ନୂଆଦିଲ୍ଲୀ, ୩୦ ମାର୍ଚ୍ଚ (ହି.ସ.)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୩୧

ମାର୍ଚ୍ଚ ୨୦୨୬ ରେ ତାଙ୍କର ଗୃହରାଜ୍ୟ ଗୁଜରାଟକୁ ଦିନିକିଆ ଗସ୍ତରେ ଯିବେ । ଏହି ସମୟରେ ସେ

ଆଧ୍ୟାତ୍ମିକ,

ଶିଳ୍ପ ଓ ପାଇପାଇ ଢାଞ୍ଚା ସମ୍ପର୍କିତ ଅନେକ ଗୁରୁତ୍ୱପୂର୍ଣ୍ଣ

ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କରିବେ।

ପ୍ରଧାନମନ୍ତ୍ରୀ କାର୍ଯ୍ୟାଳୟ

ଅନୁସାରେ, ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ଗୋଟିଏ ସେମିକଣ୍ଡକ୍ଟର ପ୍ଲାଣ୍ଟର

ଉଦ୍ଘାଟନ କରିବେ ଏବଂ ୨୦ ହଜାର କୋଟି ଟଙ୍କାରୁ ଅଧିକ ମୂଲ୍ୟର ବିଭିନ୍ନ ବିକାଶ ପ୍ରକଳ୍ପକୁ

ଲୋକାର୍ପଣ କରିବେ।

ପ୍ରଧାନମନ୍ତ୍ରୀଙ୍କ ଗସ୍ତର

ଆରମ୍ଭ ସକାଳ ୧୦ଟାରେ କୋବା ତୀର୍ଥ ର ହେବ, ଯେଉଁଠାରେ

ସେ ମହାବୀର ଜୟନ୍ତୀ ଅବସରରେ ‘ସମ୍ରାଟ ସଂପ୍ରତି ସଂଗ୍ରହାଳୟ’ର ଉଦ୍ଘାଟନ କରିବେ। ଏହି

ସଂଗ୍ରହାଳୟ ଜୈନ ଧର୍ମର ମହାନ ସରକ୍ଷକ ସମ୍ରାଟ ସଂପ୍ରତିଙ୍କୁ ଉତ୍ସର୍ଗ କରାଯାଇଛି। ସାତଟି

ଦିର୍ଘାରେ ବିସ୍ତୃତ ଏହି ସଂଗ୍ରହାଳୟରେ ୨,୦୦୦ ରୁ

ଅଧିକ ଦୁର୍ଲଭ କଳାବସ୍ତୁ, ପ୍ରାଚୀନ ପାଣ୍ଡୁଲିପି ଏବଂ

ପଥର ଓ ଧାତୁର ମୂର୍ତ୍ତି ପ୍ରଦର୍ଶିତ ହୋଇଛି। ଆଧୁନିକ ଡିଜିଟାଲ ପ୍ରଯୁକ୍ତି ମାଧ୍ୟମରେ ଏହା ଜୈନ

ଧର୍ମର ବିକାଶ ଯାତ୍ରାକୁ ପ୍ରଦର୍ଶନ କରିବ।

ଏହାପରେ ପ୍ରଧାନମନ୍ତ୍ରୀ ଦ୍ୱିପ୍ରହର

୧୨:୪୫ରେ ସାନନ୍ଦ ଜିଆଇଡିସିପହଞ୍ଚିବେ, ଯେଉଁଠାରେ ସେ କେୟନ୍ସ ସେମିକନ୍ ପ୍ଲାଣ୍ଟର ଉଦ୍ଘାଟନ କରିବେ।

ମାଇକ୍ରୋନ ଟେକ୍ନୋଲୋଜି ପରେ ଏହା ଭାରତରେ ବାଣିଜ୍ୟିକ ଉତ୍ପାଦନ ଆରମ୍ଭ କରୁଥିବା ଦ୍ୱିତୀୟ

ସେମିକଣ୍ଡକ୍ଟର ଇଉନିଟ୍ ହେବ। ଏଠାରେ ଉନ୍ନତ ଇଣ୍ଟେଲିଜେଣ୍ଟ ପାୱାର ମଡ୍ୟୁଲ ତିଆରି ହେବ, ଯାହା ଅଟୋମୋଟିଭ ଏବଂ ଶିଳ୍ପ ଖାତରେ ବ୍ୟବହୃତ ହୁଏ। ଏହାର ଉତ୍ପାଦନ

କ୍ଷମତା ପ୍ରତିଦିନ ୬.୩୩ ମିଲିୟନ୍ ୟୁନିଟ୍ ପର୍ଯ୍ୟନ୍ତ ରହିବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା