ତିରୁବନନ୍ତପୁରମ, ୩୧ ମାର୍ଚ୍ଚ (ହି.ସ.)- ଭାରତୀୟ ଜନତା ପାର୍ଟି (ବିଜେପି) ମଙ୍ଗଳବାର କେରଳ ବିଧାନସଭା ନିର୍ବାଚନ ପାଇଁ ଏହାର ଇସ୍ତାହାର ପ୍ରକାଶ କରିଛି। ଏହା ପରିବର୍ତନ, ଏହା ବିକଶିତ କେରଳ ବିଷୟବସ୍ତୁ ଉପରେ ଆଧାରିତ ଏହି ଇସ୍ତାହାର ରାଜ୍ୟର ସାମଗ୍ରିକ ବିକାଶ ପାଇଁ ଏକ ରୋଡମ୍ୟାପ୍ ଉପସ୍ଥାପନ କରେ, ଯେଉଁଥିରେ ପ୍ରମୁଖ ଭିତିଭୂମି ପ୍ରକଳ୍ପ, ସାମାଜିକ କଲ୍ୟାଣ ଯୋଜନା ଏବଂ ପ୍ରଶାସନିକ ସଂସ୍କାର ଉପରେ ବିଶେଷ ଗୁରୁତ୍ୱ ଦିଆଯାଇଛି।
ତିରୁବନନ୍ତପୁରମର ଶ୍ରୀ ମୂଳମ୍ କ୍ଲବରେ ଆୟୋଜିତ ଏକ କାର୍ଯ୍ୟକ୍ରମରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନ ଏହି ଇସ୍ତାହାର ପ୍ରକାଶ କରିଛନ୍ତି। ଦଳର ରାଜ୍ୟ ସଭାପତି ରାଜୀବ ଚନ୍ଦ୍ରଶେଖର, ଟିଭି୨୦ ଦଳର ମୁଖ୍ୟ ସଂଯୋଜକ ସାବୁ ଜାକବ, ବିଡିଜେଏସ ରାଜ୍ୟ ସଭାପତି ତୁଷାର ଭେଲାପାଲ୍ଲୀ ଏବଂ ତିରୁବନନ୍ତପୁରମ ମେୟର ଭିଭି ରାଜେଶ ପ୍ରମୁଖ ନେତାଙ୍କ ସମେତ ଉପସ୍ଥିତ ଥିଲେ।
ବିଜେପିର ଘୋଷଣାପତ୍ରରେ କେରଳର ଭିତିଭୂମିକୁ ନୂତନ ଉଚ୍ଚତାରେ ପହଂଚାଇବାର ପ୍ରତିଶ୍ରୁତି ଦିଆଯାଇଛି। ସବୁଠାରୁ ଗୁରୁତ୍ୱପୂର୍ଣ୍ଣ ପ୍ରସ୍ତାବ ହେଉଛି ଏକ ଅଖିଳ ଭାରତୀୟ ଚିକିତ୍ସା ବିଜ୍ଞାନ ସଂସ୍ଥାନ (ଏମ୍ସ) ପ୍ରତିଷ୍ଠା, ଯାହା ରାଜ୍ୟର ଏକ ଦୀର୍ଘକାଳୀନ ଦାବି। ପରିବହନ କ୍ଷେତ୍ରରେ, ଦଳ ତିରୁବନନ୍ତପୁରମରୁ କନ୍ନୁର ପର୍ଯ୍ୟନ୍ତ ଏକ ହାଇ-ସ୍ପିଡ୍ ରେଳ କରିଡର ନିର୍ମାଣ କରିବାକୁ ପ୍ରତିଶ୍ରୁତି ଦେଇଛି, ଯାହା ରାଜ୍ୟ ମଧ୍ୟରେ ଯାତ୍ରା ସମୟକୁ ଯଥେଷ୍ଟ ହ୍ରାସ କରିବ ବୋଲି ଆଶା କରାଯାଉଛି। ସହରାଂଚଳ ଭିଡ଼ କମ କରିବା ପାଇଁ ଏହା ତିରୁବନନ୍ତପୁରମ ଏବଂ କୋଝିକୋଡରେ ମେଟ୍ରୋ ରେଳ ପ୍ରକଳ୍ପ ଆରମ୍ଭ କରିବାକୁ ମଧ୍ୟ ଯୋଜନା କରୁଛି।
--------------------------
---------------
ହିନ୍ଦୁସ୍ଥାନ ସମାଚାର / ଗଗନ