କେନ୍ଦ୍ରାପଡା-୦୩/୦୨: ଦିବ୍ୟଜୀବନ ସଙ୍ଘ ଶିବାନନ୍ଦ ଆଶ୍ରମ ପରିସରରେ କଲ୍ୟାଣକାରୀ ଶ୍ରୀ ଶ୍ରୀ ବିଷ୍ଣୁ ମହାଯଜ୍ଞ କଳସଯାତ୍ରା ଓ ଯଜ୍ଞ ଆହୂତି ଶୁଭାରମ୍ଭ ହୋଇଯାଇଛି । ଏଥିରେ ସପ୍ତାହ ବ୍ୟାପି ଅନ୍ନଯଜ୍ଞ, ସେବାଯଜ୍ଞ, ନାମଯଜ୍ଞ,ଘୃତଯଜ୍ଞ ଓ ଜ୍ଞାନଯଜ୍ଞ ପରି ପଞ୍ଚ ମହାଯଜ୍ଞ ଶ୍ରୀମା ସ୍ୱାମୀ ଦିବ୍ୟସ୍ୱରୂପାନନ୍ଦ ସରସ୍ୱତୀଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ହେଉଅଛି । ଏହି ଯଜ୍ଞରେ ରାଜ୍ୟ ସରକାରଙ୍କ ଓଡିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ କରାଯିବାର ବ୍ୟବସ୍ଥା କରାଯାଇଛି । ଏଥିସହିତ ମା’ମାନଙ୍କୁ ଆଧ୍ୟାତ୍ମିକତା ସହ ଯୋଡିବା ନିମନ୍ତେ ଆବଶ୍ୟକ କାର୍ଯ୍ୟକ୍ରମ ପ୍ରସ୍ତୁତ କରାଯାଇଛି । ଏହି ଯଜ୍ଞରେ ବହୁ ସାଧୁସନ୍ଥ, ସମ୍ମାନସ୍ପଦ ବ୍ୟକ୍ତିବିଶେଷ ଓ ବୁଦ୍ଧିଜୀବୀମାନେ ଯୋଗଦେବାର କାର୍ଯ୍ୟକ୍ରମ ରହିଛି । ଏହି ମହାନଯଜ୍ଞରେ ସମସ୍ତେ ଉପସ୍ଥିତ ରହି ବିଭୁକୃପା ଲାଭ କରିବାକୁ ଆଶ୍ରମ ପକ୍ଷରୁ ବାବାଜୀ ନୃସିଂହନାଥ ଦାସ ନିବେଦନ କରିଛନ୍ତି ।

ହିନ୍ଦୁସ୍ଥାନ ସମାଚାର / ରବି