ନୂଆଦିଲ୍ଲୀ, ୩୦ ମାର୍ଚ୍ଚ (ହି.ସ.)ରାଜଧାନୀ ଦିଲ୍ଲୀରେ ବଡ଼ ଆତଙ୍କବାଦୀ ଆକ୍ରମଣର ଷଡଯନ୍ତ୍ରକୁ ବିଫଳ

କରି ଦିଲ୍ଲୀ ପୁଲିସର ସ୍ପେଶାଲ ସେଲ ନିଷିଦ୍ଧ ଆତଙ୍କବାଦୀ ସଂଗଠନ ଲଶ୍କର-ଇ-ତଏବା ସହ ଜଡିତ ଜଣେ

ଦୁର୍ଦାନ୍ତ ଆତଙ୍କବାଦୀ ସବୀର ଅହମଦ ଲୋନକୁ ଗିରଫ କରିଛି। ତଦନ୍ତ ଏଜେନ୍ସି ଅନୁସାରେ, ଲୋନ ଏହି ସମଗ୍ର ମଡ୍ୟୁଲର ହ୍ୟାଣ୍ଡଲର ଥିଲା ଏବଂ ନିକଟରେ ସାମ୍ନାକୁ

ଆସିଥିବା ମେଟ୍ରୋ ପୋଷ୍ଟର ମାମଲାରେ ଧରାପଡ଼ିଥିବା ଆତଙ୍କୀ ନେଟୱର୍କକୁ ସଞ୍ଚାଳନ କରୁଥିଲା।

ସ୍ପେଶାଲ ସେଲର ଜଣେ ବରିଷ୍ଠ

ଅଧିକାରୀ କହିଛନ୍ତି ଯେ ସ୍ପେଶାଲ ସେଲର ନୂଆଦିଲ୍ଲୀ ରେଞ୍ଜର ପୁଲିସ ଉପାୟୁକ୍ତ ପ୍ରବୀଣ

ତ୍ରିପାଠୀଙ୍କ ନିର୍ଦ୍ଦେଶନାରେ ରବିବାର ବିଳମ୍ବିତରାତିରେ ଗାଜିପୁର ଅଞ୍ଚଳରୁ ଏହି ଆତଙ୍କୀକୁ

ଗିରଫ କରାଯାଇଛି।

ସ୍ପେଶାଲ ସେଲର ଅଧିକାରୀମାନେ

କହିଛନ୍ତି ଯେ ସବୀର ଅହମଦ ଲୋନ ନିକଟରୁ ପ୍ରାୟ ୨,୩୦୦ ବାଂଲାଦେଶୀ

ଟକା, ୩,୦୦୦ ରୁ ୫,୦୦୦ ପାକିସ୍ତାନୀ ମୁଦ୍ରା (ପ୍ରାୟ ୩,୦୦୦ ଭାରତୀୟ ଟଙ୍କା ସମାନ) ଏବଂ ଗୋଟିଏ ନେପାଳୀ ସିମ୍ କାର୍ଡ ଜବତ

ହୋଇଛି। ଏହି ସମସ୍ତ ସାମଗ୍ରୀକୁ ଜବତ କରାଯାଇଛି ଏବଂ ସେଗୁଡିକର ଫୋରେନ୍ସିକ ତଦନ୍ତ କରାଯାଉଛି।

ତଦନ୍ତରୁ ଏହା ମଧ୍ୟ

ସାମ୍ନାକୁ ଆସିଛି ଯେ ଲୋନ ଦୀର୍ଘ ସମୟ ଧରି ବାଂଲାଦେଶରେ ରହି ଭାରତ ବିରୋଧୀ କାର୍ଯ୍ୟକଳାପ

ସଞ୍ଚାଳନ କରୁଥିଲା। ଏହା ପୂର୍ବରୁ ସେ ହାଟିଆରାରେ ତାଙ୍କର ମଡ୍ୟୁଲ ପାଇଁ ଗୋଟିଏ ଠିକଣା

ପ୍ରସ୍ତୁତ କରିଥିଲା, ଯାହା ସହଯୋଗୀମାନଙ୍କ ପାଇଁ

‘ସେଫ ହାଉସ’ ଭାବେ ବ୍ୟବହୃତ ହେଉଥିଲା।

ସ୍ପେଶାଲ ସେଲ ଅଧିକାରୀଙ୍କ

ଅନୁସାରେ, ଏହି ଠିକଣା ଆତଙ୍କବାଦୀ କାର୍ଯ୍ୟକଳାପ ସଞ୍ଚାଳନ ଏବଂ ସଦସ୍ୟମାନଙ୍କୁ

ଲୁଚାଇବା ପାଇଁ ବହୁତ ଗୁରୁତ୍ୱପୂର୍ଣ୍ଣ ଥିଲା। ଏଠାରୁ ମଡ୍ୟୁଲ ସଦସ୍ୟମାନଙ୍କୁ ନିର୍ଦ୍ଦେଶ

ଦିଆଯାଉଥିଲା ଏବଂ ପରବର୍ତ୍ତୀ ଷଡଯନ୍ତ୍ର ରଚନା କରାଯାଉଥିଲା।

ତଦନ୍ତ ଏଜେନ୍ସି ଅନୁସାରେ, ସବୀର ଲୋନର ଲକ୍ଷ୍ୟ ସେହି ଅଞ୍ଚଳ ଥିଲା ଯେଉଁଠାରେ ଲୋକମାନଙ୍କ ଯିବାଆସିବା

ଅଧିକ ରହେ। ସେ ଏମିତି ସ୍ଥାନମାନଙ୍କର ରେକି କରୁଥିଲେ, ଯେଉଁଠାରେ

ସର୍ବାଧିକ କ୍ଷତି କରାଯାଇପାରିବ। ନିକଟ ଦିନଗୁଡିକରେ ମଧ୍ୟ ସେ ଅନେକ ଭିଡ଼ ଅଞ୍ଚଳକୁ ଯାଇ ସମ୍ଭାବ୍ୟ

ଆକ୍ରମଣ ପାଇଁ ସର୍ଭେ କରିଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା