋଇନାହିଁ । ଇତି ମଧ୍ୟରେ, କେଚ ଜିଲ୍ଲାର ଟୁମ୍ପ ଅଂଚଳରେ ଗୋମାଜି, ଡେଜିଗ୍, ମାର୍ ଏବଂ କିର୍ ଗ୍ରାମ ଚାରିପାଖରେ ସାମରିକ କାର୍ଯ୍ୟକଳାପ ବୃଦ୍ଧି ପାଇଥିବା ମଧ୍ୟ ସୂଚନା ମିଳିଛି ।

ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହି ଅଂଚଳରେ ସୈନ୍ୟମାନଙ୍କ ସହିତ ସଶସ୍ତ୍ର ଯାନ ଏବଂ ଟ୍ୟାଙ୍କଗୁଡ଼ିକର ଗତିବିଧି ବୃଦ୍ଧି ପାଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ