ଆସାନସୋଲ, ୧୩ ଅପ୍ରେଲ (ହି.ସ.)- ଅଲ ଇଣ୍ଡିଆ ମଜଲିସ-ଏ-ଇତେହାଦୁଲ ମୁସଲିମିନ (ଏଆଇଏମଆଇଏମ) ର ମୁଖ୍ୟ ଅସଦୁଦ୍ଦିନ ଓୱେସୀ କହିଛନ୍ତି ଯେ, ତାଙ୍କର ଏକମାତ୍ର ଉଦ୍ଦେଶ୍ୟ ହେଉଛି ପଶ୍ଚିମବଙ୍ଗର ମୁସଲମାନମାନଙ୍କୁ ରାଜନୈତିକ ଭାବରେ ସଶକ୍ତ କରିବା । ସେ କହିଥିଲେ ଯେ ଏ.ଆଇ. ଏମ୍.ଆଇ.ଏମ୍. ହେଉଛି ପଶ୍ଚିମବଙ୍ଗର ଅବହେଳିତ ବର୍ଗର ଲୋକଙ୍କ ସ୍ୱର ।
ପଶ୍ଚିମବଙ୍ଗ ନିର୍ବାଚନ ପାଇଁ ପ୍ରଚାର କରୁଥିବା ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱେସୀ ସୋମବାର ଦିନ ରାଣୀଗଞ୍ଜର ଦରଗାହ ହୁଜୁର ଗୌସେ ବଙ୍ଗଳାରେ ପହଂଚି ଇବାଦତ କରିଥିଲେ । ତାଙ୍କ ସହ ଜିଲ୍ଲାର ଅନେକ ଦଳୀୟ କାର୍ଯ୍ୟକର୍ତା ଏବଂ ଆସାନସୋଲ ଉତର ଆସନରୁ ଦଳର ପ୍ରାର୍ଥୀ ଦାନିଶ ଅଜିଜ ମଧ୍ୟ ଉପସ୍ଥିତ ଥିଲେ ।
ମଜାରରେ ପ୍ରାର୍ଥନା କରିବା ପରେ ଓୱେସୀ ଗଣମାଧ୍ୟମକୁ କହିଥିଲେ ଯେ, ସମୟ ଆସିଛି ଯେତେବେଳେ ବଙ୍ଗର ମୁସଲମାନମାନେ ସେମାନଙ୍କର ସ୍ୱାଧୀନ ଏବଂ ଶକ୍ତିଶାଳୀ ରାଜନୈତିକ ନେତୃତ୍ୱ ପ୍ରସ୍ତୁତ କରିବା ଉଚିତ୍ । ସେ କହିଥିଲେ ଯେ, ଦୀର୍ଘ ସମୟ ଧରି ରାଜ୍ୟର ମୁସଲମାନମାନେ କେତେକ ବଛା ବଛା ରାଜନୈତିକ ଦଳ ସହିତ ଯୋଡ଼ି ହୋଇ ରହିଛନ୍ତି, କିନ୍ତୁ ଏହାଦ୍ୱାରା ସେମାନଙ୍କର ସାମାଜିକ ଏବଂ ଆର୍ôଥକ ସ୍ଥିତିରେ କୌଣସି ଉଲ୍ଲେଖନୀୟ ଉନ୍ନତି ହୋଇନାହିଁ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ