ବଲାଙ୍ଗିର, 05 ମାର୍ଚ୍ଚ (ହି.ସ.)
ବଲାଙ୍ଗିର ସହରର ଟିକ୍ରାପଡା ନିବାସୀ ଏବଂ କଂଗ୍ରେସ ଦଳର ଯୁବନେତା ସନୋଜ ପଟ୍ଟନାୟକଙ୍କ ଅକାଳ ଦେହାନ୍ତ ଘଟିଥିବା ଖବର ପ୍ରକାଶ ପାଇବା ପରେ ସମଗ୍ର ଅଂଚଳରେ ଗଭୀର ଶୋକର ଛାୟା ଖେଳିଯାଇଥିଲା । ସେ ଦଳର ଜଣେ ସକ୍ରିୟ କର୍ମୀ ଭାବେ ସାମାଜିକ ଓ ରାଜନୈତିକ କ୍ଷେତ୍ରରେ ଦିର୍ଘଦିନ ଧରି କାର୍ଯ୍ୟ କରୁଥିଲେ ଏବଂ ସ୍ଥାନୀୟ ଯୁବମାନଙ୍କ ମଧ୍ୟରେ ଜଣେ ପରିଚିତ ମୁହଁ ଥିଲେ । ତାଙ୍କ ଅକାଳ ବିୟୋଗରେ ଦଳୀୟ କର୍ମୀ, ମିତ୍ରମଣ୍ଡଳୀ ଓ ସ୍ଥାନୀୟ ଲୋକମାନଙ୍କ ମଧ୍ୟରେ ଦୁଃଖ ଓ ଶୋକ ପ୍ରକାଶ ପାଇଛି । ତାଙ୍କ ଅସମୟରେ ପରଲୋକଗମନ ରେ ଆତ୍ମାର ସଦ୍ଗତି କରି ଆଜି ବଲାଙ୍ଗିର ସ୍ଥିତ ସ୍ଥାନୀୟ କଂଗ୍ରେସ କାର୍ଯ୍ୟାଳୟ ପରିସରରେ ଏକ ଶୋକ ସଭା ଆୟୋଜନ ହୋଇଥିଲା । ଏହି ଶୋକ ସଭାରେ ବିଭିନ୍ନ ଦଳୀୟ ନେତା, କର୍ମୀ, ସମାଜସେବୀ ଏବଂ ସାଧାରଣ ଲୋକମାନେ ଯୋଗଦେଇ ସ୍ୱର୍ଗତ ସନୋଜ ପଟ୍ଟନାୟକଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ତାଙ୍କ ଅକାଳ ବିୟୋଗରେ ଏକ ଉଦୀୟମାନ ଯୁବ ନେତୃତ୍ୱ କୁ ଅଂଚଳ ହରାଇଛି ବୋଲି ବହୁ ନେତା ପ୍ରକାଶ କରିଛନ୍ତି । ଆଜିର ଏହି ଶ୍ରଦ୍ଧାଞ୍ଜଳି ସଭାରେ ନଗର କଂଗ୍ରେସ ସଭାପତି ବୁଲୁ ଦାନୀ, ମନୀଷ ମିଶ୍ର, ଜୁଲୁ ପଟ୍ଟନାୟକ, ସାନନ୍ଦ ମିଶ୍ର, କୈଳାସ ମିଶ୍ର, ଚିନ୍ମୟ ବେହେରା ପ୍ରଭୃତି ଉପସ୍ଥିତ ଥିଲେ ଓ ଦିବଂଗତ ଆତ୍ମାଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
05 Mar 2026
