ହାଇଦ୍ରାବାଦ/ବିଜୟୱାଡ଼ା,୨୫ ମାର୍ଚ୍ଚ(ହି.ସ.) – ଆନ୍ଧ୍ରପ୍ରଦେଶ ପୋଲିସ୍ ଅନ୍ତରାଜ୍ୟିୟ ସ୍ତରରେ ଚାଲୁଥିବା ଏକ ସଂଗଠିତ ଅଭିଯାନରେ ସନ୍ଦିଗ୍ଧ ଆତଙ୍କବାଦୀ ସମ୍ବନ୍ଧ ରହିଥିବା ୧୨ ଲୋକଙ୍କୁ ଗିରଫ କରିଛି। ଏହି କାର୍ଯ୍ୟାନୁଷ୍ଠାନରେ ହାଇଦ୍ରାବାଦର ଏକ ୩୫ ବର୍ଷୀୟ ମହିଳାଙ୍କୁ ମଧ୍ୟ ହାଜତରେ ନିଆଯାଇଛି।

ପୋଲିସ୍ ଅନୁଯାୟୀ, ହାଇଦ୍ରାବାଦର ଚଂଚଲଗୁଡ଼ା ରୋଡ଼ ସ୍ଥିତ ଜାୟକା ହୋଟେଲ ପାଖରେ ରହୁଥିବା ସାୟଦା ବେଗମ ଉପରେ ଦେଶବିରୋଧି ଗତିବିଧିରେ କଥିତ ସଂଳିପ୍ତତା ଅଭିଯୋଗ ଅଛି। ଆନ୍ଧ୍ରପ୍ରଦେଶ ପୋଲିସର କାଉଂଟର ଇଂଟେଲିଜେନ୍ସ ସେଲ୍ ଏବଂ ବିଜୟୱାଡ଼ା ପୋଲିସର ସଂଯୁକ୍ତ ଟିମ୍ ହାଇଦ୍ରାବାଦ ପୋଲିସ୍ର ସାହାଯ୍ୟରେ ତାଙ୍କ ଘର ଉପରେ ଚଢ଼ାଉ କରି ତାଙ୍କୁ ହାଜତକୁ ନେଇଛି ଏବଂ ପରେ ବିଜୟୱାଡ଼ା ନିଆଯାଇଛି।

ଏହି କାର୍ଯ୍ୟାନୁଷ୍ଠାନ ଆନ୍ଧ୍ରପ୍ରଦେଶରେ ପ୍ରଥମେ ଗିରଫ କରାଯାଇଥିବା ତିନି ସନ୍ଦିଗ୍ଧଙ୍କ ଆଧାରରେ ଆଗକୁ ବଢ଼ାଯାଇଛି। ଏହି ଅଭିଯୁକ୍ତମାନଙ୍କ ମଧ୍ୟ ବିଂଚପେଟ ନିବାସୀ ମୋହମ୍ମଦ ରହମତୁଲ୍ଲା ଶରିଫ(ବାଇକ୍ ଟ୍ୟାକ୍ସି ଚାଳକ), ଭବାନୀପୁରମ୍ର ମୋହମ୍ମଦ ଦାନିଶ(ଲେଜର ମାକିଂଗ ପେଶେୱର) ଏବଂ ମହଂଥିପୁରମର ମିର୍ଜା ସୋହେଲ ବେଗ(ରେସ୍ତରାଂ କର୍ମଚାରୀ) ସାମିଲ ଅଛନ୍ତି।

ପୋଲିସ୍ ମୁତାବିକ, ରହମତୁଲ୍ଲା ଶରିଫ ସୋସିଆଲ୍ ମିଡିଆ ମାଧ୍ୟମରେ ଏକ ବିଦେଶୀ ହ୍ୟାଣ୍ଡଲର ଅଲ୍ ହକିମ ଶୁକୁରଙ୍କ ସମ୍ପର୍କରେ ଆସିଥିଲା। ଅଭିଯୋଗ ଯେ ଏହି ହେଣ୍ଡଲର ତାକୁ ଜିହାଦୀ ଗତିବିଧି ପାଇଁ ଉକ୍ସାଇଛନ୍ତି ଏବଂ ବିହାରର ଶାଦମାନ ଦିଲକଶ ତଥା ହାଇଦ୍ରାବାଦର ସାୟଦା ବେଗମଙ୍କ ସହିତ ମିଶି କାମ କରିବାର ନିର୍ଦ୍ଦେଶ ଦେଇଛନ୍ତି।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି