ରାହୁଲଙ୍କ ମନ୍ତବ୍ୟକୁ ନେଇ କଂଗ୍ରେସକୁ ଜବାବ ଦେଲେ କିରେନ ରିଜିଜୁ, ୪ଟି ପ୍ରଶ୍ନ ପଚାରିଲେ
ନୂଆଦିଲ୍ଲୀ, ୨୧ ନଭେମ୍ବର(ହି.ସ.) – ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ରାହୁଲ ଗାନ୍ଧୀଙ୍କ ମନ୍ତବ୍ୟକୁ ନେଇ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ କଂଗ୍ରେସକୁ ଜବାବ ଦେଇଛନ୍ତି। ୧୯୬୨ ମସିହାର ଭାରତ-ଚୀନ୍ ଯୁଦ୍ଧ, ଦେଶର ଦାରିଦ୍ର୍ୟ, ଦୀର୍ଘସ୍ଥାୟୀ ଆର୍ôଥକ ସ୍ଥିତି ଏବଂ ଆନ୍ତର୍ଜ
ରାହୁଲଙ୍କ ମନ୍ତବ୍ୟକୁ ନେଇ କଂଗ୍ରେସକୁ ଜବାବ ଦେଲେ କିରେନ ରିଜିଜୁ, ୪ଟି ପ୍ରଶ୍ନ ପଚାରିଲେ


ନୂଆଦିଲ୍ଲୀ, ୨୧ ନଭେମ୍ବର(ହି.ସ.) – ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ରାହୁଲ ଗାନ୍ଧୀଙ୍କ ମନ୍ତବ୍ୟକୁ ନେଇ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ କଂଗ୍ରେସକୁ ଜବାବ ଦେଇଛନ୍ତି। ୧୯୬୨ ମସିହାର ଭାରତ-ଚୀନ୍ ଯୁଦ୍ଧ, ଦେଶର ଦାରିଦ୍ର୍ୟ, ଦୀର୍ଘସ୍ଥାୟୀ ଆର୍ôଥକ ସ୍ଥିତି ଏବଂ ଆନ୍ତର୍ଜାତୀୟ ସ୍ତରରେ ଭାରତର ଭାବମୂର୍ତି ଉପରେ ସେ କଂଗ୍ରେସ ଠାରୁ ଉତର ମାଗିଛନ୍ତି।

ଶନିବାର ଦିନ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସେୟାର ହୋଇଥିବା ପୋଷ୍ଟରେ କିରେନ ରିଜିଜୁ କହିଛନ୍ତି ଯେ ରାହୁଲ ଗାନ୍ଧୀଙ୍କ ପ୍ରଧାନମନ୍ତ୍ରୀଙ୍କ ବିରୋଧ ଏବେ ଦେଶ ବିରୋଧରେ ବୟାନବାଜିରେ ପହଂଚିଛି। ୧୯୬୨ର ଅପମାନ ପାଇଁ କ୍ଷମା ମାଗିବାକୁ ଏବଂ ଦେଶର ତତ୍କାଳୀନ ଆର୍ôଥକ ସ୍ଥିତି ଉପରେ ଜବାବ ଦେବାକୁ ରିଜିଜୁ କଂଗ୍ରେସକୁ କହିଥିଲେ।

୧୯୬୨ ମସିହାରେ ତାଙ୍କ ଗାଁ ଚୀନ୍ ଦଖଲରେ ଥିବାବେଳେ ହୋଇଥିବା ଅପମାନ ପାଇଁ କଂଗ୍ରେସ କ୍ଷମା ମାଗିବ କି ବୋଲି ରିଜିଜୁ ପଚାରିଥିଲେ। ସେ ଦ୍ୱିତୀୟ ପ୍ରଶ୍ନ ପଚାରିଥିଲେ, କଂଗ୍ରେସ କାହିଁକି ଭାରତକୁ ଏକ ଗରିବ ଦେଶରେ ରଖିଥିଲା? ତୃତୀୟ ପ୍ରଶ୍ନରେ ସେ ପଚାରିଥିଲେ ଯେ ଭାରତକୁ କାହିଁକି ଏକଦା ସର୍ପବିଶାରଦମାନଙ୍କ ଦେଶ କୁହାଯାଉଥିଲା। ଚତୁର୍ଥ ପ୍ରଶ୍ନରେ ସେ ପଚାରିଥିଲେ ଯେ ହିନ୍ଦୁ ଅଭିବୃଦ୍ଧି ହାର' ବୋଲି ଅଭିହିତ କରି ଭାରତୀୟ ଅର୍ଥବ୍ୟବସ୍ଥାକୁ କାହିଁକି ଅପମାନିତ କରାଗଲା?

ପ୍ରଧାନମନ୍ତ୍ରୀ ମୋଦୀଙ୍କୁ ଆପୋଷ ବୁଝାମଣା' କରୁଥିବା ବ୍ୟକ୍ତି ଭାବେ ବର୍ଣ୍ଣନା କରି ରାହୁଲ ଗାନ୍ଧୀ ଦେଇଥିବା ମନ୍ତବ୍ୟ ପରେ ରିଜିଜୁ ଏହି ମନ୍ତବ୍ୟ ଦେଇଛନ୍ତି। ନଭେମ୍ବର ୧୯ରେ ରାହୁଲ ଗାନ୍ଧୀ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଏବଂ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଚାଇନାର ସେଞ୍ଝନରେ ଏକାଠି ଫଟୋ ସେୟାର କରିଥିଲେ ଏବଂ ପ୍ରଧାନମନ୍ତ୍ରୀ କହିଥିଲେ ଯେ ଯେତେବେଳେ କଂଗ୍ରେସ କ୍ଷମତାରେ ଥିଲା, ଭାରତର ପ୍ରଧାନମନ୍ତ୍ରୀ ମଧ୍ୟ ସମାନ ଚେୟାରରେ ବସିଥିଲେ(ଡୋନାଲ୍ଡ ଟ୍ରମ୍ପ, ସି ଜିନପିଙ୍ଗ ଏବଂ ଭ୍ଲାଦିମିର ପୁଟିନଙ୍କ ସହ)।

ଉଲ୍ଲେଖନୀୟ କଥା ହେଉଛି, ଏହି ଚିତ୍ରଟି ନଭେମ୍ବର ୧୯ରେ ସେନଞ୍ଝେନର କାଇଲିନ୍ ଭିଲା ଠାରେ ଅନୁଷ୍ଠିତ ତିନି ନେତାଙ୍କ ତ୍ରିପକ୍ଷୀୟ ବୈଠକର ଥିଲା। ୨୦୨୬ ଏସିଆ-ପ୍ରଶାନ୍ତ ମହାସାଗରୀୟ ଅର୍ଥନୈତିକ ସହଯୋଗ(ଏ.ପି.ଇ.ସି.) ଶିଖର ସମ୍ମିଳନୀ ସମୟରେ ଏହି ବୈଠକ ଅନୁଷ୍ଠିତ ହୋଇଥିଲା। ଏଥିରେ ଆଣବିକ ଅସ୍ତ୍ର ନିୟନ୍ତ୍ରଣ, ଜାତିସଂଘ ସୁରକ୍ଷା ପରିଷଦ ସଂସ୍କାର ଏବଂ ୟୁକ୍ରେନ ଏବଂ ଇରାନରେ ସଂଘର୍ଷ ଭଳି ପ୍ରସଙ୍ଗ ଉପରେ ଆଲୋଚନା କରାଯାଇଥିଲା। ଏହି ତିନୋଟି ଦେଶ ବିଶ୍ୱର ପ୍ରମୁଖ ଆଣବିକ ଶକ୍ତି ମଧ୍ୟରେ ଅଛନ୍ତି ଏବଂ ମିଳିତ ଜାତିସଂଘ ସୁରକ୍ଷା ପରିଷଦର ସ୍ଥାୟୀ ସଦସ୍ୟ ମଧ୍ୟ ଅଟନ୍ତି। ଭାରତ ଏପିଇସିର ସଦସ୍ୟ ନୁହେଁ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି


 rajesh pande