ନୂଆଦିଲ୍ଲୀ, ୨୦ ମାର୍ଚ୍ଚ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିନ ସଂସ୍କୃତ ଏକ ସୁଭାଷିତମ୍ ସେୟାର କରିଛନ୍ତି, ଯେଉଁଥିରେ ଦେବୀ ବ୍ରହ୍ମଚାରିଣୀଙ୍କ ଦିବ୍ୟ ଏବଂ ମଙ୍ଗଳମୟ କୃପା ଉପରେ ଆଲୋକପାତ କରାଯାଇଛି ।
ଆଜି ନବରାତ୍ରିର ଗଭୀର ଆଧ୍ୟାତ୍ମିକ ପରିବେଶ ଉପରେ ନିଜର ଚିନ୍ତାଧାରା ବ୍ୟକ୍ତ କରି ପ୍ରଧାନମନ୍ତ୍ରୀ ମୋଦି ଏକ୍ସ ରେ ଲେଖିଛନ୍ତି ଯେ, ଏହି ସଂସ୍କୃତ ସୁଭାଷିତମ୍ ପାଠରେ ଦେବୀ ବ୍ରହ୍ମଚାରିଣୀଙ୍କ ଦିବ୍ୟ ଏବଂ ମଙ୍ଗଳମୟ କୃପା ବର୍ଣ୍ଣନା କରାଯାଇଛି । ମାତା ଅମ୍ବାଙ୍କ ଭକ୍ତିରେ ବୁଡ଼ି ରହିଥିବା ନବରାତ୍ରିର ପରିବେଶ ମନକୁ ଅପାର ଶାନ୍ତି ଏବଂ ଶକ୍ତିରେ ପରିପୂର୍ଣ୍ଣ କରିଥାଏ । ମାତା ଦେବୀଙ୍କ ପ୍ରତି ସମର୍ପିତ ଭକ୍ତି ଏବଂ ବିଶ୍ୱାସର ପ୍ରତିଧ୍ୱନି ହୃଦୟକୁ ପୂର୍ଣ୍ଣ କରିଥାଏ । ସେ ମାତା ଅମ୍ବାଙ୍କ ପ୍ରତି ସମର୍ପିତ ଏକ ଭକ୍ତିପୂର୍ଣ୍ଣ ଗୀତ ମଧ୍ୟ ଗାଇଥିଲେ ।
ସେ ଲେଖିଛନ୍ତି, ମାତା ବ୍ରହ୍ମଚାରିଣୀଙ୍କ ପାଦରେ ଲକ୍ଷ ଲକ୍ଷ ପ୍ରଣାମ । ମାତା ଦେବୀ ସମସ୍ତ ଭକ୍ତଙ୍କ ଉପରେ ତାଙ୍କର ଆଶୀର୍ବାଦ ବୃଷ୍ଟି କରନ୍ତୁ । ସେ ଦଧାନ କରପଦ୍ମଭ୍ୟମକ୍ଷମାଲକମଣ୍ଡଳୁ । ଦେବୀ ପ୍ରସୀଦତୁ ମୟି ବ୍ରହ୍ମଚାରିଣ୍ୟନୁତମା । ଶୀର୍ଷକ ଏକ ଶ୍ଳୋକ ବାଂଟିଛନ୍ତି ।, ଯାହାର ଅର୍ଥ ହେଉଛି, ପରମେଶ୍ୱର ଦେବୀ ବ୍ରହ୍ମଚାରିଣୀ, ଯିଏ ତାଙ୍କ କମଳ ଭଳି ହାତରେ ମାଳା ଏବଂ ପାଣିର ପାତ୍ର ଧରିଛନ୍ତି, ମୋତେ ଆଶୀର୍ବାଦ କରନ୍ତୁ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
